+1 əjdaha
1. amnesia: the bunker-dəki #73014 nömrəli alman əsir.https://i.imgur.com/zbgiGES.jpg
spoiler!
karl oyunun həbsxana hissəsində görünür. karl barədə oyun içi qeydlərdə deyilir: “döyüşlərin birində 20-yə yaxın alman əsgərini əsir götürdük. aralarından biri (karlı nəzərdə tutur) əsir düşməzdən əvvəl formasından rütbəsini göstərən nişanı çıxarıb atdı. böyük ehtimalla zabit və ya başqa yüksək rütbəli şəxsdir. sorğuda təkidlə adi bir əsgər olduğunu və başqa heç nə bilmədiyini iddia etdi. amma mən ona inanmıram. o adama ayrı göz-qulaq olmaq lazımdır.”
henri clement həbsxanaya çatdıqda yaxında biri olduğunu başa düşən karl, kömək üçün səslənməyə başlayır. başı və əlləri bağlı vəziyyətdə bağlı kamerada saxlanılmaqdadır. henri-yə kameranı açmamasını, bağlı halda güvəndə olduğunu deyir. karl oyunun gedişinə bağlı olaraq henri və ya bədheybət tərəfindən öldürülə və ya kamerada təkbaşına qala bilər. Hər iki halda yaxşı vəziyyətdə deyil.
personajın səsləndirməsi də çox yaxşı alınıb. karlın dialoqlarından bəziləri:
1) “hallo. ist jemand da?” - salam. orada kimsə var?
2) “ich weiß nichts.... nichts.” - heç nə bilmirəm.... heç nə.
3) “ich bin nur ein soldat, das ist alles” - mən adi bir əsgərəm, vəssalam.
4) “eines tages, heimat, frühling” - günlərin biri, evim, payız.
5) “sicher hier, in meinem käfig” - burada, öz qəfəsimdə güvəndəyəm.
6) “lass mich in ruhe!” - məni rahat burax!
7) “nein! nein! lass es zu!” - yox! yox! bağlı saxla! (kameranı).
8) “schließ es wieder!” - kameranı bağla!
9) “ich kann es hören. es kommt!” - eşidirəm. gəlir!
10) “ich will nicht so sterben!” - belə ölmək istəmirəm!
11) “nein! gott im himmel!” - yox! tanrı xətrinə!
12) “du teufel! du unhold!” - şeytan! iblis! (henri kameranı açıq qoyduqda və bedheybət hücum etdikdə, karlın son sözləri).
13) “ich kann nicht atmen!” - nəfəs ala bilmirəm! (henri qaz bombasından istifadə etdikdə, karlın son sözləri).
qeyd: mən oynayarkən, hər nə qədər biraz ağır bir seçim olsa da, karlı silahla vurmağı seçmişdim. heç bir qurtuluşun olmadığı o vəziyyətdə ən yüngül ölüm bu idi.