+6 əjdaha
1. dünyanın irəli və bir o qədər də çətin təhsil sistemlərindən biridir. təhsil 3 yaşdan 16 yaşına qədər məcburi idi, bu ildən isə 18 yaşına qədər məcburidir. 16-18 arasındakı mərhələ təhsil, əmək fəaliyyəti və ya ictimai iş şəklində icra edilə bilər. bu təhsil sisteminin təməl anlayışları: liberté d'enseignement (təhsil azadlığı), Education gratuite (ödənişsiz təhsil), neutralité de l'éducation (neytral təhsil), laïcité (sekulyarlıq).təhsil 3 pillədən ibarətdir:
1. başlanğıc təhsili (enseignement primaire): 4 il bağça (L'école maternelle) və 5 il ibtidai məktəb təhsili (L'école élémentaire). uşaqların bağça təhsili məcbur deyildir. bağça təhsilinin əsas anlayışları: yazı və məktəbə hazırlıq, özünü ifadə, hiss etmə, xəyal etmə və yaradıcılıq bacarıqlarının inkişafı. ibtidai təhsil isə 5 səviyyədən ibarətdir və bu mərhələnin əsas anlayışları isə fransızca nitqi ustalığı, birlikdə yaşamaq, həyat bilgisi və incəsənət təhsilidir.
2. orta təhsil (enseignement secondaire): 4 il kollec və 3 il lisey təhsili. bundan sonra beynəlxalq təhsil sinifləndirmə standartına (ISCED) əsasən bakalavr dərəcəsi verilir. kollec təhsili 4 il davam edir və 3 dövrə ayrılır. ilk dövrdə bağça və ibtidai sinifdə öyrənilən məlumatlar daha da aydınlaşdırılır və şagirdlər ilk dəfə xarici dil öyrənməyə başlayırlar. ikinci dövrdə akademik hazırlıq üçün fizika, kimya, latın dili və istəyə görə ikinci xarici dil fənləri tədris edilir. sonuncu dövrdə isə şagirdlər 3 istiqamət üzrə hazırlaşırlar: təhsil, texniki və ya peşə hazırlığı. bu dövrün sonunda diplôme national du brevet adlı imtahanı verərək lisey mərhələsinə keçə bilərlər. liseylər isə 3 təyinat qrupuna bölünür. ümumi liseydə təhsil 3 il davam edir və imtahan nəticələrinə əsasən ali təhsil üçün standart bir dərəcə verilir. texnoloji liseylərdə də təhsil 3 ildir və burada öyrənilən sahənin ali səviyyədə inkişafı üçün bakalavr dərəcəsi imtahanı keçirilir və nəticədə məzunlar təhsillərini davam etdirirlər. peşə liseylərində isə təhsil 2 ildir və məzunlara peşə təhsili üzrə diplom verilir, amma bu liseylərin məzunları birbaşa universitetə giriş əldə edə bilmirlər.
3. ali təhsil (enseignement supérieur): standart dərəcəsi aldıqdan sonra alınan bakalavr təhsilidir. ali təhsildə isə qısa ali təhsil deyilən 2-3 illik təhsil var ki, buradan alınan diplomla xidmət sahələrində çalışmaq imkanı əldə etmək mümkündür. təhsilini davam etdirmək istəyənlər üçün bakalavr 3 il, magistratura 2 il, dokrantura isə 3 və ya 4 il davam edir.