+9 əjdaha
2.
Leonid Qaydayın üç filmində (""I" əməliyyatı", "Qafqaz əsiri" və "ivan Vasilyeviç peşəsini dəyişir") oynadığı Şurik obrazından sonra Aleksandr Demyanenkonun (1937-1999) karyerası enişə doğru gedir. Təbiətcə ciddi olan və daha öncə də teatr və kinoda yalnız ciddi rolları ifa edən aktyor artıq hər yerdə Şurik kimi tanınır. Rejissorların artıq onu filmlərinə dəvət etmədiyi, yalnız epizodik rollarda çəkildiyi üçün o Lenfilmdən getməli olur.
Küçədə insanların onu Şurik deyə çağırması, onunla zarafatlar etməsi Aleksandrın heç xoşuna gəlmir. Şurik obrazından sonra Demyanenko daim ruh düşkünlüyü və depressiyadan əziyyət çəkməyə başlayır.
Şəxsi həyatı da heç də uğurlu alınmayıb, belə ki aktyor iki dəfə ailə həyatı qurub, lakin övladı olmayıb. Birinci həyat yoldaşı ilə 16, ikinci yoldaşı ilə isə 24 il birgə ömür sürən Aleksandr nədənsə uşaq atası olmaq istəməyib. ilk həyat yoldaşının dediklərinə görə bir neçə dəfə hamilə olduğunu Aleksandra bildirdikdə, ona abort etməyi məsləhət bilib.
Ömrünün sonlarında içkiyə aludə olan Aleksandr iki dəfə infarkt keçirib, ikinci infarkdan sonra dünyasını dəyişib.
Son müsahibələrinin birində deyib:
“60 yaşım olsa da, mən yenə də hamı üçün Şurikəm. Çoxları mənim filmlərimi yada salanda üzlərində təbəssüm yaranırsa, eybi yox, mən bununla razıyam”.
1991-ci ildə Rusiyanın xalq artisti fəxri adını alan Aleksandr Sergeyeviç Demyanenko 1999-cu ildə ürək çatışmazlığından vəfat etmiş və Sankt-Peterburqda dəfn olunmuşdur.
Uşaq vaxtı az filmlərinə baxmamışam, bu 3lü seridən ən sevdiyim ivan vasilyeviç peşəsini dəyişir olub. O filmdə georgi danelia oynadığı üçün də olabilər.