genetika vs çevrə nədir

+11 əjdaha

1. bir-biri ilə bağlı olan və bir-birinə təsir edən iki sistem

bunu daha yaxşı aşağıdakı siçan eksperimenti ilə açıqlamaq olar:

iki siçan var və bunlardan biri təbiətcə sakit,rahat, xoşbəxtdir, digəri isə, qayğılı və narahat. bunlar ayrı-ayrı qutulara yerləşdirilir. başqa siçanlarla cütləşdirilirlər, balaları dünyaya gəlir və hər bala öz anasının yanında saxlanılır. pessimist ananın balaları özü kimi pessimist olur, optimistinki də eynilə özü kimi. bu balaların bir neçəsi müəyyən müddətdən sonra qarşılıqlı olaraq digər anaya verilir və optimist pessimist anadan və balalardan gördüyü ilə pessimistə çevrilir, pessimist də optimizm içində optimist olur.
nəticə:
genlərdə daşınan depressiyadan asılı olmayaraq, ətraf-mühitin müsbətə dəyişməsi ilə əhval-ruhiyyə də müsbətə doğru dəyişdi.

hər nə qədər genimizə bağlı olsaq da, genlərimizin özəlliklərini daşısaq da, ətraf-aləmdən çox şey asılıdır və bəzən də insanı tamamilə dəyişmə gücünə malikdir.

+2 əjdaha

2. Uzun illər boyu ətrafında çoxsaylı müzakirələr aparılan məsələ.
Şəxsi fikrimcə ətraf mühitin təsiri genetikadan daha üstündür. insan doğulandan bəri mühitin təsirinə məruz qalır. Daima yeni informasiyalar qəbul edir, yeni insanlar tanıyır. Bunların hər biri onun formalaşmasında böyük rol oynayır. Genetikanın rolunu da təbii ki, danmaq olmaz. Lakin bu o demək deyil ki, ailəsində musiqiçi olmayan biri gözəl musiqi əsəri yarada bilməz. Yaxud da riyaziyyatçının övladı mütləq riyaziyyatçı olacaq kimi bir anlayış yoxdur. insan sonradan bacarıqlar əldə edə bilər.
Məsələyə sadəcə bacarıqların genetika ilə ötürülməsi tərəfindən baxıb çox geniş olan mövzunun müzakirə sferasını daraltmaq fikrim yoxdur. Genetikanın təsir dairəsi daha genişdir.
Məlum olduğu kimi anası gəzən ağacı balası budaq-budaq gəzər, ot kökü üstə bitər, əslində olan dırnağında bildirər kimi sadəcə genetikaya əsaslanaraq ətraf mühitin təsirini danan "möhtəşəm" atalar sözlərimiz var.