+18 əjdaha
1. "Evdəki qətl"- Çexiyalı rəssam jakub schikanederin rəsm əsəri1889-cu ildə çəkilmiş bu rəsm 1890-cu ildə Berlində sərgilənir. Rəsmi görən hər bir insan həmin qətli araşdıran bir detektivə çevrilir. Əsərdəki cansız qadın bədəninin cinayətmi, yoxsa intihar nəticəsimi olduğunu anlamağa çalışan sərgi ziyarətçiləri çaş-baş qalaraq bir-birlərinə suallar verirlər.
Əsəri araşdıran bir qrup araşdırmaçı Praqanın həmin bölgəsinə yollanır. burada həqiqətən də belə bir küçə olduğu, hətta rəssamın da bir zamanlar burada yaşadığı aydın olur.
Belə məlum olur ki, rəssam həmin mənzərənin şahidi olub və bunu kətana köçürüb. Lakin burada məqsədi bizi "cinayətmi, intiharmı" dilemmasında qoymaq deyil, o zamandan olan qadın qətllərini göstərməkdir.
Həmin küçə vaxtı ilə çox kasıb və qorxulu küçələrdən biri imiş, belə hadisələr də tez-tez olurmuş.
Biz isə, əsəri ilk görəndə Qanı içində yerdə uzanan qadına pis olmaq yerinə birbaşa qatili axtarmağa işə qoyuluruq. Bu rəssamın istəyi imiş kimi görünür.
Əsər qadın cinayətlərini göstərməkdən daha ali bir məqsəd daşıyır:
özündə cəmiyyət tənqidini də ehtiva edir. Lakin, burada cəmiyyət tənqidi haradadır?
Rəsmdəki cinayəti görən insanlar. Onların reaksiyası da olduqca sakitdir, sanki bu hadisələr həmişə olur və onlara artıq sıradan gəlir. Hətta kiçik uşaq üçün belə bu hadisə dəhşətli görünmür. Hər gün gördüyü mənzərəyə baxar kimi cəsədə baxır. Lakin, onun simasında az da olsa, maraq və şübhə hiss edilir.
Əsərin adı "evdəki qətl"dir, lakin cəsədin və qətlin çöldə yaşandığını görürük. Bununla da rəssam hər bir "evdəki qətl"in çölə çıxması, çöllə- qonşular, ətraf, dost-tanış və bütün yaxınlarla əlaqəli olmasını göstərir. Bu "evdəki qətl"lər cəmiyyətin, rəsmdəki insanların sakit, səssiz, reaksiyasız qalması nəticəsində çölə vurur, artır.
Həmin bu səssizliyə görə də cəmiyyət həmin cinayətin bir hissəsi olur və cinayətdə birbaşa onun, bizim əlimiz olur..
