+4 əjdaha
1. ilisuda *hamamçay* üzərində yerləşən hamamdır. 2 mağaradan ibarətdir. birinin dar koridoru və 20-25m² otağı var. içəri bir dənə köhnə vanna qoyulub. vannanın içinə yuxarıdan isti, kükürdlü su tökülür. altında durub qəşəng belini masaj etdirmək olur suya -* su tökülən krantın üstündə də balaca, bir nəfərlik oyuq var. istəsən ora dırmaşıb, suyun qabağını kəsib oyuqdan vanna kimi istifadə edə bilərsən. otağın içi hardasa 30sm su ilə doludur. qatılığı çox olduğu üçün uzanıb əmək sərf etmədən suyun üstündə qala bilirsən.digər otaq isə burdan hardasa 15-20m aralıdadır. otaqdan çox vanna kimidir. 3 idealdır ancaq 4 nəfər də rahat sığa bilər. bir tərəfinə köhnə avtobus şüşəsi taxıblar, aşağıdakı çaya baxmaq olur. üstü isə açıqdır. buranın suyu digər otaqdakından çox daha istidir.
şəxsi təcrübəmdən məsləhət verim. gedib saatla sıra gözləyib, "əynimi harda dəyişim ki, abırım getməsin", çöldə camaat ulaşır deyə tələm-tələsik suyla oynaşıb çıxmaq istəmirsinizsə, gecə gedin. düzdür, gecə getmək bir az təhlükəlidir və meşədə kamplamırsınızsa ilisudan gəlmək həngamədir. 2-3 saatlıq çayın, qayaların içi ilə yolu nəzərə almalısınız. ancaq hamama yaxın 2 sahibsiz taxta ev var. kim boş tapdısa girib qalır. o evləri boş tapmaq xoşbəxtliyi sizə üz versə, orda qalıb gecə 15-20 dəqiqəlik yolu gedib istədiyiniz qədər çimə bilərsiniz. yox, evlər doludursa, kiçik evin arxasında əla kamp yeri var, orda kamplamaq olar.
pros - hamam boş olacaq, istədiyiniz qədər qala bilərsiniz. üstəlik kiçik otaqdan gecə ulduzları izləyərək isti və təbii vannada pivənizdən qurtumlayaraq, siqaretinizi * və ya otunuzu çəkə bilərsiniz. işıq üçün şam aparıb mühiti daha da romantikləşdirmək olur.
cons - gedərkən 4 yerdə xırda çay keçməli olacaqsınız. yetəri qədər işığınız yoxdursa və körpülərin yerini bilmirsinizsə, yıxılıb göt-baş ola bilərsiniz.
daha gözəl təcrübə üçün qışda gedin.