səməd rəhimli — ən bəyənilən yazılar

+3 əjdaha

1. 1989-cu ildə anadan olan liberal hüquqşünas, 9 fevral 2020 Azərbaycanda parlament seçkilərində xətai rayonundan namizəd idi, nəticədə məğlub oldu.
Cavid ağa tərəfindən alternativ prezident namizədi kimi görünür, amma uğursuz seçimdir. Liberalizmi, hələ-hələ klassikini bu millət sevməz, seçməz, istəməz.

+4 əjdaha

2. Yadigar Sadıqlı və digərləri ilə birləşib 3-cü respublika platformasını yaradıblar. xeyirli olsun. əgər vahid namizəd çıxarıb, listə salsalar, gedin ona verin. qorxmayın!

amma və lakin: düzdü, heç bir dəyişiklik olmayacaq. sadəcə bəzi şeylər var ki, anlayış olaraq, onun içini istəmədən və bilmədən boşaldırlar. eynilə 3-cü respublika kimi. çünki, post Əliyev dönəmi 3-cü respublikanın başlanğıcı olacaq Azərbaycanda. olacaq və ya olmayacaq, onu zaman göstərər. o bir müəmma. amma xalqın ağlına indidən bəzi şeyləri salıb, təsir edə bilmirsənsə, o fikir zamanla öz effektini itirir. eynilə uşağın ağlına "
sənə oyuncaq alacam" fikri kimi. o qədər deyirsən, deyirsən, axırda zamanı gəlib çatanda, o oyuncağı alıb uşağa verəndə, o uşaq gözlədiyi kimi sevinməyəcək.. çünki nə xəyallar qurmuşdu o oyuncaqla bərabər. gecələr yatmayıb, onunla nələr edəcəyini düşünmüşdü. və o oyuncağı ələ alanda, bir anlıq eyforiya... puff... sonra dopamin reseptorları söndü... vəsəllam. daha yaxşını verənə kimi, bir də o uşağın üzü gülməyəcək.

Azərbaycanda demokratiyanı qurmaq, dolayısı 3-cü respublikanı bərpa eləmək elə də asan bir şey deyil. birincisi 1918-20; ikincisi; 1991-92; 3-cüsü də... nə vaxtsa... 20xx- ...
və demokratk institutları, qurmaq, onları işə salmaq, möhkəmləndirmək ən azı 30-60 il zaman alan bir şeydi. Azərbaycan kimi, heç bir zaman demokratiya havasını almayan cəmiyyət üçün belə şeylər xülyadır, boş əfsanədir.

bəs, bizdə demokratiya nə vaxtsa ola bilməz? olar, niyə olmur. iki variant var: post əliyev dönəmində indiki hakimiyyət bir qoldan digərinə keçir, soft şəkildə və biz də köhnə itirilən 30-40 illə barışırıq(baxma: sərt olub neynəyəcəkdik ki?), ya da bu xalqın nəhayət ki, milli qeyrət damarı atır və inqilab olur, qan gövdəni götürür və kim nədi, nə deyil bilinir, eynilə sabirin dediyi kimi:

Zahida, gəl soyunaq bir kərə paltarımızı,
Çıxaraq zahirə batindəki əfkarımızı, ( red. oxu: fikrimizi)
Pişgahi-nəzəri-xəlqə tutaq varımızı,
Görüb onlar dəxi təhqiq eləsin karımızı,
Hər kimin ağı qara isə utansın, a balam!
Bəlkə illərcə yatanlar bir oyansın, a balam!

bəlkə onda illərcə yatanlar oyansın, a balam.. onda geriyə dönüşü olmayan demokratik yola qədəm qoymuş olacağıq. məhz o zaman, oğurlamaq, fırlatmaq, kimisə aldatmaq ən alçaq iş olacaq. hamı öz fikrini rahat, hürr şəkildə bildirə biləcək, heç kim heç kimin həyatına qarışmayacaq, haqq-hesab, mizan olacaq. keçmişimizlə mütləq və amma mütləq üzləşməliyik bir xalq olaraq və kimliyindən asılı olmayaraq hamıdan etdiyi səhvlərə görə hesabat soruşulmalıdır. ay bu mənim qardaşımdır, qohumumdu, buna keçid edim filan, girmir. qanun nədirsə, o. onda, hə, 3-cü respublika da olar, demokratiya da.
vive la republique troisiéme!!
vive la republique troisiéme!!
vive la republique troisiéme!!