+4 əjdaha
1. igor Sysoev texnologiya dünyasının ən underrated dahilərindən biridir. Bu gün internetdə daxil olduğumuz saytların böyük hissəsi onun yazdığı kod üzərində işləyir. Netflix, Wikipedia, Airbnb, Dropbox, Cloudflare, WordPress kimi nəhəng platformaların arxasında çox vaxt görünməyən əsas texnologiyalardan biri məhz nginx-dir.Igor Sysoev 1970-ci ildə Sovet Qazaxıstanında doğulub. Maraqlısı budur ki, ilk universitet qəbul imtahanından kəsilmişdi. Sonradan proqramlaşdırma və sistem administrasiyası sahəsində işləməyə başladı.
2000-ci ildə Rusiyanın məşhur axtarış sistemi Rambler-də system administrator kimi işə düzəldi. O dövrdə internet sürətlə böyüyürdü və serverlər böyük trafik altında çətinlik çəkirdi. Apache bazarda dominant web server idi, amma çoxlu paralel istifadəçi gələndə performans problemləri yaranırdı.
Igor Sysoev həmin problemi həll etmək üçün 2002-ci ildə boş vaxtlarında təkbaşına yeni bir web server yazmağa başladı. Məqsədi sadə idi:
bir serverdə 10.000 eyni anda gələn istifadəçini problemsiz idarə etmək.
Bu ideya həmin dövr üçün çox böyük texniki challenge idi.
2004-cü ildə nginx-i open source və tam pulsuz şəkildə yayımladı. Heç bir marketing kampaniyası yox idi. PR yox idi. Sponsor yox idi. Sadəcə kod var idi.
nginx-in əsas gücü event-driven architecture idi. Apache hər connection üçün ayrıca process/thread açdığı halda, nginx çox az resurs istifadə edərək minlərlə connection-u eyni anda idarə edə bilirdi. Bu da onu yüksək trafikə malik platformalar üçün ideal edirdi.
2008-ci ildə Rambler-də nginx artıq gündə 500 milyon request idarə edirdi.
2011-ci ildə Igor Sysoev və Maxim Konovalov birlikdə Nginx Inc. şirkətini qurdular.
2013-cü ildə Netflix nginx istifadə edərək CDN serverlərini hər serverdə 40 Gbps trafik səviyyəsinə qədər scale edə bildi. Bu, nginx-in internet infrastrukturundakı gücünü göstərən ən simvolik nümunələrdən biri sayılır.
2019-cu ildə F5 Nginx Inc.-i 670 milyon dollara satın aldı.
Həmin ilin sonunda isə maraqlı hadisə baş verdi:
Rus polisi Moskva ofisinə basqın etdi. iddia edilirdi ki, nginx-in bəzi hissələri Rambler-in “mülkiyyətidir”. Bu hadisə Rusiyanın texnologiya sektorunda böyük narazılıq yaratdı və developer community açıq şəkildə Igor Sysoev-i müdafiə etdi. Sonradan ittihamlar ləğv olundu.
2021-ci ildə nginx dünyada Apache-ni keçərək ən çox istifadə olunan web server oldu.
2022-ci ildə Igor Sysoev sakit şəkildə F5 şirkətindən ayrıldı. Nə böyük müsahibələr verdi, nə media turuna çıxdı, nə də özünü ön plana atdı.
Bu gün internetin böyük hissəsi onun yazdığı kod üzərində işləyir. Dünyadakı web serverlərin təxminən üçdə biri nginx istifadə edir.
Ən maraqlı tərəfi isə budur:
bu layihə əvvəlcə bir nəfərin boş vaxtlarında yazdığı şəxsi texniki problem həlli idi.
Igor Sysoev texnologiya dünyasında diqqət çəkmədən dünya səviyyəsində təsir yaratmış insanlardan biridir. Bir çox milyard dollarlıq startup-dan fərqli olaraq, nginx əvvəlcə hype ilə yox, real texniki üstünlüklə böyüdü.
Web server dünyasının GOAT-larından biri hesab olunur.