8 noyabr zəfər günü

| tarix

əjdaha lazımdı   googllalink

    1. Yeni təsis edilmiş bayram.
    Əsl zəfər günü.
    Ləyaqətli zəfər günü.
    Biz zəfəri 8 noyabradək əldə etmişdik.

    10u putinin bəyanatı ilə zəfər qeyd edilməməli idi.

    Bu misilsiz qələbəyə ən gözəl yaraşan tarix elə 8 noyabrdır.
    Elə bir qələbə ki, həmin gün azərbaycan əsgərinə türkün silahı belə lazım olmadı,
    nə də ermənistana rusiya belə kömək edə bilmədi.
    2. 10 noyabrın Türkiyədə Mustafa Kamal Atatürkün anım günü olduğunu nəzərə alaraq, Azərbaycan Respublikasının Prezidenti cənab ilham Əliyev Zəfər Gününün tarixinin dəyişdirilməsi barədə qərar qəbul edib.
    Hər bir azərbaycanlı üçün əziz olan Qarabağın incisi Şuşa şəhərinin noyabrın 8-də iyirmi səkkiz illik əsarətdən qurtarılması müharibənin taleyində həlledici rol oynayıb, düşmənin siyasi-hərbi rəhbərliyinin məğlubiyyəti etiraf etməsinə və hərbi əməliyyatları dayandırmasına səbəb olub.
    Şuşa şəhərinin və onun işğaldan azad edilməsinin tarixi əhəmiyyəti nəzərə alınaraq, xalqımızın döyüş əzminin və qüdrətinin təntənəsinə çevrilən, dövlətimizin gələcək inkişafı və nüfuzu baxımından müstəsna əhəmiyyət kəsb edən bu misilsiz qələbə - Zəfər Günü hər il noyabrın 8-də təntənəli şəkildə qeyd ediləcək.
    Mənbə: müdafiə nazirliyi
    3. Həqiqətən çox böyük bir siyasi səhv edildi. siz Atatürkün ölüm gününü əvvəlcədən bilmirdiniz ki, sonradan dəyişdiz?! məncə Ən yaxşı variant "anım günü" ilə "zəfər günü" - nün yeri dəyişmək idi. Hə birdə, öz dövlətinin qurucusunun məzarını gətirmir, adını hər yerdən sildirir(atatürkün rəsulzadəyə böyük hörməti var idi), amma başqa ölkənin qurucusuna görə öz tarixin dəyişir. Hələ bizimkilərdən özün cıranlar var idiye, ekşi sözlükdəkilər sizdən qeyrətlidir.
    4. 8 noyabr elə əsl zəfər günüdür.şuşanın alınması qarabağın alınması demək idi çünki onsuzda və elə də oldu.türklərlə olan polemika barədə isə susuram nəisə deməyə ehtiyac yoxdur.
    5. Sözsüz, tarixin dəyişdirilməsi sırf Atatürkün ölümü ilə bağlı deyil. 10 Noyabr Türkiyədə Milli Matəm günü, türk bayrağının yarıya endirildiyi gündür. Zatən cari türk hökuməti Atatürkü sevməməsi bəhanə deyil, çünki bu şəxsi məsələ yox, rəsmi şəkildə milli məsələyə çevrilib. AKP Atatürkü sevməyə bilər, lakin türk xalqı sevir və türk milli kimliyində Atatürkün anım gününü AKP-nin Atatürk alergiyası kölgələyə bilmir, əlbəttə. Sabah AKP yox, Atatürk yönümlü başqa hökumət də gələ bilər, amma bu tarixi günlər hələ uzun müddət qeyd ediləcək, bunu da nəzərə almaq lazımdır.

    Tarixi dəyişdirməyin bizim bağımsızlığımıza ziyan vurduğunu düşünmürəm, nəticədə biz rus hərbi qüvvələrini 30 ildən sonra Noyabrın 10-da yenidən ölkəyə gətirdik, hansı ki bizim bağımsızlığızla bağlı daha böyük məsələdir. Bayramın rus "sülhməramlı" qüvvələrinin gəldiyi gün yox, Şuşanın alındığı gündə qeyd olunmasını, əlbəttə, mən də daha ideal görürəm.

    Bir də belə bir qeyd etmək isəyirəm; məncə, Atatürkün Türkiyənin qurucusu kimi ölüm gününü Milli Matəm günü etmək, mənə bir az müazkirə oluna biləcək bir şey kimi gəlir. Anım günü olmalıdır, təbii ki, lakin bunu Ulusal yas elan etməyi tam anlaya bilmirəm. Nəticədə, hər kəs kimi Atatürkün də bir gün vəfat edəcəyi bəlli idi, bu nə dərəcədə gözlənilməz bir faciə ola bilərdi ki. Bunu ulusal yas elan etmək sanki məndə elə təəssürat oyadır ki, türklər öz xilaskarlarını itirdilər və bunun onların inkişafını, irəliləyişini tamamilə dayandıracağını düşündülər. Yəni ekzistensiyal bir sentiment kimi türklər bunu yaşayır, ya da mən elə sezirəm.
    6. Bu müharibə barədə iki fikrim tamamilə düz çıxdı (köhnə entry-lərdə yazmışam). Noyabrın 9-u bayrağımızın Şuşada dalğalanması, bir də xarı bülbül məsələsi. Ikinci versiyanı mən şəhidlərin əziz xatirəsinə yox, Şuşaya edilən əməliyyata verilməsini söyləmişdim. Şübhəsiz ki, şəhidlərimiz və qazilərimiz bizim üçün əzizdirlər. Ölənlərə rəhmət, qalanlara can sağlığı!
    O ki, qaldı, 10 noyabr sonra 8 noyabr məsələsinə. 10 noyabr kaputilasiya olan gündü. Müharibə rəsmən bitir, əslində məntiqlidir. Amma ki... Niyə əvvəlcə o gün seçilib, sonra dəyişildi bilirsiniz. Türkiyə hər şey də paz olduğu kimi, burda da qəmiş oldu. Həm də hiss olunur ki, 10 noyabr qərarını ilham Əliyev özü heç kimə məhəl qoymadan imzalayıb. Çünki, onun fikrincə qalib odur. Vəsəllam! O müharibəni bitirib. 8 noyabr isə Şuşa azad olub, yəni ondan da sonra müharibə davam edirdi. 10 noyabr təslimiyyət olmasaydı, gedəcəkdi sonuna kimi.
    Eynilə ikinci dünya müharibəsindəki kimi 45-in aprelində artıq rus tankları berlinə girmişdi, mayda səhv etmirəmsə, almanlar təslim olur. Amma yenə də müharibə gedir. Ta ki yaponlar sentyabrda naqasaki/ Xirosima hadisəsi olandan sonra silahı yerə qoyanda. Təslimiyyət oldu, müharibə bitdi.
    Zəfər bayramınız mübarək! 10 və ya 8 fərq eləmir. Əsas odur ki, bu zəfər bizimdir, inşallah da əbədi olar!
    7. bu qələbədə 8sinif yoldaşım 3məhlə uşağım şəhid oldu çox şey itirdim çox ama qələbədə onlarında payının olmağı biraz sevindirir bayramnız mübarək.


sən də yaz!