bugün wiki təsadüfi son
sözaltı sözlük
məsləhət postlar mesaj Profil

sevgilinin ölməyi



facebook twitter əjdaha lazımdı izlə dostlar   mən   googlla
başlıqdakı ən bəyənilən yazılar:

+10 əjdaha

5. dünyadaki ən çətin vəziyyət kimi gəlir hərdən mənə. qardaş-bacı və sevgili ölümü.
adamın atası, anası öləcək o həyatdaykən. buna özüvü hazırlıyırsan onsuz da. dostun ölər, bir iki dənə də dostun vardır. onun yerini verməz, amma ən azından oturub bir yerdə ağlıyarsız. qardaşın bacın birdən artıqdısa bir yerdə yenə. tək qardaşın və ya tək bacın varsa və o ölürsə. onsuz da onun yerinə qoymağa heç kimin yoxdu. qan bağıdı. b variantınm yoxdu, kimsə bacın qardaşın ola bilməz yenidən. bir şəkildə davam eliyə bilərsən.
amma sevgilinin ölümü aravızda nə qədər problem zad da olsa qoyar. ölüb. ona bəslədiyin duyğuların dərinliyiylə bağlı deyul. sevgilindisə hardasa bir dərinlik vardır. onun yerinə illər sonra belə heç kimi qoya bilmiyəssən. xəyanət eləmiş kimi hiss eliyəssən. öz-özlüyündə nə qədər məntiqli şeylər desən də olmayacaq. hələ ki, o tam da onun digər yarın olduğunu düşündüyün vaxtda, hər şeyin güllük-gülüstanlıq vaxtında ölübsə. indi gəl yaşa, yaşaya bilirsənsə...

+6 əjdaha

2. hər yağışda, hər günəşdə, hər kafedə hər qadında təkrar-təkrar ölməkdir

+5 əjdaha

4. haqqında oxuduqda belə insanın gözünün dolmasına səbəb olan birşeydir.kimnənsə dinləyəndə,"bu qədər ağrınan necə yaşıyır "deyə düşünməyə vadar edən haldır.empati qurursan,özünü bu hissi yaşayan birinin yerinə qoyursan.dünən üzünə gülən,yanında olan,varlığı ilə səni yaşama bağlayan birinin bu gün olmadığını düşünürsən.bir də o gülüşü görməyəcəksən,sənə baxmayacaq bir də,oturub biryerdə içə bilməyəcəksiz,başını çiyninə qoyub ağlamayacaq,yağış islatmayacaq səni artıq.içində elə bir boşluq yaranacaq ki,heç cür doldura bilməyəcəksən.1 il,5 il,10 il keçəcək,unutduğuvu sanacaqsan,ama birdən bir şəkli çıxacaq qarşına,səssi-səssiz necə ağlaya bilir insan onu görəcəksən.özünü günahlandıracaqsan,saxlaya bilmədin onu,nə də gedə bilmədin yanına.öləcəksən bütün biryerdə dinlədiyiniz mahnılarda.dörd divar üstünə-üstünə gələcək.gecələr başınə yastığa qoyub yatmaq istəyəcəksən,ama sənə baxacaq bir küncdən,həm də elə baxacaq ki,elə bilir nəsə demək istəyir.ama deməyəcək heçnə.sevgilin ölməsi yuxu dərmanlarıdı,antidepresantlardı,özünü içkinin dibinə vurmaqdı,başqalarıdı.heç vaxt əvəz etməyəcəyini bildiyin halda başqalarıdı.kimisə qanatmaqdı,incitməkdi,sanki intiqam alırmış kimi.kimnən alırsansa artıq(!)sevgilinin ölməsi,elə bilki heç gözləmədiyin vaxt birinn gəlib üzünə bir yumruq atması kimi bir şeydi,isti-isti hiss eləmərsən o qədər də,sonradan çıxar ağrısı.
qeyd: bir də sevdiyin insanın sevgilisinin ölməsi deyə bir şey var ki,o mövzuya heç girmirəm.
qeyd 2: 3 cü tərəf həmişə ən çox ağrı çəkən olur,xüsusilə 2 ci bir ölüdüsə.

+3 əjdaha

6. sənətə meyilli bir insan üçün həyatda ölüb sənətdə yenidən doğulmaq üçün ən böyük hadisə olar. təbii ki söhbət əsil sevgidən gedir.

+3 əjdaha

1. bekar qalanda, melankolik hal yaratmaq istəyəndə türk sözlüklərindən açıb oxuduğum başlıq.
öləndən çox geridə qalan əziyyət çəkir anladığım qədərilə.

+1 əjdaha

13. sevgilinin fikir olaraq ölümü, cismi olaraq ölməsindən çox fərqlənir. cismi ölüm daha ağırdır. insan iki halda ölümə yaxınlaşır. bir, ölümlə üzləşdiyi; iki, yaxının ölümü ilə. burada da ikincisi daha ağırdır. o ağrını (sevgilinin ölümünü) təsəvvür edə bilirəm. çünkü vaxtı ilə qarşılaşdığım, amma ölməməsiylə nəticələn ağrıdır. ölümə çox yaxın idi. təsəllinin qeyri səmimi olduğu, ağlamağın heç nəyi düzəltmədiyi, qucaqlamağın keçici olduğunu anladığın vaxtlardır bunlar. təsəlliləri çox vaxt yola vermək üçün istifadə edirdim. çünkü insanın təsəlliyə ehtiyacı yoxdur, hər şey əllərindədir. amma bəzi insanların buna ehtiyacı var. yola vermək adına belə olsa, edirdim. o şəxs təsəllilərimin nə dərəcədə qeyri səmimi olduğunu mənə öyrətdi. halbuki o an, ən səmimi halıma büründüyümü fikirləşirdim. çarəsizlikdən ağlamağın nə olduğunu öyrətdi. onu o halda qucaqladığım vaxt, bütün bunların keçici hisslər olduğunu, anı yaşamaq ritualının dəyərini öyrətdi. vaxt aşırı özümü günahlandırdım. vaxt aşırı bunun mənimlə əlaqəsi yoxdur fikirini dəstəklədim. vaxt aşırı keçmişi xatırladım. vaxt aşırı yox, tez-tez xatırladım. burada açıqlamaq istəmədiyim, ölümdən daha ciddi və ağır nələrləsə qarşılaşmışdım.
ölmədi. ölə bilmədi.
sonraki illər məsuliyyətsizliyimin həddini azaltdım, biraz daha ciddi olmağa çalışdım. sonra fikir olaraq öldü. mazoxistcə olacaq, amma belədir: yaşamaq istəyərdim. o insanda olmasa belə, sevgilimin ölümünü yaşamaq istəyərdim. ağrısını öyrənmək üçün. bunu belə özüm üçün edirəm. sevgilimin ölümünü, ağrılarımın artması üçün istəyirəm. amma o qədər bəsit deyil, yaşamamaq da olar.

+1 əjdaha

8. adi təsəvvür etmək heç yaşamadığın qəribə əhvala səbəb olur.nəm duruxsunmaya.olsun ki sevgilinin ölməsi danışa bilərkən lal olmağı seçməkdir.ya xatirələrindən heç kimin görüb toxunamıyacağı,kirlədə bilməyəcəyi kolleksiya yaratmaqdır.o varkən dəyərləndirmədiyin anlara görə özünə soxmaqdır.qusmaq üçün içməkdir.nə bilim rəsmin çəkməkdir.məsələn ən çox gülümsəməsin vurlulamağ.heç bəyənmədiyin müsiqiləri dinləyirdisə,öləndən sonra onları əzbərləməndir.ya çəkdiyi siqaretdən çəkmək.nə pis oldum ala.

+1 əjdaha

7.
(youtube: )



hamısını göstər

sevgilinin ölməyi