Son yazılanlar
Hazırki streak: 0 gün ardıcıl post yazılıb.
Rekord: 17 gün ən uzun ardıcıllıq.
Streak hər gün ən azı 1 post yazanda artır. Bir gün boş keçsə sıfırlanır. Streak uzun olduqca od böyüyür!
Tip: gecə quşu
Pik saat: 01:00
Saat diaqramı yazarın gün ərzində nə vaxt aktiv olduğunu göstərir. Qırmızı = ən çox post yazılan saatlar. Yaşıl = orta aktivlik.
Səviyyə 1: Yeni
XP: 23 (karma əsasında)
Növbəti səviyyəyə: 77 XP qalıb
Səviyyə karma əsasında hesablanır. Karma = reytinq + entry sayı + wiki töhfələri. Hər səviyyə üçün daha çox XP lazımdır. 25 səviyyə var: Yeni-dən Tanrı-ya qədər.
Təxmini söz sayı: 52,329
Toplam simvol: 313,976
Orta entry uzunluğu: 245 simvol
Kitab ekvivalenti: ~0.7 kitab (70K söz/kitab)
Söz sayı entry-lərdəki simvollardan təxmin olunur (orta 6 simvol/söz). Kitab ekvivalenti standart roman uzunluğuna (70,000 söz) əsaslanır.
məncə, bunu düşünmələrinə səbəb türk dilinə fransız sözləri girməmişdən əvvəlki halında bizim indi işlətdiyimiz dillə çoxlu ortaq söz təşkil etməsidir. məsələn, mən 1967-ci ildə çap olunan türkcə bir kitabı oxuyanda sözlərin hamısını rahatlıqla başa düşmüşdüm, ancaq bir türk yoldaşım oxumaqda çətinlik çəkmişdi. çünki 50-60 il keçməsinə baxmayaraq, azərbaycan dili hələ də ərəb-fars mənşəli sözləri işlədir, türklər isə onları fransızcalarına dəyişib.
(baxma: anket başlıq)
gənclərimiz arasında məşhur olan yazıçı. kitabları metrolarda beş manata satılırdı əvvəllər. texnikumda oxuduğum vaxtlarda kitabı sinifdə əldən-ələ gəzirdi, hamı sırayla oxuyurdu. normal əsərləri var, ancaq ki normalın üstünə çıxa bilmir, fikrimcə.
qan ləkəsi adlı əsəri yaxşı idi. yeniyetməlik vaxtı oxuduğum üçün bir həftə beynimdən çıxmamışdı. əsərlərində pis rolda olan biri varsa, diqqət edin, mütləq erməni çıxır. bəlkə də buna görə yeniyetmələr arasında məşhurdur.
naturalist.
kasıb olub, işçi ailəsinin bir üzvü idi. cavanlığında məktəbi buraxıb kitabxanada kitablar oxuyaraq hər şeyi öz-özünə öyrənib. ilk əsəri a daughter of the snows ticari baxımdan uğursuzluğa düçar olsa da the call of the wild əsəri ona məşhurluq gətirir. bir macəra romanı olaraq bu əsər onun işçi sinfi təcrübələri üzərinə qurulub.
martin eden avtobioqrafik əsəridir.
--spoiler--
eden kasıb, eyni zamanda intelligent və çox çalışan bir dənizçidir və yazıçı olmaq üçün çalışır. sonunda varlı və çox tanınan biri olur, ancaq həyat yoldaşının onu sadəcə məşhurluğu və pulu üçün sevdiyini anlayır. bununla ümidsizliyə düçar olur və insan təbiətinə inamını itirir. cəmiyyətin materialist dəyərlərini rədd edir. sakit okeana yelkən açır və özünü dənizə ataraq intihar edir.
--spoiler--
martin eden uğursuz bir həyatın uğurlu romanıdır.
london 1900-cü ildə evlənir və 5 il sonra boşanır. həyatının son on ilində bir çox sağlamlıq problemi ilə qarşılaşır. 1916-cı ildə də vəfat edir.
ilk dəfə yaraşıqlı bir sevgilim olmuşdu, ad gününə çərçivə hədiyyə almışdım. o vaxtlar da bilirsiniz, ad günlərinə ancaq belə hədiyyələr alınırdı. ad günündə yazıb təbrik elədim, o da cavabında yazdı ki, mən ayrılmaq istəyirəm zad. hədiyyəni də atdım evə, vermədim heç özünə. o gün gördüm anam gətirib, içinə də mənim uşaqlıq şəklimi qoyub. fikirləşdim ki, bunu özünə versəydim, gülərdi deyərdi bu nədi aq. bir az pis oldum, sonra baxdım çərçivəyə, dedim yaxşı ki belə gözəl çərçivəni ona verməmişəm.
amerikan naturalist yazıçı.
kerri bacı əsərini öz bacılarından birinin təcrübələri əsasında yazıb və bu əsər amerikan naturalistik ədəbiyyatında dönüş nöqtəsi rolunu oynayır. drayzerin yazıçı kimi fəaliyyəti 1925-ci ildə amerikan tragediyası əsərini çap etdirməsi ilə zirvəyə çıxır. bu əsər gözəllik sevgisi və var-dövlətə dayanan amerikan xülyasının təhlükələrini tədqiq edir. amerikan uğur mifinin pisə doğru getməyini təsvir edir, ancaq ümumən urbanizasiyanın stressli həyatı, müasirləşmə və təcridolunma haqqında bir hekayədir.
1930-cu illərdə drayzer kommunizmlə maraqlanmağa başlayır. həyatının sonuna qədər başqa roman yazmır, amma şeirlər, qısa hekayələr, səyahətnamələr, fəlsəfi yazılar yazmağa davam edir. və bir də dawn adlı avtobioqrafik əsər yazır.
ogemibirgüngelecek - gəmi mühəndisi
cizız krayst - protestan kilsəsində rahib
brooklynbaby - brooklyndə narkotik satıb polisdən qaçan zənci
killer queen - queen elizabethi qətl etməyi ağlına qoymuş kiralıq qatil
achilles - yunan mifologiyası üzrə dissertasiya müdafiə edən tələbə
qara koynek - avtovağzalda geyim mağazası olan biri
kingslayer - bu da başqa bir qatil
yazıçı, şair, redaktor, ədəbiyyatşünas. amerikan qaranlıq romantizminə *
dark romanticism
aid olan bir digər yazıçı. 1809-cu ildə bostonda doğulub. valideynləri oyunçu idi. 1 yaşı olanda atası ailəni tərk edir və bir neçə il sonra da anası ölür. yetim qalmış poe, john və frances allan cütlüyü tərəfindən övladlığa götürülür. gənclik illərində poe pulsuzluq ucbatından virginiya universitetini tərk edir.
poe amerikan ədəbiyyatının qabaqcıllarından biridir. detektiv hekayələr, fantastika və qotik nağılların banisidir. bundan əlavə, 20-ci əsr modernizm cərəyanına dərindən təsir edən bir yazıçıdır. o, yadlıq, itkinlik, sakitlik, unutqanlıq mövzularına və olmamaqla bağlı bütün fikirlərə diqqətini cəmləmişdi. poe 70-dən çox qısa hekayənin müəllifidir.
qeyd: annebal lee şeirinin türkcə tərcüməsi var, tapıb oxuya bilərsiniz. kim çevirib bilmirəm, amma çox gözəl çevirib.
imtahan vaxtlarında;
- yemək bişirməyə axot olmayıb qatığın içinə xiyar doğrayaraq nuş edilməsi
- hər yerdən a4 kağızı fışqırması
- üst-üstə yığılan yuyulmamış qablar
və s.
zarafatsız, imtahanlar qurtarsaydı, evi yığışdırardım. belə zibillikdə iti bağlasan, yaşamaz.
amerikan yazıçı.
1804-cü ildə massaçusetsdə puritan bir ailədə dünyaya göz açır. atası gəmi kapitanı idi və dənizdə ölmüşdü. yeniyetməlik vaxtlarında 18-ci əsr ingilis romanlarını oxumağı çox sevirdi. hawthorne insanların səhvlərlə üzləşdikləri zaman beynində və qəlbində baş verənlərlə əlaqəli qısa hekayələr və romanlar qələmə alırdı. o, insanların əməllərindəki mənəvi və psixoloji reaksiyalara fokuslanmaq istəyirdi. insan xarakterinin qaranlıq tərəfi ilə maraqlanırdı. təəssüf ki, hawthorne yazdıqlarından pul qazana bilmədi, ancaq toplu hekayələrini nəşr etdirə biləcəyi bir nəşriyyat axtarmaq üçün mübarizə apardı.
hawthorne-un teması puritan new englandlə bağlı idi. ən məşhur əsəri the scarlet letter cinsi günah işləyənlərə verilən puritan cəzalandırması ilə bağlıdır. bir qadın (hester) möhtərəm biri ilə zina edir və cəza olaraq həyatının sonuna qədər üstündə "a" hərfi *
adultery
yazılan köynək geyməyə məcbur olur.
hawthorne öz stilini simvollarla birləşdirmişdi, bu da onun ən mahir yollarından biri idi. "a" hərfi zinanın ingiliscə qısaltmasının *
adultery
yanında, həm də hesterin günah ortağı arturun adının qısaltması idi. hesterin günah ortağı cəmiyyətdə hörmət edilən bir rahib olduğu üçün heç kim onu günahlandırmır. artur öz günahı ilə gizlincə yaşayır və sonunda etiraf edərək ölür.
hawthorne haqqında bir maraqlı fikir də onun qaranlıq romantizm *
dark romanticism, necə çevirim bilmədim
yazıçıları arasında sayılmasıdır.
(baxma: entry yazaraq imtahana hazırlaşmaq)
gəlinin bakirəliyi ilə bəydən daha çox maraqlanan şəxs.
sevirəm bu serialı, arada boş-bekar olanda da baxıram. ancaq bir müəmması var ki, bildiyin xaç atasının serial versiyasıdır. loqosundaki şriftdən tut, mafiyanın hərəkətlərinə qədər. serialdaki mafiya başçısına hamı "baba" deyir, kişi narkotik işinə qarşıdır və buna görə də bütün düşmənlərini bir-bir ortadan qaldırır. eynilə xaç atasındaki kimi. bir dəlisov oğlu var, ağılla yox, əsəblə hərəkət edir, xaç atasındaki sonny corleone kimi. amma türklər o personajı öldürə bilməz sonny kimi, serialın reytinqi ölər axı..
bir vaxtlar çətin tapılan jamal ali treki.
kitab yazmaq. sonra zibil yeşiyinə tulladım təbii ki yazdıqlarımı, amma yaxşı ki yazmışam. iləridə yazacaqlarıma təkan verəcək, eyni səhvləri bir daha etməməyə kömək edəcək.
xaç atası əsərində irlandiyalı olduğu üçün o boyda don corleone ailəsinə "irlandiyalı mafiya" adı qazandırmış olan şəxs.
həyatıma pox kimi girməsinə baxmayaraq, yaxşı şeylər gözlədiyim il. inşallah hər şey yaxşı olacaq!
protestan kilsələrinin doktrinlərinə qarşı çıxış.
19-cu əsrdə abş-da ədəbiyyat, din, mədəniyyət və fəlsəfə sahəsində ortaya çıxan cərəyandır.
emerson unitarianizmə inanırdı, ancaq fikirləşirdi ki, unitarianizm həqiqəti göstərmədə yetərsizdir və unitarianizmin əksik yönləri ilə mübahisəli təbiətini düzəldəcək yeni bir cərəyana ehtiyac vardır. buna görə də transandantalizm cərəyanı ortaya çıxdı.
transandantalizm spiritual, fəlsəfi və ədəbi cərəyan idi. unitarianizmdə fərd *
individual
mənəvi işığın həqiqi mənbəyi kimi göstərilirdisə də transandantalizmdə var olan bir sirr kimi təbiətin özü ilham qaynağı idi.
bu cərəyan həm də 18-ci əsr rasionalizminə qarşı bir reaksiya idi. insan ilahi varlıq sayılırdı və beləliklə ilhamvericiliyə *
inspiration
açıq idi. insan sadəcə kainatla əlaqədə deyildi, ancaq kainatın möhtəşəmliyinin bir parçası idi. fərdlər dini qurumlardan daha önəmli idi. kilsə başçısı sadəcə insanlara vəzifələrini xatırlada bilər və onlara dini mövzularda köməklik göstərə bilərdi. insanın ruhu varlı və möhtəşəm idi, ona görə də kiminsə meditasiyasına ehtiyac olmadan insan tanrını duya bilərdi. həqiqət universal idi və hansısa din ya da kilsə ilə məhdudlaşdırılmamalı idi.
Son bəyənilənlər
