+3 əjdaha
1. Fransız döyüşçü.1125-ci ildə anadan olub. Evlilik sonrası 1153-1160-cı illərdə antakyanı idarə edir. Sonralar səlib yürüşlərinə qatılaraq müqəddəs torpaqlara gəlir. 1161-ci ildə müsəlmanlara əsir düşür və 15 il hələbdə zindanda qalır. Azadlığa çıxdıqdan sonra ikinci dəfə evlənir və oultrejordain lordu olur. Eyni ildə baş verən montgisard döyüşündə səlibçi ordusuna komandanlıq edərək, səlahəddin əyyubiyə qalib gəlir. Bu döyüşdən sonra tərəflər arasında atəşkəs bağlanır. Ancaq renaud atəşkəsi pozur və müsəlman karvanlarına hücum etməyə başlayır. Hətta məkkə və mədinəyə quldur gəmiləri göndərir, ancaq uğursuz olur.
bütün bu olanlardan sonra, səlahəddin renaud-u cəzalandıracağına and içir. 1187-ci ildə baş vermiş hittin döyüşündə səlibçilər məğlub olur. Renaud və kral guy da əsir düşür. Tarixçi imadəddin əl-isfahani yazır: “səlahəddin guy və renaud-nu yanına gətirtdi və ona günahlarını xatırladaraq dedi: “neçə dəfə içdiyin andları pozdun? Neçə dəfə riayət etməyəcəyin müqavilələr bağladın?”. Bu əsnada kral guy susuzluqdan halsızlaşdı və səlahəddin ona su gətirilməsini əmr etdi. Guy əvvəlcə özü içdi, sonra da qalanını renaud-ya verdi. bundan sonra səlahəddin renaud-nun çadırına tərəf gətirilməsini əmr etdi və orada onun başını kəsdi. Daha sonra kral guy-a “bu adam öz qəddarlığına və mərhəmətsizliyinə görə cəzalandırıldı” dedi. guy, özünün də edam ediləcəyindən qorxdu. Ancaq səlahəddin dedi: “kral öldürmək kralların işi deyil. Bu adam həddini aşdı və mən də onu cəzalandırdım”.
Bəzi mənbələrdə yazılanlara görə, səlahəddin renaud-ya iki seçim verir: ya müsəlman olacaq, ya da edam ediləcək və renaud da ikincini seçir.
Hər iki evliliyindən ümumilikdə 4 uşağı var idi. Bunlardan biri, oğlu gənc yaşlarda ölmüşdü.
Renaud, 2005-ci il istehsalı məşhur kingdom of heaven filmində brendan gleeson tərəfindən canlandırılıb.
Yazıçı jan guillou, xaç yürüşləri haqqında yazarkən renaud-dan müqəddəs torpaqların itirilməsinin başlanğıcını qoyan eqoist biri kimi bəhs edir.