Sözaltı Sözlük - Azərbaycandilli Fikir Ensiklopediyası

2. neçə vaxtdır planlaşdırdığım fikirdir. lakin sonra özüm-özümə "səncanı evindən 1993 ton narkotik, 22 tank, 18 molotov kokteyli çıxsın istəyirsən?" sualını verirəm.

4. tək demotivasiya səbəbi, yazdıqlarınızın universal dildə yazılmaması olur, həvəsdən salır. dünyanın sadəcə 9 milyonu sizi başa düşə bilər, o da içlərində eyni fikirli olduqlarınız.

7. böyük bir heç. oxunmayacaqsan, çünki makroblogging və mikrobloggingin fərqini bilməyən gözəlçə qızlar instagramda public hesab açıb yediklərini, içdiklərini göstərməklə özlərinə fashion / lifestyle bloqqer deyirlər və 100 min izləyicisinə lazım deyil sənin araşdırmaların, tərcümələrin, yaxud yazıların, fikirlərin.
insanlar bunlarla maraqlanmır.
insanlar kim harada oldu, atası nə işləyir ki, oralara gedir, onunla maraqlanır. insanlar multimediayla maraqlanır. onlara sənin uzun cümlələrin və antikvar kəlmələrin lazım deyil. gözəl effektlənmiş şəkil hər şeyi həll edər.
və xüsusilə, bax canımçün deyirəm, insanlara sənin 3 dəqiqə vaxt aparacaq bloq yazın lazım deyil, onlar 30 dəqiqəlik videoya isə aralıqsız baxa bilərlər.
bunu anladığın müddət bloquna hər yeni yazıda ən uzağı 15-20 nəfərin gəlməsini, yazı paylaşılmayanda isə günə sadəcə 1, bəzən isə 0 baxış sayının gəlməsini önəmsəmirsən. buna görə də yazmaq istəyən, yazan, yazıb daha sonra atmaq istəyən yoldaşlara səslənirəm, əgər bu başlığı oxuyursansa, deyəsən, çox ümidsizsən. amma fikir eləmə, bloqun heç vaxt sən istəyən dəyəri görməsə belə, bir gün elə bir professional insandan feedback alacaqsan ki, onda anlayacaqsan 2000 etibarsız izləyiciyə sahib olmamağın xoşbəxtliyini. sən yazmağa davam et, qalanı düzələr.

azərbaycanda bloq yazmaq