+18 əjdaha
1. Son 2 aydır eləməyə başladığım həyatda qalma metodu. icazənizlə sizə öz təcrübələrimi danışmaq istərdim.ilk günlər insan özünü qəribə hiss edir. Bu normal haldır. Hər beyinli beyinsiz olmağa qərar verdikdə bu vəziyyətlə qarşılaşır. Beyindən qurtulmaq üçün düşünməməyə çalışır, amma, bunu edərkən də düşünür. Bu hallar sizdə də müşahidə olunursa deməli, sağlam bir prosses baş verir.
Sonralar insan bu vəziyyətə öyrəşməyə başlayır. Beyinə demək olar ki ehtiyac qalmır. Yarı-beyinli hala gəlmiş insan boş-boş zarafatlar etməyə, hər deyilənə inanmağa, sorğulamaqdan qaçınmağa başlayır.
Daha sonralar insanımız bu vəziyyətə tam öyrəşir. Artıq onun üçün telefonda boş-boş yazışıb cips yemək və yaxud da youtube'da mal-mal videolara baxmaq həyat stilidir. O artıq xoşbəxt və dərd çəkməyən insandır. O artıq tam bir beyinsizdir.
Sizə pozitiv və neqativ tərəflərindən bəhs etmək istərdim biraz.
Pozitiv yönlər: artıq dərd çəkmirsən və daha çox gülərək ömrünü uzadırsan. Düşünmürsən və buna görə də başqaları sənin yerinə düşünür. Yeyib yatmaq sənin üçün ən böyük xoşbəxtlikdir, çünki düşünmədiyin üçün özünə böyük hədəflər qoya bilmirsən. Həyatda səni bir çox şey qane edir. Eyni zamanda digər insanlar da beyinsiz olduğu üçün empatiya qabiliyyətin güclənir. Ölkəmizi və millətimizi anlamağa başlayırsan
Neqativ yönlər: bilmirəm, bu haqda düşünmək üçün beynim yoxdur
Bir beyinsiz olaraq çox xoşbəxtəm şəxsən. Tövsiyə edirəm.