əjdaha lazımdı
izlə
dostlar
mən
googlla
bərbad reklamlar
-
ağılda qalan reklam sitatları
-
sözlüyün azərbaycanda tutmamasının səbəbləri
-
sözaltı günlük
-
26 noyabr 2015 nardaran hadisələri
-
milliyyətçi hərəkat partiyası
-
sözaltı sözlük
-
dünənin ən bəyənilənləri
-
ekşi sözlük
-
keçən ayın ən bəyənilənləri
başlıqdakı ən bəyənilən yazılar:
+4 əjdaha
1. Almond dondurmalarına həsr olunmuş sözdə orijinallıqdan bəhs edərək heç bir proseduradan istifadə etməyən qızla bunun tam əksi bir qadının müqayisəsini əlaqəsiz şəkildə göstərmiş bir reklam.. görüşdə olduğu xanımın saçının qaynağına, linzasına baxır, guya arxada oturan qız isə sadədir. keratini və qoyma dırnağı date'də olduğu xanımda görüb bu qızcağızda görmür yəqin..ayrı bir sual.. Və şəxs gözlərini qızdan çəkmir.
Əvvəla, həmin qadınla o qızı müqayisə etmək onsuz da doğru deyil, aralarında yaş fərqi var və bu, görünüşə təsir edən əsas amillərdən biridir. Reklamı oynayanın bir anda qadından qıza meyil salmasına nə ad vermək olar? Qızın da ona qımışaraq dondurma yeməsi ayrı bir sual altındadır.
Hə, prosedurun olub-olmaması isə hər kəsin şəxsi seçimidir, kimisinin bəyənib bəyənməməsi də həmçinin.. Talehin bəzəkli həyat yoldaşı onun bu reklamlarına baxmırsa bu da onun şəxsi seçimidir.)
Reklamçəkənin Kim olmasından asılı olmayaraq, Ən əsası, qadını digərinin hesabına ucaltmağa və ya alçaltmağa çalışmaq nə reklamdır, nə də sağlam yanaşma. insanların seçimlərinə hörmət etmək daha doğru olardı. Bir masadan başqa masanın kişisinə baxan sözdə prosedursuz o qız elə o pislədikləri botokslu qadından daha iyrəncdir.
+4 əjdaha
2. Cəmiyyətin nə dərəcədə geridə qaldığını üzümə vuran həmin reklam. insanlar ölkə səviyyəsində xarici görünüşə görə bullyingi yekdilliklə dəstəkləyirlər. Anlamırlar ki bugün onların görünüşünü lağa qoyan, sabah sənin və mənim görünüşümü lağa qoyacaq. isveçdə bu tip reklam çəkilsəydi talehə qarşı məhkəmə davası açardılar, bizimkilər isə dəstək olur. Ümumiyyətlə Azərbaycan cəmiyyəti çox toksikdir, öz eqolarını başqalarını azad seçimlərdə, bəzən isə seçim olmayan mövzularda (məs təbii şəkildə gözəl və ya yaraşıqlı olmamaqda) qınayıb yersiz ittihamlar yeritməklə tətmin edirlər.
Hamı avropadakı kimi yaşamaq istəyir, amma anlamırlar ki avropanı avropa edən elə başqalarının seçimlərinə hörmətlə yanaşmaq və həyatlarına burnunu soxmamaq kimi mənəviyyatdır. Bizdə isə bu görünür heç zaman olmayacaq.
+3 əjdaha
3. Patriarxiya və kapitalizm bir-birini gücləndirərək qadınlara heç zaman çata bilməyəcəkləri gözəllik standartları aşılayır. Bunu hamımız bilirik, onsuz. Sadəcə demək istəyirəm ki, söhbət estetik əməliyyatlardan və xırda görünüş detallarından daha iyrəncdir. Bunları haradansa oxumamışam. Doğruluğuna da məsul deyiləm. Mənə necə göründüyünü təsvir edirəm.
Bəşər qida zəncirinin zirvəsindədir və bildiyimiz qədərilə başqa bütün canlılardan üstündür. Fəqət əslində zirvədə olan insanlar yox, kişilərdir. Elə vəziyyət yaranıb ki, qadınlar da bu yarışa qoşulduqca kişilər onlara tərəfdaş yox, rəqib kimi yanaşırlar.
Kapitalizmin yüksəlişindən bəri əhali və həyat keyfiyyəti müəyyən qədər artıb. Qloballaşmanın da köməyi ilə qadınlar əvvəlkindən daha çox haqq tələb edir, işləyir, pul qazanır və müstəqilləşirlər. Bu da gözəllik standartlarını dəyişir, çünki onları müəyyən edən şeylər elə bunlardır. Məsələn, qidaya əlçatımlılıq artdıqca arıq bədən daha nadir və eksklüziv görünməyə başlayır.
indi məlum reklam ətrafında yaranan çaxnaşma odur ki, kişilər qadınların çatmağa çalışdığı standartları bəyənmədiklərini, daha “təbii” görünüş istədiklərini deyirlər. Yəni qadın həm qeyri-real dərəcədə gözəl görünməli, həm də bunun üçün heç nə etməmiş kimi görünməlidir. Birbaşa “o cür” doğulmalıdır. Elə bunun özü mümkünsüzdür.
Bu çatılmaz hədəflərə görə qadınlar onsuz da az olan maaşlarını məhsullara, prosedurlara, pəhrizlərə və özlərini düzəltmək cəhdlərinə xərcləyirlər. Beləliklə, onların təkcə iqtisadi gücü yox, vaxtı, enerjisi və diqqəti də zəiflədilir. Qadın daim bədəni ilə məşğul olduqda, sistemlə məşğul olmağa daha az gücü qalır. Kişilərin yaratdığı sistem bu çatışmazlıqlar üçün həllər tapır, sonra da o həllərdən istifadə olunduğu üçün qadınlar aşağılanır.
Unutmayaq ki, qadınların gözəl görünmək üçün istifadə etdiyi sosial, iqtisadi, mənəvi hər bir resurs zatən kişilərə gedir. Bəhs etdiyim problemlər üzərinə qurulmuş sosial media alqoritmləri də kişilər tərəfindən yazılıb.
Burası çox vacibdir: yəni ki məsələ qadınların gözəl olması, kişilərin bəyəndiyi kimi görünməsi deyil. Patriarxiya qadınları özünün xoşladığı formada görməyə belə cəhd etmir. Bunun özü iyrənc səslənsə belə, əslində çox məsum yanaşmadır. Məsələ qadınların sistemli olaraq (ağlınıza gələ bilən hər kontekstdə) zəif, itaətkar olması və onların rəhminin ələ keçirilməsidir. Bu dediklərimi ikinci paraqrafdakı fikirlərlə əlaqələndirirəm.
Onu da deyim ki, bu yazdıqlarım feminist və etik görünə bilər. Onsuz da, elədir. Ancaq bu dəyərləri tamamilə kənara qoysaq, bəşərin yarısının istismar olunmağı mənə ağılabatan gəlmir, heç bir məntiqə uyğunlaşdıra bilmirəm.
+3 əjdaha
4. bəlkə də qadınlar hardasa haqqlıdır, lakin "cırığlar"ın durub fikir bildirməyi, talehə hədə qorxu gəlməkləri və s. ikrah hissi oyadır. mövzunu talehin balaca qızına gətirməkləri artıq pik idi. ona görə də birmənalı olaraq zor reklamdı
hamısını göstər
