əjdaha lazımdı
izlə
dostlar
mən
googlla
keçən ilin ən bəyənilən entryləri
başlıqdakı ən bəyənilən yazılar:
+55 əjdaha
1. Vəziyyət biyabırçıdır. Qıza hamilədir deyə zorla qaynana, baldız, qaynata tərəfindən ( diqqət etdinizsə, ərin adını çəkmədim. Çünki haradadır , onda rus demiş o "dux" ki, qadın mənimdir, icazə vermirəm desin) aborta gətirilən qadınlardanmı danışaq, qız uşağıdır deyə bütün imkanlardan məhrum edilən, hamı tərəfindən 2-ci sort məhsul kimi davranılıb, at minnəti qoyulan qızlardanmı, sırf qızdır deyə ata qayğısı, sığalından maksimum məhrum edilən qızlardanmı, ya bütün bədbəxtliyinin səbəbinin qız doğmaq olduğunu düşünən anadanmı?
Halhazırda diri doğuşlarda 100 qıza 114 oğlan düşür. indi oğlanlar Nataşa, Anna, Saşa ilə evlənəndə də məlum yerlərini cıracaqlar ki, bəs sən azərbaycan elinin qəşəng günelləri ola-ola Nataşa ilə evlənirsən. Günel tapsa, evlənəcək. Bir aza qadınlar ölkədə hərəm qura biləcək kişilərdən.
Aparılan araşdırmaya görə hələ də kişilərin 49,5%-i, qadınların 22,5%-i ailədə qız uşağını maddi yük kimi görür. A siz səysiniz? Pul qazanan, hətta müdür olan qızlar yoxdur? Potensialı olmayan sümsük oğlunuzun bir yerini qaldırmaq yerinə ona qoyduğunuz mayanı qıza qoysanız, pul doğar sizə. Kişini saxlayacaq qədər pul qazanar. ironiya bir yana, normal təhsil verilmiş insanlar qadın, kişi olmasından asılı olmadan qazanc qazanır. Qız maddi yük deyil, əksinə normal diqqət ayrılanda ailəyə dəstəkdir. Müşahidələrimə də əsasən evdə təhsili və ya işi olmayan qadın varsa, yalnız kişi işləyirsə, o ailənin kriz anlarında durumu bərbad olur.
Məsələ o möhtəşəm namus məsələsidirsə, vəziyyət ,demək, daha pisdir. Əgər siz kişiliyi ətrafınızı qorumaqda görən kişi olmağınıza baxmayaraq bir qız uşağını təhlükədən qoruya bilməyəcəyinizi düşünüb, qızı abort etdirirsinizsə, demək, kişi deyilsiniz. Qorxaqsınız.
Uşaq gözünü açandan uşağa ancaq mətbəxin yerini öyrədən, uşağın belə hər hərəkətinə vedrə qoşan zehniyyətdir o selektiv abort edilənlərin səbəbkarı.
Ps. Qorumaq deyəndə evə bağlayıb, yediyi, içdiyini burnundan gətirməyi nəzərdə tutmuram.
+25 əjdaha
2. Dalını qoymağa döşəyi olmayan ortastatistik məmmədlərin "irsimin davamçısı", özü yanıq olduğuna görə qalan hamıda da ves nəslini sikəcək potensial görən zalatoy mujiklərin "qızın namusu, isməti" ideyasının poxuna düşmüşük.
Maddi yük deyil qızlar. Universitetimizdə çox parlaq karyerası olacağını gördüyümüz, dekanlığı silkələyən, starosta olub hər işi oğlandan yaxşı həll edən, əməliyyata girib özünü itirməyən qızlar var. Onlara baxıb "mən oğlan olub neynəmişəm?" Deyirsən və sadəcə fəxr edirsən.
Namus yükü də deyil.
Aq, o fərddi, o niyə subyektləşdirilib kiminsə namusu olmalıdı? Lap 5 nəfərlə yatsın, lap bir nəfərin üzünə gülsün, lap dalı başı açıq paltar geyinsin. Özünü müdafiə etməyi öyrət və burax həyata, düzü səhvi özü tapar.
Amma qaqaların çıxdığı hoqqalara heç kim heç nə demir, halbuki hər cür iyrəncliyi edirlər. Qaqalar evin pulunu talayanda da söz demirlər. Burdan baxanda günümüzdə ailəyə yük elə bu cür oğlan uşaqlarıdı elə. Ancaq yeyir, faydasız fakültədə təhsil alır, iş tapmağa cəhd etmir, ailəsini də ana-ata şotuna saxlayır.
Bu söhbət artıq bir neçə ildir var, amma dövlət hələ indi oyanıb. Amma inanmıram ki, bu camaata təsir edə.
(baxma: içini sikim dedirən anlar)
+17 əjdaha
3. azərbaycanın hələ də kəntəzoy erasında yaşamağına bir işarədir. bizim cəmiyyətdə qadının yeri və haqqı yoxdur. hə, təssüf ki, belədir. qız uşağı olanda sanki ailənin namusu təhlükə altına düşür, irsi quruyur. normal bir irs olsa, deyəsən dərd yarı. görən də deyəcək yəqin hansısa zadəganlığın davamı üçün mütləq oğlan övladı olmalıdır. qız övladını hər şeydən məhrum etməklə elə bil ki ona layiqli həyat bəxş edirlər. anlamırlar ki, məhrum etdikləri şeylər daha bir "tık" uzaqlıqdadı. istənilən şeyə-namus, əxlaq adı altında illərdi cəmiyyətdə tabu kimi sırınan hər mövzuya- sadəcə telefonla çatmaq olar. heç kim, cinsindən asılı olmayaraq, övladının gizlində nə etdiyini bilə bilməz. doğru nəzarət basqı ilə, çəkindirməklə, məhrumiyyətlə yox, məhz güvənlə, açıq ünsiyyətlə başlayır. qadağan olunmuş meyvə şirin olar. valideyn nəyisə qadağan edəndə sadəcə "olmaz!!!", "eləmə!!", "dəymə!!" "öldürərəm!!" deməməlidir. uşaqda istər-istəməz maraq oyanacaq. "Niyə olmaz?" "niyə dəyməyim?". və qorxudan niyəsini valideynindən yox, internetdən soruşacaq. nəticə həmişə pozitiv olmur.
Bakı kəndlərin də hələ də 4-cü sinifdən qız uşağını məktəbdən çıxardan ailələr var. dəhşətdi. səbəbini soruşsan sadəcə deyəcək ki "qız uşağı nədi, oxumaq nədi?!".eyni zehniyyət, eyni düşüncə tərzi. sonra da deyirsiniz ki, molla nəsrəddin uzaq görən idi. onlar uzaq görən olmayıblar, biz yerimizdə sayırıq.
hələ bir tip kişiciklər də var ki, psevdomodern düşüncəsi ilə həyat yoldaşlarının yalnız bəlli sahələrdə işləməyinə razıdırlar, hardan ki onların namuslarına təhlükə gəlməsi az ehtimal oluna bilər. müəlliməlik, həkimlik, baxça və s. atam balası, xəyanət eləmək istəyən qadın onu elə edər ki, özündən şübhələnərsən, nəinki ailəndəki qadından.
təssüf ki, bizim cəmiyyətdə qadınların emansipasiyası başlamayıb. rol model ola biləcək nümunəvi qadınlar da azdı. uğurlu həyat hekayəsi olan qadınlardan söhbət düşəndə ilk ağla gələn sual bu olur: "subaydı?" "onda, saxlayanı kimdi? "kimlə görüşür?" daha anlamırıq ki, istəmədən və icazəsiz kimlərinsə həyatına müdaxilə elədik. bəlkə, həmin xanım klassik ailədəki qadın yerinə karyera yolunu seçib, həyatını bucür yaşamaq istəyir. bu söhbət bir zaman eynilə istədiyim qızla olmuşdu. dedi ki, unini qurtarım, tez bir zamanda evlənəcəm. burda parantez açım, qız tanınmış biridi, çox da gözəl karyera yolu var, ər çörəyinin eşqi ilə yanmır. soruşdum ki, niyə bu qədər tez evlənməyə tələsirsən ki? dedi ki, bizim cəmiyyətdə qadın yuxarı qalxdıqca arxasıyca çox şaiyələr gəzir, ona görə. keçən ay evləndi... (baxma: gözümde canlanır, koskoca mazi, sevgilim nerede, ben neredeyim)
bir sözlə, azərbaycan adlı bu siyasi məkanda istənilən azadlıqlar, o cümlədən qadın azadlıqları tamamilə məhv edilib. onlara qarşı olan bu qədər sərt basqıya, nəzarətə və ən əsası çürümüş mentatilə qarşı bəzən sərt şəkildə reaksiya verirlər. bu da tamamilə normal bir şeydi. yayı nə qədər çox sıxsan, o qədər üzünə sərt qayıdar.
+2 əjdaha
4. düzəlib hər bir yarağın,bir qalıb saqqal darağın.ölkədə onsuzda hər şey baş ayaqdı,bioloji cins nisbəti pozulsa nə olacaq,pozulmasa nə olacaq.artıq elə bir dövrdə yaşayırıq ki,heç kəs heçnədən çəkinmir nə də qorxmur qanun çərçivəsində istədiyin poxu yeyə bilərsən.ölkədə 2020ci ildə 23 min nigah 12 min boşanma yəni iki evlilikdən birinin boşanma ilə sonlanması əslində bundan daha ciddi problemdi amma qoz qoyan yoxdur.cəmiyyətimiz onsuz bir şey deyildi,indidən sonra ümumiyyətlə zibili çıxıb-çıxacaq (görəsən hara qədər).təhsilsizlik,azamlıq,kasıblığın yanında heçnədir bu.
hamısını göstər
