+2 əjdaha
1. Yenə Türk ölkəsi və yenə də müsəlman ölkəsi . Yenə qadın ölümü və yenə də edam yoxdu. Bunun sonu ya edamdı , ya da sonu yoxdu.pınar gültekin
əjdaha lazımdı
izlə
dostlar
mən
googlla
başlıqdakı ən bəyənilən yazılar:
+1 əjdaha
2. qan donduran hadisədi.. bu hadisə ilə bağlı bir neçə yerdən fərqli şeylər oxudum. gah yazırlar, qız evli olduğunu bilir və puluna görə birlikdə imiş, gah deyirlər qısqanclığa görə öldürüb, gah da ayrılmaq istədiyinə görə. heç bir pis niyyətim yoxdur və səbəb hər nə olursa olsun qınayıram.. sadəcə doğrunu bilmək istəyirəm ki, öldürülməsində səbəb nə olub.dəqiq bilənlər məlumatlandırsa sevinərəm.+1 əjdaha
3. Yenə də din söhbətinə gətirdilər işi. Ala cinsi zorakılığın adam öldürmənin ən yüksək göstəricisi meksika, braziliya, abş, çin, hindistan kimi ölkələrdi amma heç kim onları dini üstündən vurmur amma bir müsəlman ölkə olanda din söhbəti başlayır. Nə isə məsələyə qayıdaq. Burda problem müəyyən qədər kino/seriallarla da bağlıdı.https://soz6.com/entry/300547
Bu entry də dediyim kimi seriallara baxıb beyni pozulan kifayət qədər insan var.
Onda sual verilə bilər ki axı sən yuxarıda amerika ölkələrinin adını çəkdin onlardaki yoxdu. Əslində var latın amerikası,hind seriallarında da qadın döymək uşaq gəlin zorlama kimi hadisələr var.
Yəni nə vaxta qədər ki bu cür seriallar çəkiləcək nə vaxta qədər ki uşaqlara uşaq vaxtından kişilik deyil insanlıq öyrədilməyəcək pınar gültekin nə ilk nə son olacaq.
+1 əjdaha
4. Köhnə sevgilisinin bağ evinə çağırması üzərinə son dəfə görüşmək üçün gedən və vəhşicəsinə öldürülən qadın. Əlbəttə qadını öldürən adam canidir, ən böyük cəzaya layiqdir, hətta belə insanlara görə edəm cəzasının gəlməsini dəstəkliyirəm. Amma belə bir gerçəyin də mövcudluğunu anlamaqda fayda var, ümid edirəm ki, burada dediklərim səhv tərəfə yozulmaz. Dünyada manyak, şizofren, bir sözlə insan öldürməkdə heç bir əngəl görməyən, cəzadan qorxmayan milyonlarla insan olduğunu qəbul etməliyik. Və buna uyğun yaşamalıyıq. Əlbəttə öldürülən insanın heç bir günahı yoxdur, amma öldükdən sonra bunun heç bir fərqi də yoxdur. Öldürülən qız üçün həmin adamın cəzasının nə olacağının heç bir fərqi yoxdur. Əlbəttə çox gözəldir və ya yaraşıqlıdır yaxud pulu çoxdur deyə anormal bir insanla sevgili ola/evlənə bilərsiniz. Qız və yə oğlan heç bir fərqi yoxdur, bu həyat sizindir və istədiyiniz kimi yaşamaq haqqınızdır. sadəcə verdiyiniz bir qərarın nəticələri barədə düşünməlisiniz. Biri ilə bərabər olmadan qabaq, çağırılan yerə getmədən qabaq, hər söyüşə və ya hərəkətə reaksiya vermədən qabaq 2 dəfə düşünməkdə fayda var. Şiddətə dur deyə bilmiriksə, ondan qorumağı bacarmağa məcburuq, uzun və sağlam bir həyat yaşamaq üçün. Mən də istəyərdim tam müasir və mədəni bir toplumda yaşamağı, amma insan deyilən varlıq budur nə etmək olar? Əlbəttə bizdən asılı olmayan səbəblərə görə də başımıza hər şey gələ bilər. Bu da bir gerçəkdir təbii ki. heyvanlar aləmində də belədir. Təbiətdə predatorlar var və bütün heyvanlar da buna uyğun yaşamalıdırlar, əks halda özündən güclü bir heyvanın yeməyinə çevriləcəklər. insan da çox fərqli deyil əslində, bir anlıq sevginin və ya hirsin gətirdiyi korluq bizə istənilən hər şeyi elətdirə bilər. Məntiqi hər zaman duyğuların üstündə tutmaq lazımdır, yalnız bu şəkildə özümüzü qoruya bilərik. Və hər zaman riski hesablamağı bacarmalıyıq, yolda öldürülmək riskimiz 10 faizdirsə, müharibədə 90 faizdir. Yerinə görə davranmağı bilmək həyat qurtarar.+1 əjdaha
5. Türkiyədə gündəmdə olan qalmaqallı "istanbul sazişi" müzakirələrinin nəticəsizliyində bir can daha getdi. Sazişə əsasən, qadınlara, uşaqlara, kişilərə və cinsi azlıqlara edilən şiddət dövlət tərəfindən sərt nəzarətə götürülməli və şiddətə məruz qalan şəxslər cinsindən və cinsi seçimindən asılı olmayaraq qorunmaya alınmalıdır. Lakin konservativ ölkələr, o cümlədən başda türkiyənin özü və polşa olmaqla bu sazişdən çıxma haqqında müzakirə aparırlar. Bunun üçün səbəb olaraq cinsi seçim haqqının verilməsi və ailə təməllərinin zəifləyə biləcəyini bildirirlər. Təbii olaraq da hər iki ölkənin qadın haqları müdafiəsi təşkilatları mübarizə aparır, amma nəticəsi görünmür.Maraqlı olan tərəf avropa şurası dövlətləri içərisində yalnız biz və rusiya bu sazişi imzalamamışıq. Niyə? Bizim bilmədiyimiz, bəlkə xəbər tutnadığımız neçə-neçə qadın ölür hər il. Sırf cinsi azlıqdır deyə haqsız yerə neçə insan şiddət və cinayətə qurban gedir. Niyə? Bunun qarşısını almaq bu qədər çətindir? Bizim də gələcəkdə pınar kimi qadınlarımız şiddətə məruz qalaraq öldürülməlidir?
hamısını göstər