Trapped between the future and the past
Wondering if each day will be my last
Wondering how much solace I can stand
Lover
I long to come home
Lover
I've done nothing wrong
(youtube: 
)
)sevilin gedişinə bu qədər kədərlənmə səbəbimiz onu tanımayanlar olsa da hamımızın özümüzdən bir parça görməyimizidir. qonşumuzdan dostumuzdan ailələrimizdən özümüzdən. tanrının unutduğu torpaqlarda həyata gecikmiş və yarımçıq xəyallarla başlamağımızdır səbəb. neçə dəfə eyni situasiyanın içində olub uğursuz intihar planları qurmağımızdır. bəzilərimiz həyatda qaldı bəziləri vidalaşdı.
özümüzü günahkar hiss etmə səbəbimiz daha çox kömək edə bilmək üçün daha güclü ola bilməməyimizdir.
edə biləcəyimiz ən yaxşı şey ən güclü formamıza çevrilməkdir. özümüzə və ətrafımızdakılara kömək edə bilmək üçün. bütün çətinliklərin və həyatın acığına. vida qapısı həmişə açıqdır, qalıb savaşmağı seçməksə bizim qərarımızdır.
bəlkə hər şey yaxşı olacaq ama heçnə düzəlməyəcək, bəlkə dəfələrlə təkrar uduzacağıq, bəlkə ən yaxşı xəyalımıza çevriləcəyik. meydan oxumağı seçəcəyik. ümidlərimizə sarılıb bədbinlikləri səhv çıxarmağa çalışacağıq. bəlkə də bacaracağıq. ən azından yoxlamış olacağıq. bizi öldürməyən bizi bəlkə gücləndirəcək bəlkə keyləşdirəcək. görmək üçün qalıb gözləyəcik. nə qədər mənasız gəlsə də. və bəlkə bir gün həyatın acığına özümüzə məna divarları hörəcəyik, heç kimin adətlərinə qulluq etməyən sadəcə bizim hündür qala divarlarımız.
bəlkə bizdən daha geridə başlamış daha az taqəti olanlara gedən ümid yolu olacağıq, ya bizdən daha güclülərin yolunu izləyəcik. ama bir gün oturub illər əvvəlki özümüzə baxıb mən dünənki özümdən daha güclüyəm deyə biləcəyik.
bizi sadəcə özümüz xilas edə biləcəyimizi anladığımız anda qoyulacaq bünövrəsi gələcək xəyalların. birilərinin səni kəşf etməsini gözləyirdin, ama o birinin əslində özün olduğunu anladığın anda başlayacaq yeni həyatın. heçkimə göstərməlik deyil, sırf içindəki iki səndən zəif olanının acığına savaşacaqsan. bütün səni sevməyənlərin əvəzinə özünə nifrət etmək yerinə sevəcəyin səni yaratmağa çalışacaqsan. ən qaranlıq günlərdə ulduzları tapmağa çalışacağıq. həyat nə qədər irrasional olsada görməməzlikdən gələcəyik. bəlkə gözlənilməz yeniliklərlə dolu olan həyat bir gün bizə də güləcək, ya da biz ona güləcəyik. bizə verilmişlər bazasıyla geridən başladığımız həyatda edə bilmdiyimizin ən yaxşısını etməyə çalışaraq. özümüzü başqalarıyla deyil dünənimizlə müqayisə etməyi öyrənəcəyik.
içimizdə tufanlar əssə də hər dəfə daha nəzakətli olmağa çalışacağıq, özümüzə və başqalarına. və bir gün, o tufanların içində yelkən açıb uçmağı öyrənəcəyik.
bəlkə heçnə yaxşı olmayacaq və biz həmişə uduzanlar olacağıq, ama həqiqətin nə qədərinə dözə bildiyimizi göstərəcəyik. və bəlkə bir gün bizim kimi həyata tutunamayanları tapıb öz ordumuzu quracağıq. ya da bəlkə də hamıdan çox uzaqda ətrafında sənin kimi heç kimin olmadığı yerlərdə keçəcək ömrün, heç kimin başa düşmədiyi heç kimə demədiyin dərdlərin olacaq, ama xəyal gücümüzdə öz dünyalarımızı yaradıb orda yaşayacağıq hamını və hər şeyi bir kənaraq qoyub. bəlkə yazacaq, bəlkə oxuyacağıq, bəlkə özümüzü filmlərdə ya musiqilərdə tapacağıq, ya dərdimizi rəsmlərə rənglərə tökəcəyik, çirkini gözəlləşdirəcəyik. bəlkə yuxularımız kabus dolu olacaq, ya yuxudan oyanarkən başqa kabusa oyanacağıq, ama gün keçdikcə daha çox güclənəcəyik. nə olur olsun, biz özümüzə yetəcəyik.
edə biləcəyimiz ən yaxşı şey ən güclü formamıza çevrilməkdir.
sevilə kömək edə bilmədik, ama onun xətrinə geridə qalan onun kimilərə kömək olmağa çalışacağıq. bəlkə bir gün, onun kimi başqa birini tapıb, yaşadığı çuxurdan çıxaracıq.
yuxun şirin olsun sevil.