lənətə gəlmiş zənci

321 0 0 0

9. nəsil yazar

Entry: 321

blok başlıqlarını gizlət

yaran türkcə karikaturalar

yazarların çəkdikləri piş

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı meme

+65 əjdaha

61 əjdaha! 18.09.2021 01:53, lənətə gəlmiş zənci

#336694 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

qaqa

+48 əjdaha

(baxma: qaqaları tanıyaq)
təkamül nəzəriyyəsinə görə "qaqa" modern homo sapiens və neandertal insanı arasında qalan bir keçid fəsiləsidir. Bəzilərinin soyları getdikcə tükənmək təhlükəsi altında qalsa da, bəzi növləri texnologiyanın inkişafına ayaq uyduraraq həyatda qalıb nəsillərini davam etdirə bilirlər. bəs qaqa fəsiləsinə aid olan bir insanı necə ayırd etmək olar? bu fəsilənin nümayəndəsi çılpaq gözlə ayırd edilə bilir, bəzi xüsusi növləri isə yalnız müəyyən bir dialoq qurularsa özünü büruzə verir. qaqa fəsiləsinə aid olan geyim və aksesuarlar onları ayırd etməyə imkan verir. bunlar : makasin, qara-dar şalvar, istəyə görə saroşka və ya jilet, kepka, zondan gəldiyi iddia edilən təsbeh və "çeçenka" adlandırılan saç düzümü. yay və qış geyimləri arasında müəyyən qədər fərq ola bilər. bəzi təhlükəli növlərində bıçaq, xəncər, beşbarmaq kimi soyuq silah növlərinə də rast gəlinə bilər.
qaqalar öz təbii şəraitlərindən asılı olaraq əksərən sürü halında ya da, 2li 3lü qruplar şəklində gəzməyə üstünlük verirlər. bir qaqa ilə uzun müddət göz təması qurmaq, səssizcə bölgələrinə yaxınlaşmaq, söz atmaq qısacası onların dilində desək "çaşmaq" sizin üçün ölümcül ola bilər. belə olan halda üzr istəyib, "ağıllı olub" öz yolunuzda davam etməyiniz sizin üçün daha məsləhətlidir. bir qaqa ilə dava etmək sizin xeyrinizə olmaz, çox zaman təklənə bilərsiniz. qaqalar öz bölgələrini "palajeniya" adlandırılan xüsusi hissələrə bölmüşdür ki, bu da həmin ərazininin idarə edilməsini asanlaşdırır. bu insanlarla qarşılaşdığınız zaman brat kimi gözlüyürsən burda? , brat siqeetin olmaz? və ya yandıranın olmaz? Tipli suallarla qarşılaşa bilərsiniz. bu zaman özünüzü sıxmadan sadə (onların dilində) cavablar verərək həyatınızı xilas edə bilərsiniz. Onlarla biraz söhbət etsəniz "qızın birini necə fırratmaları", "polisləri təkərə salmaları , "çaşan birini necə şoşqalamaqları" haqda uzun-uzadı hekayələrini dinləyə bilərsiniz
qaqaların ən sevdiyi məşğuliyyət kriminalni həyat sürür sadə avtoritetlər tipli mahnı sözlərini yüksək səslə oxumaq, qəlyan çəkmək və ya nol7-ni 2 təkərə qaldırıb sürməkdir və ya onların dili ilə desək avtoşluq etməkdir. qeyd edim ki, qaqaların xüsusi terminlər lüğəti var və əksəriyyəti jizn , pabraski, dvijeniya , krutoy tipli rus mənşəli sözlərdən ibarətdir. qaqalar fərqli coğrafiyalarda fərqli adlarla adlandırılsalar da mənşələri ortaqdır və çoxluğu eyni bir məqsədə xidmət edir.

37 əjdaha! 06.05.2020 17:43, lənətə gəlmiş zənci

#295161 şikayət

milli məclis

+33 əjdaha

Universitetdə bir müəllimimiz demişdi ki, rusiyada adına duma deyilir, o, "dumat" yəni düşünmək sözündən gəlir, yəni ruslar orada nəyisə düşünüb müzakirə edirlər.
Avropada ona parlament deyilir, fransızcada "parle" və ya italyancada "parlare" sözü var, bu da danışmaq mənasını verir. Yəni avropalılar orada diskussiya edib nəyisə müzakirə edirlər.
Bizdə onun adı milli məclisdir, düşünmək, danışmaq, müzakirə etmək yoxdur, bizimkilər toy məclisinə gəlmiş kimi oturub, arada deyib-gülüb dağılışırlar.

25 əjdaha! 18.05.2023 09:25, lənətə gəlmiş zənci

#372648 şikayət

yazarların sevmədiyi qız adları

+31 əjdaha

(baxma: vahidə)
(bax: saniyə)
(baxma: rabiə)
Səbəbini isə belə izah edim, demək ərəblər qədim zamanlarda qızlara ad vermək zəhmətinə girməyib, sadəcə doğum sıralarına görə və yaxud ərləri evlilik sıralarına görə (4 qadınla evləndikləri üçün) "birinci" , "ikinci" , "üçüncü" və "dördüncü" kimi saylarla adlandırırdılar. Belə ki, vahidə birinci, saniyə ikinci, salisə üçüncü, rabiə isə dördüncü deməkdir. Çoxlarının bildiyini düşündüyünün əksinə bu adlar dini ad deyil, sadəcə sıra nömrələridir.

22 əjdaha! 15.01.2021 01:59, lənətə gəlmiş zənci

#317240 şikayət

qızların alicənab yerinə avara adam seçməsi

+27 əjdaha

Mənə çox "ərgən dərdi" kimi gələn fikirdir.
Qızlar bizə baxmazlar ki qaqaş
iş güc sahibi, müəyyən həyat standartına və təcrübəsinə sahib qadının "avara adamı" özünə partnyor seçməsi mənə heç inandırıcı gəlmir, ha beyin olaraq ərgənlikdən çıxa bilməyibsə o başqa məsələ. Əks halda, Bu saydığım kriteriyalarda bir qızın avara adamla yola gedə bilməsi belə mümkün olan şey deyil. Bu cür seçimlər yalnız Tiktok-türk serialları-wattpad bermuda üçbucağında gəmisi batmış qızlar üçün keçərli ola bilər.

Mütləq bir qız tərəfindən seçiləcəmsə, onun müəyyən zövqə(hər mövzuda), dünyagörüşə və sağlam düşüncəyə malik olmasını istəyərəm. Yuxarıda bəhsi keçənlər isə istədiyi qədər avara adam seçsin, hətta mümkünsə məndən bir işıq ili qədər uzaqda olsunlar.

21 əjdaha! 22.01.2023 05:50, lənətə gəlmiş zənci

#366224 şikayət

günün ən sevilən vaxtı

+22 əjdaha

Kənddə və ya rayonda həyət evində qalmış olanlar yaxşı bilərlər. Uşaq vaxtı hər yay tətilində rayona gedərdik. Həyət evində nahar yeməyinə qədər bağ-bağça işləri görülür ( mən yatırdım təbii ki), nahar samovar çayının ətrafında söhbətə oturulur, nahar çörəyi yeyilir. Samovarda suyu qızdırmaq üçün odun filan qırılır. Nahar yeməyindən sonra ya hamı bir tərəfdə yatır, ya da qadınlar oturub kənddə tanımadığım biri haqqında qeybət edirlər, mən də oturub həvəslə onlara qulaq asıram. Bəzən elə şeylər eşidirəm ki, ağzım açıq qalır. Nahardan sonra hava biraz sərinləyir, biz uşaqlar da ya həyətə düşüb məhlədəki uşaqlarla futbol oynayırıq (mən pox kimi oynayıram), ya da evdə qalıb bağçanın suvarılmasına kömək edirik.
Həmin zamanlar isə günün ən sevdiyim vaxtı axşam saatları olub. Çox zaman qaranlıq düşməmişdən biraz əvvəl dağın başına çıxıb günəşin batışını seyr edirdik, bəzən də ucadan oxunan azan məhlədəki oyunumuzun bitdiyini və evə qayıtmaq vaxtının gəldiyini işarə edirdi. Hətta bəzən güclü bir yağış da yağardı, göy üzü qıpqırmızı olardı.

Axşam yeməyi yeyiləndən sonra qarpız kəsilir, yenə hər kəs bir süfrə arxasında əyləşib söhbət edirdi. Həmin vaxtlar cartoon networkdən babat cizgi filmlər verilirdi (indiki kimi yox). Mən isə söhbətlərə qulaq asmaq və cizgi film izləmək arasında qalırdım hər zaman. Bəzən söhbətlər o qədər maraqlı olurdu ki, cizgi filmi tamam unudurdum. Bəzən eyni süfrədə oturanlar nədə isə razılaşmır, 2 ayrı qrupa ayrılıb həmin fikirləri alovlu şəkildə müdafiə edirdilər. Onların debatını izləmək isə mənə ləzzət edirdi. Danışalan mövzunun nə olduğunu anlamasam belə. Axşam isə yerdə döşək salınır və hərə öz otağına çəkilib yatırdı.

O zamanlar günün hər saatı mənə ayrı cür xoş gəlirdi. Tətil heç zaman bitməsin istəyirdim. Uzun zamandır ki, rayona getmirdim, keçən ilə qədər. Uşaqlığımda daddığım o hissi yenidən yaşayacağımı zənn edirdim. Amma heç nə qoyub getdiyim kimi deyildi. Ölənlər ölmüş, qalanlar sakitləşmiş, ruhsuzlaşmışdı. Bir vaxtlar barmağımızı kəsib üst üstə qoyub qan qardaşı olduğum dostlar belə yox idi artıq, məhlənin ortasında havası enmiş bir top qalmışdı sadəcə. Kölgəsində dincəldiyimiz sərv ağacını da kəsmişdilər, öz yerində quru bir kötük qoyub getmişdi. Hətta bağçada tut belə yetişmirdi artıq. Uşaqlıqda yaşadığım o hissləri təkrar yaşamaq üçün çox şeydən keçərdim doğrusu. Amma bəzi şeylərin ömrü qısa olurmuş.

15 əjdaha! 05.09.2020 03:41, lənətə gəlmiş zənci

#303919 şikayət

yazarların linçə səbəb olacaq fikirləri

+30 əjdaha

bu sifarişi verən: zazoza
dünya üzərində yaşayan insanların əksəriyyətinin yaşamağa layiq olduğunu düşünmürəm. (misal üçün ortalama tiktok istifadəçiləri)
şəxsən yolda qurumuş bir ağac görəndə və ya ölüb yol ortasında qalan it/pişik cəsədi görəndə, afrikada susuzluqdan ölən, yaxud əfqanıstanda müharibədə ölən insanları gördüyümdə olduğundan daha pis hiss edirəm özümü. irqçilik və ya başqa bir şey deyə bilərsiniz, əlaqəsi yoxdur. yaxud joker bənzəri bir cəmiyyətdən təcrid də yaşamamışam, belə hiss etməyimə səbəb ola biləcək spesifik bir hadisə də olmayıb. nəyə görə olduğunu bilmirəm, ancaq bəzən sevdiyim insanlar ölsə belə vecimə olmayacaqmış kimi hiss edirəm. səbəbi nədir görəsən?
onda bəs sən özün yaşamağa layiqsən? açığı bilmirəm və maraqlı da deyil.
love, death and robotsun ikinci sezonunda pop squad deyə bir bölüm var. spoiler olsun istəmərəm ancaq, həmin bölümdə insanlar ölümsüz olur və artan nüfuz problemini həll etmək üçün təzə doğulan uşaqları öldürən polis tipli bir təşkilat formalaşdırılır. çoxları üçün dəhşətli görünə bilər, ancaq mən izləyəndə tüküm belə ürpəşmir. şəxsən gələcəkdə belə bir təşkilatın formalaşmasını dəstəkləyən azlığın içərisində ola bilərəm və ya maaşlı çalışmaq üçün müraciət də edə bilərəm. "bəs sənin və ya sevdiklərinin başına gəlsə???" deyə ağıllılıq etməyə ehtiyac yoxdu, dediyim kimi sevdiklərimin başına belə hadisələr gəlsə belə, vecimə olmayacaqmış kimi hiss edirəm. bəzən görəsən psixopat və ya sosiopatam mı? deyə düşünürəm həqiqətən də. əksər zamanlar "insanlar acından ölür, yeməyə çörək tapmır" və yaxud "mövcud hakimiyyət xalqa zülm edir" şəklində çıxışsam da, sözün açığı bunlar çox da vecimə deyil.
mənə görə insanların yaradılmasında ilahi bir məqsəd yoxdur, özümüzə biçdiyimiz dəyərə layiq deyilik. məqsədsizcə çoxalıb, törəyən bakteriyalarla, insan fərdi arasında bir fərq görə bilmirəm. necə ki, bakteriya öləndə heç kimin vecinə də olmur, niyə insanın ölümü bu qədər böyük bir problem olmalıdır ki?
nəysə, belə, xəstəlikli fikirlərimi sözlüklə bölüşmək istədim sadəcə.

23 əjdaha! 08.07.2021 09:49, lənətə gəlmiş zənci

#331628 şikayət

ikinci qarabağ müharibəsi

+23 əjdaha

Müharibənin tez bir şəkildə qələbə ilə nəticələnməsini, artıq bu mövzunun adının bir daha çəkilməməsini ən çox istəyənlərdən biriyəm. Çünki mənəvi olaraq çox yorulmuşam. Gündə bir şəhid xəbəri, gündə ayrı bir şəhər bombalanır. Belə yaşamaq olar? Hər kəsdə gərəkli-gərəksiz bir aqressivlik var, elə bil şəhərin üzərinə qara buludlar çöküb. Artıq gəzdiyim hər yerdə polis-əsgər görməkdən bezmişəm, şübhə altında yaşamaqdan az qala başıma hava gələcək. Torpaqların işğaldan azad olunması nə qədər seviniləsi olsa da, bu, buruq bir sevinc, yarımçıq bir təbəssüm kimi hiss etdirir. Covid barədə heç danışmıram belə.
Deyirsən, axı xalq olaraq illərdir bu anı gözləyirdik? Bəs noldu indi?

Artıq mənasız hadisələrin gündəm olduğu, 3 qızın lüt şəkildə "bugün yenə yarə namə yazdım" deyə oxuduğu videonun viral olub ortalıqda gəzdiyi, manpası kimi kanalların ətrafda gəzib gic-gic suallar verdiyi, faiq ağayevin bıçaqlandığı xəbərini eşitdiyimiz o gözəl günlərə geri qayıtmaq istəyirəm. Hətta bu şəhərdəyə belə razıyam.

Millətin tək dərdinin "payblə yenə siqaretin qiymətini qaldırıblar" olduğu vaxtların geri qayıtması diləyi ilə.

23 əjdaha! 03.11.2020 13:52, lənətə gəlmiş zənci

#309099 şikayət

müharibədən çıxarılacaq dərslər

+20 əjdaha

Əgər nə vaxtsa diktator olmağa qərar versəniz, bunu yadınızdan çıxarmayın:
əhalinin qanını içib, canını da alsanız tək bir hərəkətiniz və yə qərarınızla 1 gün içində xalq qəhrəmanına çevrilə bilərsiniz. Əvvəlcədən etmiş olduğunuz bütün mənfiləri bir müsbətlə (o da nə qədər müsbətdirsə) örtə bilərsiniz. Unudulub gedər.

Ən azından mənim bu müharibədən anladığım budur.

16 əjdaha! 10.10.2020 18:04, lənətə gəlmiş zənci

#306003 şikayət

azərbaycandan rədd olub getmək

+21 əjdaha

hal-hazırda məni burada saxlayan yeganə səbəb ailəmdi, amma imkan tapan kimi çıxıb getmək istəyirəm. özümə görə səbəblərim var. Əvvəla mənim fikrimcə azərbaycan yaxın zamanda özünü toparlayıb inkişaf etmiş dövlətlərin səviyyəsinə çata bilməyəcək, bunda mövcud sosial, siyasi hətta iqtisadi səbəblərin rolu böyükdür. amma məncə buna ən böyük səbəb yenə insanların özüdü. bir tərəfdə öz ana dilini danışmağı belə özünə ar bilən sözdə "mədəni" insanlar. səhv anlaşılmasın, rus dilinin danışılması ilə bağlı bir problemim yoxdur, ancaq məni narahat edən əsas səbəb belə insanların nədənsə işlərinə gəlməyəndə "aşırı milliyyətçi" donuna bürünməsidi. digər tərəfdən qalan əhalinin də çox böyük hissəsi həddən artıq mühafizəkardı. deyə bilərsiz ki, belə də səbəb mi olar? ancaq sadəcə bu deyil, ölkədə sanki demoqrafik uçurum var, xalq olaraq bir-birimizə çox yadıq. siyasi, iqtisadi vəs. səbəblər də var əlbəttə, bir yerə qədər bunların hamısına tolerans göstərmək olar. ancaq dedim axı mənim səbəbim biraz daha şəxsidi.
özümü bu ölkədə yad biri kimi hiss edirəm, sanki eyni dildə danışdığım insanlar mənə bir işıq yolu qədər uzaqdadı. insanları anlamıram, onlar da eynilə məni. ölkənin demək olar ki, yarısını gəzsəm də nəticə yenə də eynidi, itmiş kimiyəm. getdiyim yerdə məni anlayacaqlar demirəm ya da bəlkə buradan daha fərqli olmayacaq, avropa ya da amerika məni bağrına basmayacaq əlbəttə, belə bir iddiam yoxdu. amma ətrafımdakı süniliyi gördükcə hər şeydən bezirəm. yaşamaq üçün çox gözəl yerdi, ancaq nə mənası var ayaqlaşa bilmədikdən sonra. çox çalışdım lakin boş yerə, mənmi düzəldəcəm ölkəni?

(youtube:

)

15 əjdaha! 08.05.2020 00:12, lənətə gəlmiş zənci

#295248 şikayət

saturn devouring his son

+18 əjdaha

ispan rəssam francisco goyanın çəkdiyi rəsm əsəridir. (Original adı : saturno devorando a su hijo)

Əfsanəyə görə saturn (yunan mifologiyasında kronus) öz atasını devirib, dünyanın idarəsini ələ keçirəndə, öz oğullarından birinin də eyni taleyi ona yaşadacağını öyrənir. Nəticədə doğulan bütün uşaqlarını udurmuş, ancaq anası kiçik oğlu yupiteri gizlədə bilir. saturnun qorxduğu başına gəlir, yupiter (zevs)
Öz atasını devirib taxtın sahibi olur.
Goyanın əsəri yaradarkən peter paul rubensin eyniadlı rəsmindən ilhamlanması düşünülür :
Rubens

Goya

Ancaq iki rəsmə də baxanda bariz fərqlərin olduğu görünür. Rubens də, hər nə qədər, dəhşətli bir səhnəni təsvir etsə də, ən azından öz dövrünün saray incəsət nümunələrinə bənzəyən tərzdə bir iş ortaya çıxarıb. Amma goyanın rəsmi elə deyil, ən kiçik bir incəlikdən məhrumdur. Rəsmə baxarkən, hiss etdiyim tək şey "narahatlıq" ola bilər. Bəzən hər nə qədər əksi iddia edilsə də, açıq-aşkar goyanın daha vəhşi, insanlıqdan uzaq, öz gücünün gətirdiyi təkəbbürə təslim olmuş bir tanrı obrazı yarada bildiyi aşkardı. Hətta buna tanrı demək nə qədər düzgündü? Təsvir tanrıdan daha çox bir bədheybəti və ya divi xatırladır. Yazının başında, Saturn öz oğullarını udurmuş deyirdim, ancaq əsərdə bunun fərqli bir tərzdə əks etdirildiyi görünür, rəsmdə, saturn öz oğlunu çeynəyərək, əzab verə-verə öldürür.
Rəsmin yaradılmasının arxa planını öyrənəndə, verdiyi narahatlıq bir anda ikiyə qatlanır.

Goya onu kar edən xəstəliyindən sonra quinta del sordo'ya (və ya villa of the deaf man) köçür və orada yaşadığı dövrdə, həmin evin divarlarına, yağlı boya ilə, black paintings adını alan, 14 fərqli rəsm əsəri çəkir. Saturnun öz oğlunu yediyi rəsm isə, evin mətbəxinin divarına çəkilmişdir. Hər yemək yeyəndə, oturub bu rəsmə baxmaq, çox da gözəl bir təcrübə deyil məncə (bəlkə də yeməyini gətirib salonda yeyirmiş, idk). Goya, bu rəsmlərində, öz həyatı, gördüyü yuxular, halusinasiyaları təsvir edib, buradan da, onun öz ağlını yavaş-yavaş itirməyə başladığı bəlli olur. Bir zamanlar xidmət etdiyi, iç-içə olduğu insanlardan, saray mühitindən tamamilə uzaqlaşır, yalnızlaşır.

Rəsmin originalı divar üzərində çəkilsə, də sonradan kağıza köçürülüb, hal hazırda madriddə, prado muzeyində sərgilənir.

14 əjdaha! 11.10.2021 15:28, lənətə gəlmiş zənci

#337908 şikayət

en passant

+23 əjdaha

Şahmat terminidir. Fransız sözü olub, "Keçərkən almaq" anlamına gəlir.
Əgər Piyada ilk açılışında, iki addım irəli hərəkət edərsə, yanbayan duran rəqib piyada, onu düz formada vurub, çarpaz keçə bilər. Burada əsas məsələ, normalda bir addım hərəkət etməli olan piyadanın iki addım irəli getməklə, qaçmasının qarşısını almaqdır.
Daha dəqiq anlaşılması üçün

(youtube:

)

ilk dəfə onlayn oynayan zamanlar, glitch olduğunu zənn etmişdim, amma yox, həqiqətən də belə bir qayda varmış.

22 əjdaha! 20.10.2021 19:39, lənətə gəlmiş zənci

#338270 şikayət

səmimi insanın mövcud olmaması

+16 əjdaha

bu sifarişi verən: benedictus
bu barədə çox düşünürdüm, həqiqətən səmimiyyət nə deməkdir? məsələn birini təqdir etmədiyim halda özümü edirmiş kimi göstərirəmsə mən səmimi sayılırammı? yox əgər səni və ya gördüyün işi sevmirəm deyə bilirəmsə o zaman səmimi mi olmuş oluram? söylədiyim doğrular insanların qəlbini qırsa belə və ya onlarla düşmən olmağıma səbəb olacaqsa belə, yenə də doğrunu söyləyirəmsə, saxta emosiyalarla nə qarşıdakını, nə də özümü aldatmıramsa o zaman səmimi bir insan kimi sayıla bilərəmmi?
səmimiyyətin hər zaman, nə olursa olsun doğrunu söyləməklə əlaqəli olduğuna inanıram. bu subyektiv fikirdir əlbəttə. amma hər birimizin üzümüzə qarşı yalan söylənilməsinə ehtiyacımız var. təzə aldığımız ayaqqabıya münasibətdə "necədi yaraşır?" tərzində verdiyimiz suala "hə bomba kimi" cavabını eşitməyə ehtiyacımız var. və yaxud səsimiz gözəl olmasa belə oxuduğumuz mahnıya " babat oxudun öz aramızdı " tipli cavab eşitməyə ehtiyacımız var. bəzən həqiqətən də yalan eşitməyə, həmin yalana inanmağa ehtiyacımız var.

hər mövzuda səmimi olmamaq elə uşaq vaxtından bizə öyrədilib. uşaq vaxtı mənə ev telefonuna zəng gələndə götürüb, qarşı tərəfdə anamın danışmaq istəmədiyi biri olduğunu anlayanda "de ki mama evdə yoxdu" cavabını vermək öyrədilmişdi. qarşı tərəfə "mama evdədi, amma sənlə danışmaq istəmir, çünki səndən zəhləsi gedir " də deyə bilərdim, bu da bir seçimdir. amma qəlb qırmamaq, düşmənçilik yaratmamaq üçün yalan söyləmək öyrədilib bir kərə. elə uşaq vaxtından insanlara qarşı tam səmimi olmamaq öyrədilib və məktəb şəraiti, daha sonrasında gələn karyera falan filan bunu daha da körükləyib. buna görə hər birimiz gündəlik həyatda minlərlə maska gəzdiririk, lazım gələndə birini çıxarıb, o birini taxırıq. içimizdən neçəsi sözlükdə yazdığı kimi gündəlik həyatda da davrana, danışa bilər?

bəzən mən də insanlara qarşı tam səmimi olmaq istəyərdim. "kefli isgəndər" olmaq istəyərdim misal üçün, adam hər zaman doğrunu söyləyir, amma ayyaşdır deyə heç kim vecinə belə almır. əslində insanların onu vecinə almamasının əsas səbəbi doğruları eşitmək istəməmələridir. isgəndərin çalışıb-vuruşmasına rəğmən ailə fərdləri, kənd camaatı heç bir halda gözlərinin önünə çəkdiyi pərdəni endirmək istəmir və nə olur? komediya kimi başlayan əsər, faciə ilə bitir.

bəli sevmədiyim insana dönüb "səndən zəhləm gedir, görünmə gözümə" deyə bilərəm və ya o an ağlımdan nə keçirsə şak deyə üzünə söyləyərəm, bəlkə bu məni daha səmimi bir insan edər, amma eyni zamanda cəmiyyətin qəbul etmək istəmədiyi birinə də. çünki toplum olaraq gerçəyin acı dadındansa, yalanın şirinini dadmaq istəyirik. heç kəsə öz fikrini söyləməyə imkan vermirik, elə şablon cümlələr və şablon insanlar. özümüzə nəyə görə "robot" yerinə "insan" deyirik onu da bilmirəm.

qısaca səmimiyyətsiz bir cəmiyyət formalaşdırmağı biz özümüz seçmişik. ona görə də dünən aldığımız ayaqqabı bugün cırılır, səsi olmayan manıslar 5 qəpiklik singlelar çıxardır. "kefli isgəndər"in faciəsi kimi, deyəsən bu da bizim faciəmizdir. hətta "palaza bürün, elnən sürün" deyə atalar sözümüz belə var bizim. hə və bundan sonra çıxıb " niyə ətrafımda səmimi insan yoxdur" demək sadəcə mənasızdır. çünki əslində səmimiyyətsizlik hər birimizə sərf edir.

13 əjdaha! 03.09.2020 04:26, lənətə gəlmiş zənci

#303831 şikayət

varlı olmaq üçün ediləcəklər

+15 əjdaha

(baxma: varlı olmağın sirrini paylaşan yazarların hələ də sözlükdə fırlanması)

12 əjdaha! 05.11.2020 02:59, lənətə gəlmiş zənci

#309335 şikayət

bürclər

+18 əjdaha

Bürclərin çin uydurması olduğunu sübut etmək üçün sadə bir təcrübə apara bilərsiniz. sizi az da olsa tanıyan və astrologiya (astronomiya yox) ilə maraqlanan birinə bürcünüz haqqında yalan deyin. Misal üçün əgər qoç bürcüsünüzsə, " mən buğayam" deyin. Həmin özünü ağıllı hesab edən yoldaş piç gülüşü ilə buğa bürcünü sizin xarakterinizlə uyğunlaşdırmağa çalışacaq. Sən təvazökarsan, tez əsəbləşirsən filan falan deyəcək. Və daha sonra beti biraz da artırın. " yox əslində yalan dedim mən tərəzi bürcüyəm" filan deyə yenə yalan sıxın. Amma diqqət edin ki, anlaşılmasın. Sonra yoldaşınız " hə əslində sənin bu kimi xüsusiyyətlərin tərəzi bürcü olduğunu büruzə verir bunu bilməli idim" kimi axmaq-axmaq danışmağa davam edəcək. Onun sözünü işarət barmağınızı havaya qaldıraraq kəsin və əsl bürcünüzü deyin. Həmin "ağıllı" yoldaşın bayaqdan bəri atıb-tutduğu ifadə etməyi də unutmayın. Və nəticə : bürclər sadəcə bir uydurmadan ibarətdir. Yəqin çinli kəndlilərin o vaxt ağa torpağında muzdla işləməkdən ya da çin səddi 'ni tikməkdən o qədər ürəkləri sıxılıb ki, bir tərəflərindən bürc uydurublar.

9 əjdaha! 27.05.2020 03:05, lənətə gəlmiş zənci

#296108 şikayət

tanrıya veriləcək tək sual

+18 əjdaha

Tanrıya verə biləcəyim tək bir sual var - "sən bacararsanmı?".
Uşağına 1 velosiped belə ala bilmədiyi üçün "mən nəyə lazımam onda?" deyib intihar edən atanın qəhrini çəkə bilərsənmi? Səngərdə gözlərinin önündə öldürülən əsgər yoldaşının qisasını almaq üçün düşmənə atəş açan, sonra isə prikaz verilmədən atəş açdığı üçün eşşək balası kimi döyülən, şərəfi, namusu ayaqlar altına alınan əsgərin çəkdiyi əzabı sən çəkə bilərsənmi? 3 uşağına baxmaq üçün gecə gündüz işləyən, işlədiyi yerdə də alçaldılan, xor görülən ananın göz yaşlarına cavab verə bilərsənmi? Böyük dövlətlər silahlarını sata bilsinlər deyə çıxan müharibələrin, öldürülən minlərlə insanın, başsız qalmış ailələrin cavabını verə bilərsənmi? Kimi günahlandıraq indi, mükəmməl bir dünya yaratdığını iddia edən tanrını mı? Və yaxud yaratdığı "ən mükəmməl varlıq" olan insanı mı? Günahkar kimdir?

Hakan gündayın çox sevdiyim bir sözü var : bizlər yaxşı insanlar deyilik, yaxşı insanlar çoxdan öldülər, müharibələrdə şəhid oldular, azadlıqları üçün öldürüldülər. Bizlər namussuzların, təcavüzkarların, zəif və iradəsiz insanların, savaşdan qaçanların övladlarıyıq.
Yer üzündəki bütün dinlər sadəcə və sadəcə insanların gözlərini boyamağa, onlara heç bir zaman gerçəkləşməyəcək xəyalları satmaqla məşğuldur. Niyə mənim insan kimi yaşamağa haqqım yoxdur deyən bir fəhləyə, uşağı şikəst doğulan anaya bu sənin imtahanındır, biraz səbr et cənnətə gedəcəksən deyər, amma özünü öldürüb eləməyəsən ha, bu ən böyük günahdır. bu dünyanın sənə ehtiyacı var, yoxsa biz kimə xəyal satarıq?

Keçən il elmlərdə bir çay evinə getmişdik, oturub domino filan oynayıb, çay içəcəkdik. Yerimizə keçəndən sonra ofisiantı çağırdıq, qoca xalanın biri gəldi, heç yeriyə də bilmirdi, utana sıxıla bir çaynik çay və şokolad istədik. Biraz sonra gətirdi, "xala bütün bu stollara sən təkbaşına baxırsan?" Deyə soruşduq. Hə bala dedi, üstəlik sadəcə stollara baxmırdı, hər yerin təmizliyindən, qab-qacaqların yuyulmasına qədər bütün işlərə o baxırdı, səhərdən axşama qədər, bir tikə çörək üçün. Bunu eşidəndən sonra hamımız sus-pus olduq, içdiyim çayın dadı da mənə acı gəlməyə başlamışdı. "Gəl sən otur, dincəl biraz, mən baxım sənin yerinə" demək istədim. Kim bilir nə əziyyətlər çəkirdi. Bu dünya belə insanlarla doludu, özümüzü aldadıb, ucu mənə çatmır onsuz kimə nə olur olsun deyə bilərik, instagramda, whatsapda ya əli ya məhəmməd deyə status paylaşıb özümüzü həqiqi dindar kimi göstərə bilərik, amma bunun kimə nə faydası var? Bir tərəfdə acından insanlar ölürsə, bir tərəfdə də varlının biri bir yeməyə dünyanın pulunu sayırsa dinin, tanrının kimə nə faydası olacaq? Bizi yaradan bir tanrı varsa belə əminəm ki, əli sikində gəzir, zövq alır əzab çəkdirməkdən, yaratdığı xaosa tamaşa etməkdən. Bu qədər əzab verdiyi bəs deyilmiş kimi bir də cəhənnəmə göndərməklə təhdid edir, əgər həqiqətən də belədirsə, göndərsin cəhənnəmə məni, bütün bunlara bais olan insanın necə əzab çəkdiyini görmək istəyirəm. Lazım deyil cənnəti də, hurisi də.

14 əjdaha! 24.07.2020 02:31, lənətə gəlmiş zənci

#301062 şikayət

hüquqi ingiliscə

+15 əjdaha

Öldürməyib süründürən şeylərdən biridir. Əsasən də özəl sektorda, müxtəlif sahələr üzrə xidmət göstərən şirkətlərdə (alqı-satqı, kredit, faktorinq, siğorta, daşıma və s.) çalışan şəxslərin əksəriyyətinin yolu müqavilələrlə kəsişdiyi üçün, bu zibillə tanışdırlar. Hüquqi terminlərin anlamını öyrənib, üstünə birdə əlavə olaraq ingilis dilində öyrənmək, haradasa yeni bir dil öyrənməyə bərabərdir. Üstəlik müqavilələrin tərcüməsi ekstra dəqiq olmalıdır, diqqətli olmasanız respondent'i "cavab verən" şəklində tərcümə edə bilərsiniz.
ilk iş müsahibələrimin birində, genələ-genələ ingilis dilini yaxşı səviyyədə bildiyimi demişdim. Belə zor Bilirsənsə, gələ tərcümə elə deyə (şaak), qabağıma daşıma müqaviləsinin bir nümunəsini qoymuşdular. hıqqına-hıqqına elədiyim "tərcümədən" sonra nəticə : "biz sizi ararız".
Xarici Müqavilə terminlərinin əsası ingilis (parties, liability, warranty, royality, will) və latın dilində (vice versa, ab inito, inter alia) olan sözlərin qarışığından ibarətdir. Xüsusilə bu sahədə çalışmağa marağı və istəyi olanların, əvvəlcədən bu terminlər və göz yaşları ilə dolu müqavilə dilini öyrənməsini tövsiyyə edərdim. Bunun üçün əsas, əzbər və çoxlu praktika lazımdır. Maraqlısına, rauf qarayevin ingiliscə-azərbaycanca hüquq lüğətini (rus dili üçün olan da var) tövsiyyə edirəm. Həmçinin, internet üzərindən də, çoxlu sayda material tapıla bilər. Müqavilə nümunələri üzərindən praktika etsəniz, qısa zaman kəsiyində daha effektiv nəticələr ala bilərsiniz. Hələ gavur dövlətlərdə, sırf bunun üçün əlavə kurslar da mövcuddur.
Əlavə : səhf etmirəmsə, bakıda britishacademy'nin də, bənzər bir kursu var.

11 əjdaha! 03.10.2021 20:55, lənətə gəlmiş zənci

#337611 şikayət

sözaltı sözlük

+17 əjdaha

Sözlüyün gələcəyi ilə bağlı belə bir distopiya xəyal edirəm :

ilk başlarda hər şey normal davam edirdi, sözlüyə umbaylar gəlirdi, özlərini sübut edib yazar statusu alırdılar, gözəl, oxunaqlı, yıxıcı olmayan yalnız qurucu yazılar yazılır, oxunub bəyənilirdi. Və zaman keçdikcə hər şey dəyişməyə başlayır, yazarlar getdikcə aqressivləşir, bir-birini tənqid etməyə başlayır, entrylər tarixdə görülməyən bir şəkildə umbaylanmağa başlanır. Şiddətin səviyyəsi sözlüyün qaldıra bilməyəcəyi bir nöqtəyə gəlib çatır. Moderlər çarəsizdir. Və sonun başlanğıcı : sözlüyün sistemi çökür. Boşda qalan yazarlar yeni yerlər axtarışına girirlər. Timidus onlar üçün dostunun işlətdiyi bir pub'ın podvalında yer tutur. Artıq yazarlar burada toplaşmağa başlayırlar, ancaq bir fərqlə : artıq yazmaq yoxdur, onun yerinə yazarlar bir-biri ilə döyüşdürülür. "Yeni sözlüy"ə qatılmaq istəyən umbaylar, ilk gecələrində mütləq döyüşüb özlərini sübut etməlidirlər. Sözlüyün bütün qaydaları bir qayda ilə əvəz olunur : sözlükdən heç kimə bəhs edə bilməzsiniz, hətta ailənizə belə.
Bütün bunlar olarkən, timidus da boş durmur, ilk vaxtlar sözlüyün çökməsi ilə depressiyaya girir, siqaret istehsal etməyə başlayır. Çəkilmiş siqaretlərin kötüklərini toplayaraq onları yenidən emal edib böyük şirkətlərə satır, qazandığı pulla böyük bir ev kirayəyə götürür. Sözlük yazarlarını bir-bir bu evə çağırır, qollarına dekartın məşhur "düşünürəmsə voram" ifadəsini döymə edir. Artıq bütün dünyadakı yeni yazarlar bir birlərini bu döymə ilə tanımağa başlayırlar. Timidus evinə dəvət etdiyi yazarları sınağa çəkir, onları günlərlə qapıda saxlayır, sözlüyə sonuna qədər sadiq olub olmadıqlarını yoxlayır. Yazarlar yeni evlərində birgə yaşamağa başlaylrlar, timidus isə yazarlara kağızlarla yeni missiyalar verməyə başlayır:
Yolda gördüyün ilk adama söz at, dava başlat, aranı cır ; marketdən saqqız oğurla ; avtobusdan düşəndə pulunu vermə və s. Kiçik xuliqanlıqlar. Zaman keçdikcə sözlük yazarları şiddətin dozasını artırır. Hakimiyyətdə söz sahibi olan, rütbəli insanları qaçırdır və ya müxtəlif vasitələrlə onlara şantaj edir. Dünyanın müxtəlif şəhərlərində yaşayan yazarlar iğtişaşlar törətməyə başlayırlar. iğtişaşlar o qədər böyüyür ki, Timidus interpolun qırmızı büllüteni ilə axtarışa verilir, görüldüyü yerdə infaz edilməsi istənilir, başına mükafat qoyulur. Amma sən demə interpolun və yerli polis təşkilatlarının rəhbər heyətinin içərisində olanlar və burjuaziyanın böyük bir qismi də elə yenicə qeydiyyatdan keçmiş 10-cu nəsil yazarlar imiş. Onların sayəsində timidus dövlətin bütün qanunverici və icra orqanlarının kontrolunu öz əlinə keçirə bilir. Bütün dünyada anarxiya hökm sürməyə başlayır.
Timidusun planlarını poza biləcək yeganə insan isə xancan kərimov adlı musiqi produseri və yazar kimi tanınan dəliqanlıdır. Bu məqsədlə timidusu tapmaq və onu öldürə bilmək üçün yola düşür. Çıxdığı bu çətin yolda onu gözləyən isə acı həqiqətin özüdür. Sən demə əslində timidus xancanın zehnində yaratdığı bir obrazdan ibarətmiş və bunların hamısını elə özü edibmiş. Qarşısında iki seçim var : ya timidusu öldürüb dünyanı xilas edəcək, ya da bildiyimiz hər şeyin yox olmasının yeganə səbəbkarı olacaq.

Qeyd : plagiatmı? Come on adamım.
Qeyd 2 : istəsəz lap filmini də çəkə bilərik, rejissor özüməm.

14 əjdaha! 06.11.2020 01:21, lənətə gəlmiş zənci

#309407 şikayət

yaşamaq üçün səbəblər

+14 əjdaha

bu sifarişi verən: michaelangelo
Bir gün gəlir ətrafındakı hər şey öz mənasını itirir. Ətrafındakı insanlar sənə sənimiyyətsiz gəlməyə başlayır. Birini sevirsən, gözlərinin içinə baxıb, əllərini tutub "səni sevirəm" deyirsən, amma onun gözlərində həmin işıltını görə bilmirsən, ən sevdiyin, ən güvəndiyin insanlar gün gəlir düşmənə çevrilir. Hətta uşaqlıqdan etibarən inandığın, istədiyin olsun deyə dua etdiyin allaha belə inanmamağa başlayırsan. Ətrafımdakı dünya yalandan ibarətdir deyirsən. mən ölsəm kimə nə olacaq ki? 7 milyard insan, biri əksik, biri artıq nə fərqi var?

Əminliklə deyə bilərəm ki, hər bir insan ən azından bir dəfə də olsun intihar etməyi düşünüb, mənim kimi. Belə zamanlarda çalışıram ki, öz motivasiyamı xatırlayam. Və sonra düşünürəm, mən ölə bilmərəm. görmək istədiyim yüzlərlə yer varkən, hələ də dinləmədiyim milyonlarla mahnı , hələ tanımadığım insanlar, oxuyub da yarımçıq qoyduğum kitablar, gəzmədiyim məkanlar, dadmadığım yeməklər, öyrənmək istədiyim dillər varkən, yaşamağa borclu olduğum bir həyat, yarımçıq bir hekayəm varkən. Hələ qələmimi yerə qoymaq üçün çox tezdir. Əlimdəki vərəqə istədiyim hər şeyi yaza bilərəm : istər dram, istər komediya, istərsə də faciə. Bütün bunları bir sevgiyə, bir çətinliyə, bir təhqirə, ən əsası da insanlara görə qurban verə bilmərəm. istəyirlərsə mənə nifrət etsinlər, dəyərimi bilməsinlər, özəl biri deyiləm və buna ehtiyacım da yoxdur.

Etmək istədiyim çox şey var, birinə dəli kimi aşiq olmaq istəyirəm misal üçün, bütün günü onu düşünmək, xəyalını qurmaq istəyirəm, avstraliyaya getmək istəyirəm misal üçün, məndən minlərlə kilometr uzaqda yaşayan insanlar nə edir, nəyə inanır, nələr hiss edirlər öyrənmək istəyirəm. Amerikaya gedib maşın kirayəyə götürüb, filmlərdəki kimi kaliforniyanın o ucsuz-bucaqsız yollarında gəzmək istəyirəm. Ola bilər ki, bütün bunlar heç bir zaman gerçək olmasın, amma xəyalı belə gözəldi. Sabah başıma nə gələcək bilmirəm, ya da yatdığım yuxudan oyana biləcəyimin qarantiyasını verə bilmirəm.

Ad günü olan birinə "ömrün uzun olsun", "100 il yaşayasan" demək adətdəndir, mən isə sadəcə "motivasiyan heç vaxt itməsin" deyirəm.

Yağışlı günləri, heyvanları, dostlarla içməyi, deyib-gülməyi, dava edib bərabər eşşək balası kimi döyülməyi sevirəm. Xoşbəxtlik sadəcə bir andır. Mənim isə qarşıda hələ xoşbəxt olacağım nə qədər anlar var. Bütün bunları düşünmək belə yaşamaq üçün bir səbəb verir insana. Çətinliklər olacaq əlbəttə, həyatın qanunu budur. Amma məni sevindirən, əvvəllər çətinlik dediyim şeylərə indi gülüb keçərək reaksiya verə bilməyimdir.

10 əjdaha! 24.08.2020 03:43, lənətə gəlmiş zənci

#303473 şikayət

sözlükdən soyuma səbəbləri

+13 əjdaha

Son 2 gündür ki, içlərində mənim də olduğum bir qisim yazar səbəb göstərilmədən sözlükdən uzaqlaşdırılır. Sadəcə sözlük formatını pozduğum deyilir, amma hansı qaydanı və ya hansı entri ilə pozduğum göstərilmir. Hesab edirəm ki, Sözlükdən cəhənnəm eləmədən qabaq xəbərdarlıq etmək (töhmət filan) və ya uzaqlaşdıranda səbəbi aydın ifadə etmək daha yaxşı olardı, ən azından səhvimizi bilib "hə yaxşı düz deyirsiz, onda siz sağ, mən salamat" deyib həyatımıza elə davam edərdik. Sonra deyirlər bu qərarın səhv olduğunu düşünürsünüzsə bizimlə əlaqə saxlayın. Səhvimin nə olduğunu bilmədən necə onu müdafiə edə bilərəm zalımın oğlu? Birdəfəlik deyin bunu biz də qapı qapı gəzməyək
Bir də ki son zamanlar sözlükdə dönən ifşalama məsələləri var. Belə şeylərə görə də tamam soyuyursan sözlükdən.
Nəysə elə bunu demək üçün daxil oldum, gecəniz xeyrə.

silinmiş entry.

12 əjdaha! 22.07.2020 00:33, lənətə gəlmiş zənci

#300841 şikayət

qadınlardan soyudan səbəblər

+11 əjdaha

Xına yaxmaları.
Bu qədər leş bir şeyi necə əllərinə, qollarına, hara gəldi yaxa bilirlər? Həqiqətən də iyrənc görünür. Tezliklə bu şeytan ixtirası adəti yığışdırmaq, unutmaq, nəbilim, yox eləmək lazımdı. Nə vaxtsa, evlənəcəyim qızın əlində xına görsəm, arxama baxmadan qaçaraq uzaqlaşaram ondan.
Naxış formasında, tatuya bənzər bir formada vurulanlar cəhənnəm, bəziləri ovucun içinə vurmaqları bəs deyilmiş kimi, ayı kimi beş barmağını da batırır xınaya. Offf.
Hər statusdan - müəllimi, həkimi, evdar qadını - bir sözlə, kim olursa olsun, görən kimi soyuyuram.

7 əjdaha! 22.09.2021 04:22, lənətə gəlmiş zənci

#336982 şikayət

siqaret çəkməyin müsbət cəhətləri

+18 əjdaha

Tez öldürməsi

17 əjdaha! 04.03.2021 10:19, lənətə gəlmiş zənci

#321467 şikayət

the great war

+11 əjdaha

Birinci dünya müharibəsini yaşadan youtube kanalı. Günbəgün 1914-cü ildən 1918-ci ilə qədər olan hadisələri 5 sezonluq bölümlər halında toplayıblar. Hətta müharibə illərində və müharibədən sonrakı 2 il ərzində qafqazda baş verən hadisələrlə bağlı olaraq da videoları da var. Erməni soyqırımını neçə dəfə üstünə basa-basa təkrarlıyırlar amma mart hadisələrinin demək olar ki, sadəcə adı çəkilir. Amma əlbəttə tərəf tutduqlarını iddia etmirəm.

(youtube:

)

amma nədə olsa azərbaycanın həmin dövrü əhatə edən tarixi ilə bağlı ətraflı məlumat verilir. Bir dəfə daha öz etməli olduğumuz işi başqaları görür.

(youtube:

)

(youtube:

)

Ps : ikinci dünya müharibəsi ilə bağlı ayrı kanalları da mövcuddu.
https://www.youtube.com/c/WorldWarTwo

7 əjdaha! 26.06.2020 05:39, lənətə gəlmiş zənci

#298465 şikayət

insanı həyatdan soyudan whatsapp statusları

+11 əjdaha

Birdə ad gününə atılan bütün mesajlarını statusuna qoyan tiplər var. Bu barədə danışmasam yaxşıdı, tengri ağıl versin.

10 əjdaha! 14.06.2020 20:11, lənətə gəlmiş zənci

#297468 şikayət

poseidon's kiss

+13 əjdaha

Tualetdə oturub işinizi görərkən, aşağıdan yuxarı doğru oturma orqanınıza sıçrayan su damcısına poseidon's kiss, yəni poseydonun öpüşü deyilirmiş.

12 əjdaha! 13.09.2021 22:15, lənətə gəlmiş zənci

#336337 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1365

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1372

lənətə gəlmiş zənci

son bəyənilənlər:

oxuyucuların bəyəndikləri: