+2 əjdaha
1.
Kimono, Yaponiya mədəniyyətinin ən tanınan və simvolik geyimlərindən biridir. Bu geyim əsrlər boyu formalaşaraq sadəcə gündəlik istifadə vasitəsi olmaqdan çıxmış, estetik və mədəni dəyər daşıyan bir ənənəyə çevrilmişdir. “Kimono” sözünün mənası da olduqca sadədir —> “geyinilən şey”.
Kimono əsasən uzun, düz kəsimli və geniş qollu olur. Geyim bədəni tam örtəcək şəkildə hazırlanır və ön hissəsi sağdan sola qatlanır. Bel hissəsində isə “obi” adlanan enli kəmər bağlanır ki, bu da həm funksional, həm də dekorativ rol oynayır. Kimono tikilərkən istifadə olunan parçalar, rənglər və naxışlar xüsusi diqqətlə seçilir və bunlar çox vaxt geyinənin yaşı, sosial statusu və hətta mövsüm ilə əlaqəli olur.
Tarixi baxımdan kimono Yaponiyada uzun müddət gündəlik geyim kimi istifadə olunmuşdur. Lakin zaman keçdikcə qərb üslublu geyimlərin yayılması ilə onun gündəlik rolu azalmışdır. Bu gün kimono daha çox toy mərasimləri, bayramlar və digər xüsusi günlərdə geyinilir. Eyni zamanda, o, ölkənin mədəni irsinin qorunmasında mühüm rol oynayır.
kimononun necə qatlanması belə xüsusi məna daşıyır. Gündəlik həyatda kimono həmişə sağdan sola bağlanır. Əksinə, yəni soldan sağa bağlama forması isə yalnız vəfat etmiş insanlar üçün istifadə olunur. Bu səbəbdən kimononu səhv bağlamaq Yaponiya mədəniyyətində çox böyük bir səhv sayılır.
qədim dövrlərdə bəzi ailələr kimono parçalarını nəsildən-nəslə ötürürdü. Köhnə kimonolar sökülür, parçaları yenidən istifadə edilərək uşaqlar üçün geyimlər tikilirdi. Bu, həm qənaət, həm də ailə xatirələrinin qorunması demək idi. Beləliklə, bir kimono bəzən bir neçə nəsilin həyatına toxunan bir xatirəyə çevrilirdi.
kimono sadəcə bir geyim deyil, Yaponiya mədəniyyətinin, tarixinin və estetik baxışının canlı ifadəsidir. Onun hər detalında keçmişin izlərini və incə zövqü görmək mümkündür.
sifarişi verən: jackmerius tacktheritrix