+19 əjdaha
1. Bir vaxtlar dinlənilən musiqi janrı, həmin insanın da xarakterini yansıtmaqda idi. Hansı musiqi janrı ilə aran yaxşıdırsa, sənin də az-çox necə bir xarakterin olduğu bəlli olurdu. Günümüzdə isə bu vəziyyət bir az fərqliləşmişdir. Musiqi janrlarının həddindən artıq artması, ideoloji bağlılıqlardan çıxması bunun ən önəmli səbəblərindən biridir. Amma həmin günlərdən qalma musiqi janrları, təkamül edərək hələ də insanlar tərəfindən dinlənilməkdədir. Şübhəsiz ki, bunların başında da rap və rock gəlməkdədir.Hər iki janrın da mənşəyi amerikadır. Rock 1940-larda, rap isə 1970-lərdə ortaya çıxmışdır. Rock electric blues, folk, jazz, klassik musiqi kimi qaynaqlardan bəslənərək yaranmışdır. Xeyli fərqli olsa da, keçmişin izlərini üzərində daşımaqdadır. Onsuz da 10 il qədər müddət sonra, 50-lərdə fərqli tərzlərə bölünmüşdür. Rap isə hip hop janrının uzantısı olaraq yaranmışdır. Rap bir baxıma küçə, ghetto qaynaqlı olduğu üçün, küçə uşaqlarının, varoşların əlində bir oyuncağa çevrilmişdir.
Rockın inkişafı çox sürətlə baş vermişdir. Cəmi 10 il içərisində öz qızıl çağlarını yaşamağa başlamışdır. Və bu qısa müddət ərzində blues rock, folk rock, country rock, raga rock, jazz-rock kimi bir çox alt-janrlara bölünmüşdür. Amma hip hop mədəniyyətinin istənilən səviyyədə yayğınlaşmaması səbəbilə rockdakı kimi inkişaf, professional və intizamlı bir irəliləmə görmək çətindir. Məsələn, amerikadakı təsirlərdən dolayı, hətta psychedelic rock belə öz içərisində bir çox melez növlərin yaranmasına səbəb olmuşdur. Şoumenliyi önə çıxaran glam rock, yüksək səs, sürət və gücə önəm verən heavy metal, proqressiv rock və s. Bunun bir neçə örnəyidir.
Rap və rock arasındakı fərqləndən biri də, hər ikisinin arxa planında bir düşüncə daşımasıdır. Məsələn, blues musicdən çox təsirlənən rockı anlamaq üçün bir yerlərdə blues fəlsəfəsini başa düşmək gərəkir. Çünki, blues'u yaradan qaradərililər bu musiqi janrı ilə ağdərililərdən gördükləri zülmləri üstüörtülü bir şəkildə çatdırmağa çalışmışdılar. Bununla bərabər blues onlar üçün bir "devrim" vasitəsi olmuş və sistemi tənqid etmək, hətta dəyişdirmək adına icra edilən bir sənət fəaliyyətinə dönüşmüşdür. Rapin arxasında yatan fikir bu qədər güclü olmasa da, amerikadakı ghetto kəsimlərdəki çete savaşlarının bitməsi üçün ortaya çıxdığını və sülhü yaymaq üçün fəaliyyət göstərdiyini göz önünə qoysaq, onun da bəlirli bir fəlsəfəsi olduğunu qəbul edə bilərik. "Döyüşmək yerinə söyüşək" və ya "biz yox sənətimiz savaşsın" kimi bir motto ilə hərəkət etdiyini düşünsək, bu gün, hətta Azərbaycanda da yayğın olan "dissləşmə" kultunun da arxeologiyasını etmiş ola bilərik bəlkə -*
Rockda istifadə olunan alətlər, bu sənəti icra ediş tərzi rapə görə olduqca fərqlidir. Muzikal olaraq rock, elektro gitar mərkəzli bir janrdır. Ümumi olaraq bas gitar və batereyanın daxil olduğu bir qrup tərəfindən icra edilir. Tipik rock sözləri ilk başlarda dördlük formatda yazılmış olsa da, sonrakı dönəmlərdə bu dəyişmiş, daha sərbəst yazım tərzləri istifadə edilmişdir. əsas etibarı ilə rock musiqinin ana teması sevgidir. Maraq indeksli inkişaf göstərməsi səbəbilə(bir çox musiqi tipindəki kimi) sosial, siyasi məsələlərdən də istifadə olunmasl yayğındır.
Rapdə istifadə olunan musiqi alətləri isə olduqca fərqlidir. Musiqinin tempinə uyğun sözlər deməyin əsas qayə olduğu bu yerdə, musiqidən daha çox mətn önəmlidir. işlətdiyi mövzuların önəmi yoxdur. Sevgi, dava, intiqam, həsrət, döyüş, savaş, siyasət kimi birdən çox tema üzərində icra edilə bilir.
Rap əslində hip hop janrının bir uzantısıdır demişdim. Hip hop edənlər rap, dj, beatbox, freestyling, looping kimi tərzlərdə usta idilər. Hip hopun bu təməl ünsürləri öz özlüklərində yeni bir janr halına gəldi, amma texniki olaraq hamısı hip hopun uzantılarıdır. Ki rap sözünün də açılımı "rhythm and poetry" yəni "ritm və şeir"dir.
Özət:
1. Rap siyasət, cəmiyyət və yoxsulluq ilə bağlı duyğuları ifadə etməklə başlarkən, rock ağırlıqlı olaraq alətlər tərəfindən yaranan ritm və melodiyaların yaradılmasında rol oynadı.
2. Rock rapdən(hip hopdan) daha erkən başladı
3. Rap yoxsulluq içərisində başlayan bir janrdır. Rock isə elə də yox.
4. Erkən dövrlərdə, rap instrumental əsaslı deyildi, rock isə instrumental əsaslıydı.
5. Köçkünlər özəlliklə afro-amerikalılar hip hopun yaradıcıları və başlıca icraediciləriykən, rock avropa köklüdür.
6. Hip hop ritmlərlə deyilən sözlərin ətrafında dönərkən, rock gitar ritmlərinin ətrafında dönməkdədir.