əjdaha lazımdı
izlə
dostlar
mən
googlla
kəpəz pfk
-
pebble
-
elnur babayev
başlıqdakı ən bəyənilən yazılar:
+10 əjdaha
1. müəyyən kategoriyalar altında pul toplamaq saytıdır. məsələn gəzmək istiyirsiz və pulunuz yoxdur, maraqlı ideya tapıb insanları cəlb edib ən az 1 dollardan 5000 nəfərdən pul toplayıb gedə bilərsiz. maraqlı ideya dediyim adamlara getdiyiniz ölkədən kart yazmaq ola bilər məsələn. və ya xəstəsiz pul lazımdı bu sayta yaza bilərsiz. kifayət qədər etibarlı saytdır və istifadəçisi çoxdur. məsələn son yazılanlardan birinin linkini atım nə az nə çox 66.800$ toplanıb.
http://www.gofundme.com/5jmdbg
+8 əjdaha
2. Bir layihənin gerçəkləşdirilməsi üçün kifayət qədər maliyyəniz olmadıqda, ya da başladılan layihənin sonrakı xərclərini ödəmə imkanı tapmadıqda insanlardan Maddi dəstək istənilməsi, onların sayəsində lazımi dəstəyin toplanılması prosesinə verilən ad. Artan xərclərin qarşılığında xəbər saytları, yardım qurumları, bloq platformları kimi layihələr donate hesabına fəaliyyətə keçir ya da ödəniş qarşılığında ödənişsiz istifadəyə/üzvlüyə nəzərən artıq xidmət təklif edir. Crowdfunding prosesi özünü 4 formada nümayiş etdirə bilər:
mükafat qarşılığında edilən dəstək - yuxarıda çəkdiyim misal kimi ödənişin qarşılığında sizə üstünlüklərin verilməsi, ya da başqa bir hədiyyə ilə dəstəyinizin qiymətləndirilməsi. Bir kitab çapı üçün nəşriyyata ya da şəxsə pul dəstəyi göstərirsiniz, qarşılığında sizə kitab hədiyyəsi verir. Ya da filmin ərsəyə gəlməsində maddi yönümlü rolunuz olur, nəticəsində mükafat kimi sizə filmi izləmək üçün bilet verilir və s.
donate kampaniyaları - mükafat güdməyən, sadəcə dəstək üçün edilən yardımların ümumi adlandırılması. Məsələn, bir müddətdir sma xəstəliyindən əziyyət çəkən tunar üçün başladılan kampaniya 
yardım məqsədli kampaniyalara misal ola bilər. Bununla yanaşı, heyvanların qorunması üçün, tələbələrin oxuması üçün, ağır şəraitdə yaşayan şəxslərə dəstək məqsədli təşkil edilən kampaniyalar da bu qəbildəndir.
kapitala əsaslanan dəstək - əsasən, şirkətlərə, startuplara verilən maddi yardımlar. Şirkətlər böyümək istəyəndə birjada pay satışı həyata keçirə bilər, bunun müqabilində alıcı şirkətin payçısı olur, şirkət rəhbərliyi isə əldə etdiyi pulla şirkətin dəyərinin artırılması istiqamətində addımlar atır. Bu tipli venture capital və angel investorlar da kapitala yatırım edənlərin arasındadır.
borc əsaslı dəstək - ən məşhur nümunəsi lending club saytı olan kredit dəstəyi. Deməli siz işiniz üçün lazımlı pulu bankdan yox, saytda qeydiyyatdan keçən şəxsdən alırsınız və faizi ilə birgə sahibinə ödəyirsiniz. p2p lending də adlanan sistemin onlayn olmayan versiyalarına lombard kreditini misal göstərə bilərəm. Onlaynda da sayt faizin bir qismini xidmət haqqı kimi götürür, lombard da. Əsas məğz, bank şərtlərindən yaxa qurtarılmasıdır.
Göründüyü kimi, Crowdfunding bir çox məqsədlər üçün istifadə edilən metoddur, lakin bu metoddan sui-istifadə edənlər az deyil. plant a tree co adlı instaqram səhifəsinin yulin festivalının təşkilinə qarşı, meşə yanğınlarına qarşı və blm hərəkatı kimi hadisələrə dəstək məqsədilə pul yığımı həyata keçirməsi, səhifənin aktivliyini saxlamaq üçün postların, hekayələrin paylaşılmasını istəməsi sadəcə scamdan ibarətdir. Fırıldaq haqqında bu məqaləni oxumağı məsləhət görürəm.
Qısaca demək lazımdır ki, yardım edərkən yardım etdiyiniz şəxs barəsində, pulun yığılması ilə məşğul olan platformalar haqqında ətraflı məlumat əldə edin. Mərhəmət hissindən şərəfsizcəsinə istifadə edən çox insan var.
hamısını göstər
