+12 əjdaha
1. platon'un the symposium əsərindəki bu hissəyə əsasən:"yunan mifologiyasına görə insanlar əslində dörd qollu, dörd ayaqlı və iki üzlü bir baş ilə yaradılmışdır. güclərindən qorxan zevs onları iki ayrı hissəyə bölür və həyatlarını digər yarılarını axtarmağa xərcləməyə məhkum edir".
(bax: zevsin lənəti)
bu əsas məlumatı verdikdən sonra deyə bilərik ki, lap əvvəllər insanların çox güclü və qorxusuz olduğu, hətta tanrılarla yarışıb bir gün onların yerinə keçəcəkləri barədə iddiaları var idi. tanrılar isə bu təhdidlərə əsaslı cavab vermək və dünyadakı düzəni geri gətirmək barədə düşünməyə başladılar.
titanlara etdikləri kimi insanlara da müharibə edib onları ildırımla öldürməyi düşündülər, lakin bunu etdikləri təqdirdə tanrıların özlərinə xərac olmayacaqdı, bu isə onlara uyğun deyildi. nəticədə zevs düşünüb insanları ikiyə bölməyə qərar verdi. bunun nəticəsində həm insanlar acı çəkərək əməllərinin cəzasını alacaq, həm də insan nüfuzunun ikiqat artması ilə də xəraclar da ikiyə qatlanacaqdı.
beləcə də oldu. insanlar səfalət, aclıq, əsas da kədər içində yaşayırdılar. hətta o qədər qəm çəkirdilər ki, yemədən-içmədən kəsilmələri belə veclərinə olmurdu, bu da ölümə aparırdı.
insanları belə görməyə dayana bilməyən apollo onları yenidən tikib bədən formalarını geri gətirdi. orijinal hallarından xatirə olaraq da qarın hissəsini saxladı. beləliklə insanlar 4 qollu, 4 ayaqlı varlıqlardan 2 qollu, 2 ayaqlı varlıqlara çevrildilər.
insanlar yaşamlarının digər yarısında ölənədək digər yarılarını- həm ruhi, həm də fiziki əkizlərini axtarmaqla cəzalandırıldılar. əfsanəyə görə insanlar öz əkizlərini tapdıqda bunu sakitcə anlayacaq və birləşmiş, tam hiss edəcəklər.
əlavə:
mənbələrə görə əvvəl təbiətdə 3 cinsiyyət var idi: dünyanın övladları- qadınlar, günəşin övladları- kişilər və dünya ilə günəşin birləşməsindən- aydan doğulan androgynous.
androgynous- yunanca hərfi mənası ilə həm qadın, həm də kişi cinsi orqanlarına sahib cinsiyyətdir. bu fikir teosofiyada hələ də mövcuddur.
digər bir teosofiya nəzəriyyəsinə görə isə yarıya ayrılmış insanların timsalında "tanrıdan qopmuş", "tanrıdan ayrılmış" fikri dayanır. bu karmik haqq ödənildiyində insanlar digər yarılarını tapmağa və birgə rahat bir həyat yaşamağa layiq görüləcəklər.
mənbə:
greecehighdefinition.com
medium.com