chartered financial analyst — ən bəyənilən yazılar

+2 əjdaha

1. cfa institute-un təqdim etdiyi, üç mərhələdən ibarət olan və bitirənə qədər insana çox əziyyət çəkdirən sertifikasiya proqramıdır. Əsasən investisiya yönümlü olduğu üçün Gözəl ölkəmizdə bu sertifikatı əldə etmək vau effekti yaratmasa da, xaricdə maliyyə dünyasına daxil olan tələbə və ya illərlə təcrübəsi olan bir mütəxəssis üçün böyük əhəmiyyət kəsb edir.

Proqramı tamamlamaq, cfa charterholder olmaq üçün namizəd 3 mərhələdən ibarət olan imtahanları uğurla tamamlamalıdır. imtahanlar level 1, level 2 və level 3 olmaqla bölünür və fərqli topicləri əhatə edir:

1. Level 1 hər biri 135 dəqiqə çəkən iki hissədən və 180 qapalı tipli sualdan ibarətdir. imtahan investisiya layihələrinin qiymətləndirilməsi və investisiya portfelinin idarəedilməsi istiqamətində baza biliklərinin yoxlanılması üçün formalaşdırılmışdır. Keçid balı hər sessiyaya görə formalaşdığından dəyişkənlik göstərir, son 10 ilin ortalaması isə 41%-dir.

2. Level 2-də yuxarıda sadaladığım istiqamətlərin keyslər üzərində praktiki yoxlanılması həyata keçirilir. imtahan hər biri 264 dəqiqə çəkən iki hissədən və hər birində 4 sual olmaqla 22 set-dən* cəmi 88 sual ibarətdir. 10-illik ortalama keçidi 45%-dir.

3. Sonuncu level-da suallar portfel idarəedilməsi və wealth planning əsasında hazırlanır. imtahanda iştirak etmək üçün namizəd minimum 2 illik iş təcrübəsinə malik olmalı və əvvəlki iki imtahandan uğurla keçməlidir. imtahan yenə hər biri 264 dəqiqə çəkən iki hissədən ibarət olub qapalı suallarla yanaşı yazılı suallara da yer verir. 10 illik keçidi 52%-dir.

Sertifikasiyada son vaxtlarda edilən iki yenilik var. Birincisi, artıq sonuncu kurs universitet tələbələri ilə yanaşı, üçüncü kursda təhsil alan tələbələr də level 1-də iştirak edə bilərlər link

. ikinci yenilik isə format dəyişikliyi haqqındadır. Namizədlərin hər bir səviyyə üçün 300+ saat oxumalı olduğu və öyrənilən biliklərinin biznes mühitində getdikcə az istifadə olunması səbəbi ilə praktiki bacarıqlar modulu əlavə edilmişdir. 2024 sessiyalarından etibarən seçim kimi python, maliyyə modelləşdirilməsi və analitik bacarıqlar təklif olunacaq link

.

Əlavə: bu və digər yenilikləri ətraflı oxumaq üçün link link

+1 əjdaha

2. bəndənizin 2-3 aylıq əzab əziyyətdən sonra 2-ci səviyyəsini keçdiyi proqram. proqrama qoşulanlara məsləhətim odur ki hər mərhələsi üçün minimum 5-6 ay sosial həyatdan uzaqlaşacağınızı gözə alıb başlayın, gec başladığı üçün son 1-2 həftədə hardasa 1000 səhifəlik material oxumuş biri kimi deyirəm, imtahandan sonra bir neçə gün davamlı alkoqol məni birtəhər xilas edib mental yorğunluqdan. bir də bu cfa şeyinin ən zəhlətökən, stressli cəhəti imtahan nəticəsi üçün minimum 1-2 ay gözləmək lazım olmasıdır. halbuki imtahan komputerdə verilir, o qədər vaxtı isə iddia olunur ki cfa institute bütün kandidatlar üçün ədalətli olan keçid balını tutuzdurmağa sərf edir.