Sözaltı Sözlük - Azərbaycandilli Fikir Ensiklopediyası

31. azərbaycanın tək problemi onun millətidi.
nə qədər ki millətimiz vorzakonlardan danışıb türməyə düşməyi özünə fəxr bilənlərdən, beldə bıçaq , cibdə 5 barmaq gəzdirməklə özünü zor sayanlardan, siqaret çəkib özünü böyük hissedənlərdən, şəhərdə 20 qəpik dilənənlərdən , heçkimin fikrinə hörmət etməyənlərdən, mentalitet adı ilə az qala qızların yaşamağına pis baxanlardan, biz dolanaq millət qozumuza da deyil deyənlərdən təmizlənməyəcək problemlər davam edəcək.

41. yazılanlara və müşahidələrə əsasən demək olar ki, insan problemidir. ölkədə cahilindən tut savadlısına qədər 95%-i "qaqa" vidindədir. adi azərbaycanlı əlini ağdan qaraya vurmaq istəmir. başqalarının həyat tərzini hörmət etməməsi (təhqir etməsi) azmış kimi, onların həyat tərzinə qarışır, guya hər şeyi bilir, "sonra camaat nə deyər" sözünə uyğun olaraq övladlarını evləndirməyə çalışır, küçədə hər kəsə gözünü zilləyir. hörmətə layiq olan adamları söyür, layiq olmayanlara da ibadət edir. hər şeyi başqalarından gözləyir. bir qədər yüksək maaş alan qohum/dost/tanış buna mütləq kömək etməlidir! özü isə bütün günü yeməyində, içməyində, kefində olmalıdır! içkiyə, nəşəyə pulu çatmayanda, maşın ala bilməyəndə və yaxud əylənməyə pulu çatmayanda sosial şəbəkələrə hücum edib "şərəfsizlər, ar olsun bu hökumətə" yazmalıdır. bir tərəfdən hakimiyyəti söyüb, o biri tərəfdən də seçkidə hər növ saxtakarlığa yol verməlidir. rüşvətə qarşı olub rüşvət verməlidir. azərbaycanlı üçün orta yol yoxdur; hər şeyin poxunu çıxartmalıdır. hakimiyyət tərəfindəsənsə, sabun və yaltaqsan; müxalifət tərəfindəsənsə, agentsən, ermənilərə işləyirsən! qızlar da gərək evlərində oturub ər gözləsinlər; oğlanlar amma nəşə çəksə, oğurluq eləsə də olar. qız dizdən yuxarı geyinibsə, evə axşam 10-da gəlirsə, vəssalam, fahişədir! oğlan rəngli köynək, şortik geyinirsə və aksesuar taxırsa, petuxdur! bir sözlə, mütləq burnunu başqalarının həyatına soxmalısan.

və belə insanlardan təşkil olunan cəmiyyətlə demokratiya qurulacaq?! hətta avropa dövlətləri bu günə çatmaq üçün 50-100 il çalışıblar, nə cür yollardan keçiblər. bizim xalqın səviyyəsi o yerə çatmır ki, fərli dövlət meydana gəlsin. bu həmin xalqdır ki, mitinqlərdə nemətin sözüylə oturub-dururdu. "o vurursa, sən də onu vur" prinsipinə uyğun olaraq sumqayıtda və bakıda dinc erməni sakinlərini eyvanlardan atıb öldürürdü. müharibə dövründə komandirləri konyak qarşılığında məlumatları düşmən tərəfinə verirdi.

bütün bunlara baxmayaraq günahı dövlətdə görürlər. xalq necədirsə, idarəetməsi də özünə uyğundur. bu, tək azərbaycanda deyil, fransada da belədir, hindistanda da, boliviyada da. keyfiyyətli fərdlər ortaya çıxsalar, nə rüşvət qalacaq, nə yaltaqlıq, nə də yekəbaşlıq.

azərbaycanın ən böyük problemi