+5 əjdaha
1. breaking bad və better call saul-dakı şimali amerika narkoticarət sisteminin başında olan mafiya babalarından biridir. tam adı eladio vuente-dir. steven bauer tərəfindən canlandırılıb.https://i.imgur.com/9ceg5TF.jpg
Spoiler!
don eladio, xronoloji olaraq ilk dəfə 1989-cu ildə görünür. həmin il amerikaya yeni köçmüş və los pollos hermanos-u quraraq gizli narkotik ticarəti və çirkli pulların yuyulması ilə məşğul olan gustavo fring və partnyoru (həm iş yoldaşı, həm də sevgilisi olaraq) donun qəbuluna gəlir. gus-ın partnyoru hörmətsizlik etdiyi üçün donun əmri ilə hector salamanca tərəfindən vurularaq öldürülür.
don eladio hər iki serialda əsasən adamları tərəfindən gətirilən pulları sayarkən və ara-sıra kartelin işləri ilə əlaqədar yığıncaqlar keçirərkən görünür. çölün ortasında yerləşən bir malikanəsi var. “better call saul”-da əvvəlcə hector-un iflic olması və ardınca öz klanının ən güclü nümayəndələrindən olan lalo salamanca-nın ölümündən sonra salamanca-ların zəifləməsi ilə don eladio şimali amerikadakı narkoticarət sisteminin böyük bir hissəsini işində daha peşakar olan gus-a verir.
ancaq gus, eladio və ətrafına nifrət edirdi. ən böyük səbəbi isə, heç şübhəsiz ki, partnyorunun gözü qarşısında öldürülməsi idi. ancaq qisas üçün səbr etmiş və 20 il ərzində böyük bir plan qurmuşdu. “breaking bad”-də gus, mike ehrmantraut və jesse pinkman ilə birlikdə don eladio-nun qəbuluna gəlir. laboratoriyada yaxşı iş çıxarmış jesse, bundan sonra meksikada qalacaq və don eladio-ya xidmət edəcək. gus hədiyyə olaraq bahalı bir tequila da gətirib. eladio və adamları tequila içərkən zəhərlənib ölürlər. planın üzə çıxmaması üçün özü də tequila içməyə məcbur olmuş gus da zəhərlənir. evdən qaçan xidmətçilərə və qonaqlığa gətirilmiş qızlara səslənərək belə deyir: “don eladio və bütün adamları öldü. indi qarşınızda 2 yol var: ya mənimlə mübarizə aparın, ya da nə götürə bilirsinizsə götürüb gedin!”