george carlin

"Təhsilin yerlərdə sürünməsinin bir səbəbi var və eyni səbəbdən bu əsla və əsla düzəlməyəcək. Boşuna gözləməyin. Sahib olduqlarınız ilə xoşbəxt olun. Çünki sizin həqiqi sahibləriniz bunu istəmirlər. Hər şeyi idarə edən və bütün önəmli qərarları verən böyük, varlı və iş dünyası mənfəətləri güdənlərdir. Siyasətçiləri unudun. Onlar əhəmiyyətsizdirlər. Siyasətçilər sadəcə seçim azadlığı fikrini sizə vermək üçün ora qoyulurlar. Ancaq xeyr, sizin seçiminiz yoxdur. Sizin sahibləriniz vardır. Onlar sizi öz mülkləri kimi görürlər. Hər şeyin sahibləri onlardır. Əhəmiyyətli ərazilərin sahibləri onlardır, şirkətlərin sahibləri onlardır. Senat, konqres və bələdiyyə şuraları da onlara məxsusdur. Məhkəmə hakimlərini arxa ciblərində daşıyırlar. Böyük media şirkətləri də onlara məxsusdur. Beləliklə, gördüyünüz və eşitdiyiniz bütün xəbərləri kontrol edirlər. Sizə necə məlumat veriləcəyinə də onlar qərar verirlər. Onlar yaxşı təhsil almış, yaxşı məlumatlanmış və tənqidi düşünməyə qadir insanları istəmirlər. Bu onların maraqlarına ziddir. Bu, böyük bir klubdur və siz ona daxil deyilsiniz. Siz və mən o böyük klubda deyilik".

(youtube: )

yazarların ehtiyac duyduğu şeylər

Tanımadığım birini möhkəm qucaqlamaq, bir xeyri dəyməyən tanıdıqlarıma deyə bilmədiklərimi tanımadığıma demək, dərdləşmək, qərəzsizcə özümü dinlətmək və anlatmaq. Bir-birləri ilə bunu rahatlıqla edə bilən insanlar, həqiqətən çox şanslıdırlar. nifrətin, qərəzliliyin, soyuq münasibətlərin, duyğu durum pozuntularının və yalnızlığın artıq dəb halını aldığı bu dövrdə bir çox insanlar mənəvi ehtiyaclarını yetərincə qarşılaya bilməmiş olduqları üçün, məncə, tanımadığı amma tanış olacağı "yeni" insanlarla isti münasibətlər qurmağa içdən içə ehtiyac duyurlar. Toplumda, getdikcə artmaqda olan yalnızlaşmış insanları yaxşı müşahidə etsəniz, fərq edə bilərsiniz ki, özləri dilə gətirməsələr də, çoxu bu boşluq hissindən heç də məmnun deyildir və sosial ehtiyaclarını qarşılamağa çox meyilli, istəkli və möhtacdır. insan təbiətinin bir hissəsidir çünki bu. Belələri bunu oxuyacaqlarsa, çox güman ki daha yaxşı başa düşəcəklər nəzərdə tutduğumu. Bəzən, düşünürəm, ehtiyac duyulan bu cür "uyğun" insanları tapmaq, laqeydliyin və şəxsi mənfəət üçün həddən artıq hərisliyin artması üzündən gün keçdikcə daha mı çətinləşir, yoxsa mənə mi elə gəlir.

dövlətlərin manipulyasiya üsulları

Ölkə xalqına ortaq bir düşmən fiquru təqdim edilməsi ilə dövlət və xalqı, sanki qarşı tərəfə(düşmənə) qarşı əl-ələ birləşdiyi "biz" qəlibinə, qarşı tərəfi də "hamımızın düşməni" qəlibinə salaraq xalqı tərəfinə çəkmək. Bir növ manipulyativ təbliğat texnikasıdır və insan tarixi boyu kütlələrə manipulyasiya edərək mənfəətləri naminə özlərinə cəlb etmiş və yönləndirmiş liderlər və siyasi topluluqlar tərəfindən böyük uğurlarla həyata keçirilmişdir. Hətta bu qədər uğurlu bir manipulyasiya üsuludur ki, oliqarxiya nizamı əsasında qurulmuş azərbaycan dövləti ağalarının neft və təbii qaz zəngini ölkədəki axmaq xalqı yoxsulluq ilə boğuşdurduqları halda, eyni zamanda xalqlarına düşmən fiquru olaraq təqdim etdikləri erməni topluluğuna qarşı xalqın nifrətini alovlandırmaq və beləliklə insanlarda vətənpərvərlik ruhunu canlı tutaraq, şüuraltlarına "onlar bizim düşmənimiz olduqları üçün biz birlikdəyik", "biz bir-birlərimizin tərəfkeşiyik çünki ermənilər bizim ortaq düşmənlərimizdirlər" anlayışı yerləşdirərək xalqı cəlb etmək cəhdləri müvəffəqiyyətlə öz bəhrəsini vermişdir və hələ də verməyə davam edir. Təbii ki, erməni düşmənliyini danmaq mümkün deyil ancaq əliyevlər hakimiyyətinin tarixin tozlu səhifələrindəki digər bir çox dövlət hakimiyyətinin etdiyi kimi, düşmənlərin varlığını reputasiya və güc naminə sui-istifadə etdiyi gerçəyi də danılmazdır. Elə bunun ən böyük sübutu da, oliqarxiya iqtidarına edilmiş tənqidlərin iqtidar sahibləri və tərəfkeşləri tərəfindən əsasən, "erməni təbliğatı" ya da bəzən "pkk təəssübkeşliyi" kimi damğalanmasıdır.

acı həqiqətlər

Kapitalist bir sistemdə ümumi ortalama gəliri daha az olan və alt təbəqəni təşkil edən daha kasıb adamların pul qazanmaq üçün vaxt və əməklərini satmaları zamanı əslində, maddi durum baxımından daha yüksək yerdəki təbəqəyə daha çox qazandırmış olurlar. Həmin təbəqəni təşkil edən varlılar pullarını ortaya qoyaraq, yəni pul verərək pul qazanırlar. Yəni, əslində bütün istehsal və xidmətlərin çoxu az gəlirli, daha yoxsul insanlar tərəfindən təmin edilir. Hazırda dünya üzərində elə bir nizam var ki, varlılar, əsasən kasıbların əməkləri sayəsində varlanmışdırlar və kasıblar olmadan varlı zümrənin formalaşması və varlığını sürdürməsi mümkün deyildir.

Bu, bir tənlik kimidir: bir toplumda toplumun əksər hissəsi, çoxluq nə qədər kasıblaşırsa, yüksək zümrəni tutmuş varlı və elita azlıq da o qədər varlanır. Bu gəlir ədalətsizliyinə əsaslanmış nizamda isə, ən çox vergi yenə daha az gəlirli orta və alt təbəqədəki çoxluq tərəfindən ödənir. Bəlkə də, məktəblərdə məktəblilərə gələcəkdə necə pul qazana biləcəkləri buna görə öyrədilmir.

flüor

Flüor, flüorid tipli birləşmə halında bu gün bir çox yeyəcək və içəcək məhsullarının tərkibinə qatılan kimyəvi bir maddədir. Diş çürüməsi əleyhinə faydalı olduğu bilindiyi üçün diş məcunlarına da qatılır. Lakin daha çox zərəri olan bu maddənin içmə suyuna əlavə edilməsi onun qaçılmazlığını artırır. Bu gün əlimizi atdığımız, demək olar ki, hər şeyin bizim üçün zərərli olduğunu öyrənmək pis hiss edilməsinə səbəb olur.

Fərdlərin bəs şəkildə analitik düşünmə və ətraflı sorğulama bacarığına sahib olmaları həyati əhəmiyyət kəsb edir. Bu maddənin tarixinə baxdığımızda isə bununla bağlı narahat olmağımız üçün başqa bir səbəb bizi qarşılayır. Belə ki, 1930-cu illərdə nasist düşərgələrində insanları Hitlerə asanlıqla itaət etdirmək üçün külli miqdarda natrium flüorid istifadə olunduğuna dair məlumatlar ürküdücüdür. Bu maddənin davamlı qəbulu, xüsusilə də beyində yığılmağa meyilli maddə olduğu üçün, beyin funksiyalarının geriləməsinə, hadisələr qarşısında ətraflı düşünmə qabiliyyətinin kəskin şəkildə azalmasına səbəb olur.

Alzheimer testi siçanına flüoridli içmə suyu verilməsi nəticəsi kimi əldə edilmiş tapıntılar vəziyyətin ciddiliyini ortaya qoyur. Flüorun beynin ortasında yerləşən və üçüncü gözümüz kimi tanınan epifiz'i zədələdiyi də məlumdur. Günün sonunda bütün bunlar bizi bir çox xəstəliklərə dəvət edir.

Əksər ölkələrdə flüor istifadəsi rəsmi şəkildə qadağandır. Çünki, bütün bu tapıntılardan sonra bir çox ölkələrdə flüor istifadəsi qadağan edildi. Bəzi ölkələrdə onun diş məcunlarında istifadəsi azalıb.
Yaponiyada diş məcunlarından bu maddənin çıxarılması ilə ölkədə insanların, şəkər yesələr də dişlərinin çürümədiyi müşahidə edilib.
Flüorun tətbiqi istifadəsinin məhdudlaşdırıldığı və içmə suyuna qatılmasının qadağan edildiyi ölkələrin adları aşağıdakılardır:

Yaponiya
Norveç
isveç
Danimarka
Çin
Avstriya
Hollandiya
Macarıstan
Finlandiya
Belçika

içmə suyu flüorun ən pis mənzərəsi kimi görünsə də, təəssüf ki, bu maddə yeyəcək, içəcək və kosmetika vasitələri kimi bir çox məhsullarda istifadə olunur. Flüoridin ən çox işlədildiyi məhsulların adlarını aşağıdakı kimi sadalaya bilərik:

Diş məcunu
Şəbəkə suları
Satılıq meyvə şirəsi
Siqaret
Toyuq bulyon
Satılıq şorba
Satılıq körpə qidası məhsulları
sedativ dərmanlar


"Bioakkumulyator" adı verilmiş maddələr arasında olan flüor bədənə qəbul edildikdə, onun yalnız təxmini 60-70 faizi sidik və tüpürcək ifrazı ilə xaric edilə bilir. Qalan hissəsi adətən, bədəndə yığılmış halda qalmağa davam edir. Uşaqlarda xaric edilmə miqdarı isə daha azdır. Ümumi zərərləri bu şəkildə sadalana bilər:

Heyvanlar üzərində aparılan təcrübələrdə külli dozada qəbul edilmiş flüoridin erkək reproduktiv orqanlarına zərər verdiyi və sonsuzluğa səbəb olduğu müəyyən edilib.

Qalxanabənzər vəzi xəstəliklərinə səbəb olur, hormonları ləngidir.

Erkən yeniyetməliyə səbəb olur.

Alzheimer və xroniki unutqanlıq kimi beyin xəstəliklərini artırır.

iq itkisinə səbəb olur.

Araşdırmalar göstərib ki, sabit bir miqdarda flüorlu içmə suyu içmiş qızlar içməmişlərə nisbətən 5 ay daha erkən adət görüblər.

Revmatizmə səbəb olur.

Maddə daha çox sümüklərdə yığıldığı üçün osteoporoza səbəb olur.



Flüorun antidotu selen kimi tanınır. Selen tərkibli həblərin və yeyinti qidalarının istehlakı orqanizmi flüordan təmizləməyə kömək edir:

Balıq: Balıqda selenium çoxdur.

Paxlalılar və taxıl qidaları: Makaron, əriştə, noxud, mərcimək, yulaf kimi qidalar selenlə zəngindir.

Qırmızı ət: Qırmızı ətdə də çox miqdarda selen var.

Tam taxıl çörəyi: selenlə çox zəngindir.

Oregano yağı: Flüor epifizdə kalsifikasiyaya səbəb olur. Oregano epifizdə bu kalsifikasiyanın qarşısını alır.
Qalxanabənzər vəzi xəstəliklərinin sağalmasında aktiv rol oynayır.
Həmçinin, təbii antibiotik kimi fəaliyyət göstərir.

Xam kakao: Epifiz vəzinin toksinlərdən təmizlənməsinə kömək edir və kalsifikasiya əleyhinə faydalıdır.

Göyərtilər: Lif zəngini olan göyərtilərin istehlakı bədənimizdəki zərərli maddələrdən də xilas olmağa kömək edir.

Alma sirkəsi: Detoks funksiyasını yerinə yetirən sirkə bədənimizdəki toksinlərdən xilas olmaq üçün yaxşı bir vasitədir. Epifizdə kalsifikasiyanın qarşısını alır.
Bununla belə, sirkənin üzvi, hətta özümüz hazırladığımız sirkə olması vacibdir.

Bor mineralı: Bor mineralının bədənə qəbulu toksinlərin atılmasında aktiv rol oynayır. Tərkibində bor mineralı olan qidalar arasında gavalı, şəkər çuğundur kimi meyvələr və bir çox tərəvəzlər vardır.

Yod: Bədənimizə qəbul etdiyimiz yod ilə sidik vasitəsilə flüoridi bədəndən çıxarmaq daha asan olur. Bundan əlavə, yod epifiz vəzinin zədələnməsini və kalsifikasiyanı azaldır.

Dəniz yosunu, brokoli, kələm, badam, portağal, kətan toxumu, küncüt, şüyüd, kəklikotu kimi qidalar da istehlak edilməlidir.

Flüor kimi zərərli maddələrdən qorunmaq üçün atmalı olduğunuz bəzi digər addımlar var:

qablaşdırılmış yeyinti və içkilərin istehlakını azaltmalısınız.

Aldığınız məhsulların tərkibi haqqında yazılı məzmunu oxumalısınız.

Flüorsuz diş məcunu işlətməlisiniz.

Şəbəkə suyunu içməməlisiniz, içsəniz belə, əvvəlcə təmizləyici filtr işlətməlisiniz. Filtr suyun tərkibindəki zərərli maddələri məhv edir və onu mikroblardan təmizləyir.

Orqanizminizi toksinlərdən və zərərli maddələrdən təmizləmək üçün bol su içməlisiniz.

norveç

Eynilə azərbaycan kimi nefti ilə zəngin bir skandinaviya ölkəsidir. Məhz buna görə də, xüsusilə azərbaycan üçün ibrətlikdir norveç. Neft iki ucu da kəskin bıçaqdır və ona sahib olan dövlətlər, adətən demokrasiyadan uzaqlaşmış, hakimiyyət adamlarının və onlara yaxın olan digər şəxslərin əmələ gətirdiyi təbəqənin demək olar, əmək göstərmədən varlanmış olduğu və vergiləri az əhəmiyyət daşıyan vətəndaşlarının ümumi rifahı hakim təbəqə tərəfindən daha arxa planda saxlandığı haldadırlar. azərbaycan buna göstərilə bilən mükəmməl bir örnəkdir.

1960-cı illərə kimi xalqının dolanışığını, əsasən balıqçılıqla təmin etdiyi və əkinçiliklə məşğul olmaq üçün münbit torpağı olmayan, iqtisadiyyatının ortalamadan daha pis olduğu norveçdə 1969-cu ildə neft kəşf edildikdən sonra sözügedən digər dövlətlərin qara siyahısına daxil edilmədi. Neftin "iyini almış" amerikan nəhəng şirkətlərin sahibləri "sizə heç zəhmət olmasın" deyə öz işçilərinə nefti çıxartmaq və nefti satanlara da paylarını vermək istəsələr də, norveçlilərin başları yaxşı işlədiyi üçün buna izin vermirlər. Norveç dövləti himayəsində böyük qayğı və ləyaqətlə yetişdirilmiş yüzlərlə texnik və mühəndislərə hökumət nefti çıxarma istixdamı verir. "Bu bizim babamızın malı deyil, milli dəyərimiz və sərvətimizdir" prinsipi ilə qurulmuş suveren investisiya fondundan yığılmış məbləğ 1,4 trilyon dollardan artıqdır və ölkədəki təxmini 5 milyonluq xalqın hər bir üzvü bu gəlirlərdən ehtiyacı olduğu qədər yararlana bilir. Başqa bir populist başçı olsa idi, boş vədlər verib pulların siyasətçilərin cibinə getməsini təmin edərək ümumi rifahı məhv edərdi. Halbuki, norveçdə məmuru və siyasətçisi də yaxşı bilir ki, zəngin olsa belə, vergi ödəmədikcə bütün vətəndaşlar ilə birlikdə, özü və yaxınları da bunun zərərini görəcək.

Həmçinin, ölkə toplumunda maaş uçurumu da yoxdur. Tələb edilən verginin çox olmasına baxmayaraq qurulmuş mövcud gəlir sistemi sayəsində ölkənin süpürgəçisi də, xörəkpaylayanı da, mühəndisi də təxmini eyni yaşam keyfiyyətində, həyatlarından doyunca zövq alaraq yaşayırlar.

Bu kimi gözəl əxlaq, sevgi, sayğı və güvən mühitinin və təbiət ilə uyğunlaşmış toplumun bir gün dünyanın hər bir yerində formalaşmış olmasını diləyirəm.

çoxları tərəfindən səhv bilinən məlumatlar

insan bədənində həm tüklərin, həm də qılların olması səhv məlumatdır. insan da daxil olmaqla, heç bir məməli növündə tüklər yoxdur, qıllar vardır. Eyni şəkildə, qılları olan hər canlı da məməlilər sinfinə mənsubdur. Tüklər ancaq quşlarda mövcuddur. Yəni, bu xüsusiyyətlər yalnız bu canlı növlərini ehtiva edir. qıl və tükün zahiri görkəm oxşarlığı əsasında bu iki sözün sinonim kimi işlənməsi, bunun doğru olduğunu göstərmir. qıl və tükün bir-biri ilə həmcins quruluşda olmadığı və biri quşlara, digəri isə məməlilərə məxsus uzantı olduğundan ötrü fərqli epidermal uzantıların adlandırılması üçün də onlara fərqli adlar qoymağa ehtiyac var.

əlavə 1: mövzu "tük" sözünün örnəyini verdiyiniz etimoloji keçmişi deyil, mövzu quşdakına da, insandakına da eyni adın verilməsidir. bizim dil üçün də bu xarakterikdir. ülgüsüz, yazdıqlarımı yenidən və diqqətlə oxuyun, zəhmət olmasa.
Əlavə 2: sarkazm ələsalmanın ən şiddətli halıdır, btw. məhz buna görə o meme'i paylaşdığınız aydındır.

qlobal istiləşmə

Satılıq görüşlərin yiyələri olan alimlər istisnalar olmaqla, elm adamlarının önəmli bir hissəsi qlobal istiləşmə, iqlim böhranı, iqlim dəyişikliyi kimi anlayışların uydurma ya da ən azından şişirtmə anlayışlar olduğunu, bir iqlim böhranında olmadığımızı və iqlim böhranının, gələcəkdə insan nüfusunu azaltmaq məqsədilə insanların qarşısına ortaq bir qlobal problem olaraq təqdim edildiyinə əmindirlər. Eynilə, "Greenpeace Canada"nın qurucusu və ilk üzvü olmuş Patrick Moore qlobal istiləşmə yalanını dünyanı idarə edən qlobal elitaların bir silah olaraq işlətdiyini deyirdi. Onsuz da, dünyanın, əslində isinmədiyi aşkar olduqda, "qlobal istiləşmə"nin adını dərhal "iqlim böhranı" şəklində dəyişdirdilər.

Bugünkü istiləşmənin insan fəaliyyəti nəticəsində yaranan istixana qazlarının artması ilə bağlı olduğuna dair heç bir sübut yoxdur. Son 650.000 ilin buz nüvəsi qeydləri göstərir ki, temperaturun artması karbon qazının minlərlə illik artımından sonra baş verməyib, okeanların istiləşməsi atmosferdəki karbon qazının artmasının əsas mənbəyi olub.

Dominant istixana qazı kimi su buxarı karbon dioksiddən çox, çox daha vacib rol oynayır. Gələcək istiləşmənin dəhşətli proqnozları demək olar ki, tamamilə kompüter iqlimi modellərinə əsaslanır, lakin bu modellər su buxarının rolunu düzgün "başa düşmür" və hər halda su buxarı bizim nəzarətimizdən kənardadır. Həmçinin, kompüter modelləri ötən əsrin əhəmiyyətli hissəsinin (1940-1975-ci illər) müşahidə edilən soyumasını nəzərə almır. O, həmçinin “barmaq izləri” adlandırdığımız müşahidə olunan istiləşmə nümunələrinə məhəl qoymur. Məsələn, Antarktida soyuyur, modellər isə orada istiləşməni proqnozlaşdırır. Modellər orta atmosferin səthdən daha sürətli istiləşməsini zəruri hesab etdikdə, müşahidələr bunun əksini göstərir.

Temperatur dalğalanmalarının təbii səbəblərini dəstəkləmək üçün ən yaxşı sübut günəş fəaliyyətinin müntəzəm dəyişmələri ilə güclü əlaqədə olan buludluluğun dəyişməsidir. Bugünkü istiləşmə, demək olar ki, bir milyon il əvvəl müşahidə oluna bilən iqlimdə təbii istiləşmə və soyutma dövrünün bir hissəsi ola bilər. Vikinqlərin Qrenlandiyada məskunlaşdığı və taxıl becərdiyi orta əsrlərin isti dövrü təxminən eramızın 1100-cü illərinə, Avropaya sərt qışlar və soyuq yaylar gətirmiş və məhsuldarlığın azalmasına, aclığa, xəstəliyə və ümumi səfalətə səbəb olmuş kiçik buz dövrü isə eramızın 1400-1850-ci illəri arasına uyğun gəlir. Özlərini qlobal istiləşmənin varlığına həsr edənlər, bunun haqqında bəhs edilən tarixi iqlim dəyişkənliklərinin mövcudluğunu inkar edir və ağac halqalarının və digər ikinci dərəcəli məlumatların saxta analizlərindən istifadə edərək bugünkü istiləşmənin “qeyri-adi” olduğunu sübut etməyə çalışırlar – bu, məşhur “xokkey çubuğu” temperaturu qrafikasının yaranmasına səbəb olmuşdur. Bu xokkey çubuğu cədvəli indi tamamilə etibarsızdır.

Əgər istiləşmənin səbəbi əsasən təbiidirsə, o zaman bununla bağlı çox şey edilə bilməz. iqlim dəyişkənliyinin ehtimal mənbəyi olan durğun günəşi idarə edə bilmirik. indi təsadüfən başqalarına təklif edilən istixana qazlarının azaldılması proqramlarının heç biri maddi töhfə verməyəcək. Bu proqramlar yararsız, faydasız və olduqca bahalıdır:

- istər ərizə formasında, istərsə də müfəssəl limit və ticarət proqramları şəklində karbon dioksid emissiyalarına nəzarət;

- Etanol kimi qeyri-iqtisadi "alternativ" enerji və praktiki olmayan "hidrogen iqtisadiyyatı";

- Böyük külək turbinlərinin və günəş kollektorlarının yaradılması;

- Karbon qazının zavod bacalarından və hətta atmosferdən çıxarılması üçün təklif olunan layihələr.

ironiya odur ki, müşahidə olunan istiləşmə tendensiyasının səbəbi karbon qazı olsa belə, bütün bu proqramlar, hər kəsi yanacaq istifadəsini 80% azaltmağa razı sala bilməsələr, effektiv olmayacaq.

Nəhayət, heç kim göstərə bilməz ki, daha isti iqlim sırf mənfi təsirlər yaradacaq. Dəniz səviyyəsinin çox qorxulduğu artımın qısamüddətli temperatur dəyişiklikləri ilə bağlı olmadığı görünür çünki dəniz səviyyəsinin qalxma sürəti son buz dövründən, yəni 10.000 il bundan əvvəl sabit olmuşdur. Əslində, bir çox iqtisadçı bunun əksinin daha çox olduğunu iddia edir, yəni istiləşmə xalis fayda verir, gəlirləri artırır və həyat səviyyəsini artırır. Nə üçün indiki iqlimin optimal olduğunu düşünmürük? Əlbəttə ki, bunun baş vermə ehtimalı kifayət qədər az olmalıdır və keçmiş iqlim istiləşməsinin iqtisadi tarixi bunu dəstəkləyir.

Böyük Qlobal istiləşmə Saxtakarlığının əsl mesajı daha genişdir. Nə üçün biz öz qıt resurslarımızı mahiyyətcə problem olmayan şeylərə sərf etməli və dünyanın üzləşdiyi real problemlərə – aclıq, xəstəlik, insan hüquqlarının pozulmasına məhəl qoymamalı, terrorizm və nüvə müharibəsi təhlükələrinə yetərincə diqqət yetirməməliyik? Biz, həqiqətən təbii fəlakətlərin, bəşəriyyətin əhəmiyyətli bir hissəsini məhv edən epidemiyaların və hətta biri dinozavrları məhv edən kiçik planetlərin təsiri ilə mübarizə aparmağa hazırıqmı? Bununla belə, dünyanın bir çox yerlərində siyasətçilər və elitalar məhdud resurslarımızı real problemlər üçün istifadə etməkdənsə, "dəbli" problemlərə sərf edəcəklər. Bir anlıq dünya üzrə, guya etibarlı olan ədədlərə əsaslanan qorxunc təxminlərə nəzər salın. Elm insanlarının düşündüyü və gördüyü kimi, bu, bütün insanlığı axmaq və cahil yerinə qoyaraq onu idarə etməyə hazırlıq görməkdən başqa bir şey deyil.

müasir insanın ən böyük problemi

Mühakimə əsaslı yox, daha çox əzbərçilik əsaslı həyat yaşaması. Bu, tarix boyu insanlığın ən böyük problemi olub.

Halbuki yaşadıqlarını, oxuduqlarını, gördüklərini düşünməli, sorğulamalı, nəticə çıxarmalı və bu nəticələrin doğruluğunu müşahidə edib sınamalıdır insan. Bunun əvəzində isə, asan çıxış yolu seçməyə üstünlük verir. Bir çox insanlar, hətta özləri barədə fərq etməli olduqları ən önəmli gerçəklərdən agah olmadan köçürlər bu dünyadan.

Şüursuzca, daha çox əzbərçilik əsaslı həyatlar vərdiş edilmiş dünya nizamının dəyişməməsinə xidmət edir əslində. Bu nizamın belə qalmasını öz xeyirləri üçün işlədənlərin var olduqlarını bildikdə, mövcud təhsil sistemi, texnologiya, kütləvi media, televiziya şovları, əyləncə parkları, narkotik və alkoqol kimi əyləncə və manipulyasiya vasitələrinin də müasir insan beyninin keyidilmiş halda saxlanması üçün əla vasitələr olması çox da təəccüb yaratmır.
Bunlar vasitəsilə müasir dövrdə ümumi fərqindəliyi idarə altında tutmaq daha da asandır.


Daha yaxşı bir dünya mümkün olduğu halda, hər dövrün insanı kimi, müasir insan da bu ətaləti üzündən dolaylı olaraq ya da birbaşa inkişafının və çevrilmənin qarşısını alır.

diş ağrısına əlac

Qədim xalq təbabətində, bir çox sağlamlıq problemlərinin həlli yolları öz əksini tapdığı kimi, diş ağrısını yatırmaq üçün də üsullar tapılmış və inkişaf etdirilmişdir. Məhz, bu üsullardan bəziləri bunlardır:
Gülxətminin kökü olan suyu qaynadıb həmin su ilə ağızda qarqara etdikdə ağrı yatır.
Darçını dişə sürtmək və çeynəmək də faydalıdır.
Xardalın döyülmüş halını dişin dibinə qoymaq isti şişli ağrıya qarşı çox fayda göstərir.
Nəsrin yağını pambıqla dişin dibinə qoymaq da ağrının azalmasına səbəb olur.
Küt ağrılar olduqda, istiot əlavə edilmiş sirkəni qaynatdıqdan sonra dişin dibinə qoyurlar.
içində tutun yarpağı və ya qabığı olan suyu qaynatdıqdan sonra onunla ağızı qarqara etmək və ya yovşanı çeynəyib uzun müddət ağızda saxlamaq da xeyirlidir.
Həmçinin, dişin ağrısı üzə və qulağa vurarsa, baş tükünün yanmış halını gül yağı ilə qarışdırdıqdan sonra ağrıyan dişin ağrısına səbəb olduğu qulağa damcıladırmışlar.

özünüz kimi biri ilə rastlaşsaydınız olacaqlar

"Özünüz kimi"dən nəzərdə tutulan, oxşar olayları, davranışları və/və ya duyğuları təcrübə etmək əsasında oxşar baxış bucağı, düşüncə və xüsusiyyətlər qazanmış insandırsa, şəxsən mən, güman ki sevinərdim. yəqin ki, səmimiyyəti güclü bir münasibət qurardıq və sonra möhkəm qucaqlaşardıq. Eynilə mənim kimi, bu gün insanların çoxu özlərininkinə bənzər xarakteristik xüsusiyyətlərdə və şəxsiyyət quruluşlarında olan insanları tapmağa və onlarla keyfiyyətli münasibət qurmağa doyumsuz istək, inam və ehtiyac duyurlar. Xoşbəxtliyin açarının, sevgi, hörmət və etibarın mərkəzdə olduğu sağlam sosial münasibətlərdə gizli olduğunu və insanların, adətən özlərinə bənzər olmayanlarla bu cür münasibətlər qura bilmədiklərini nəzərə alsaq, xoşbəxtliyin bu dərəcə aşağı səviyyədə olmasının "özümüz kimi olmayanlar" ilə necə yaxından bağlı olduğunu görə bilərik.

butterfly hug

Adı azərbaycan dilinə "kəpənək qucaqlaması" ya da "kəpənək toxunuşu" şəklində tərcümə oluna bilən butterfly hug, posttravmatik stress pozuntusu(ptsp) kimi problemlərə uyğun müalicələrdə işlədilən və beynin sağ və sol tərəfləri arasında bilateral(ikitərəfli) keçid təmin edən, əsasən görmə, eşitmə və toxunma stimulyatorlarının(oyadıcılarının) istifadə edildiyi terapiya texnikası olan bilateral stimulyasiyanın(BLS) bir növü olan terapiya metodudur. Butterfly hug metodu, 1998-ci ildə Meksikanın Akapulko şəhərində yaranmış pauline qasırğasından sağ çıxanlarla birlikdə keçirilmiş terapiya ərzində lucina artigas və ignacio jarero tərəfindən yaradılmış və inkişaf etdirilmişdir. Bu metod, şəxsin rahatlaşaraq daha yaxşı hiss etməsi üçün əllərinin ritmik hərəkətlərlə istifadə edilməsi ilə zehninin daha sakit qalmasını təmin edir. Fiziki olaraq da şəxsi sakitləşdirən bu üsul, xüsusilə də, şəxsin büründüyü narahatlıq, qayğı, kədər kimi emosiyalara aid mənfi təsirləri azaltmaqdadır.

Bir araşdırmada, duyğuları haqqında başa düşməkdə və yaşamaqda çətinlik çəkən uşağın həyat tərzinə “butterfly hug” texnikası əlavə edildikdən sonra, öz duyğularını daha çox fərq edə bildiyi və ətrafındakı dostlarının duyğuları haqqında daha geniş anlayışlı olma və iş birliyi edə bilmə ilə bağlı daha toleantlı olduğu müşahidə edildi. Başqa bir araşdırma, xərçəng diaqnozu qoyulmuş uşaqlarda bu üsulun posttravmatik stress pozuntusu əlamətlərini aradan qaldırmaqda təsirli olduğunu göstərdi.

Aşağıdakı addımları izləyərək "kəpənək toxunuşu" texnikasını sərbəst şəkildə öz üzərinizdə həyata keçirə bilərsiniz:



1)Sakit bir yer tapın və rahat bir halda ayaq üstə durun və ya əyləşin.
2)Yuxarıdakı şəkildə göstərildiyi kimi, hər iki əlinizi digərinə çarpaz şəkildə sinə səviyyəsində saxlayın və sonra, ovuclarınızı sinənizə birləşdirin. Baş barmaqlarınızı yumru körpücük sümüyü çıxıntılarının üzərinə və ya altına yerləşdirə bilərsiniz. Bu, kəpənək qanadlarına bənzəyən bir pozisiyadır.
3)Konsentrasiyanı artırmaq üçün gözlərinizi yumun.
4)Hər bir toxunuşdan sonra bir əlinizin növbə ilə digərini əvəz etməsi şərti ilə, ovucunuzu kəpənək qanadının çırpınması kimi yavaşca və ehmalca sinənizə toxundurun. Beləliklə, sol əliniz sağ qolunuzun yuxarı hissəsinə, sağ əliniz isə sol qolunuzun yuxarı hissəsinə toxunmaqla əlləriniz oyadıcılar(stimulyatorlar) rolu oynayacaq. Ehtiyacınızdan asılı olaraq, bunun müddətini istədiyiniz qədər tarazlayın.
Zehninizdəki duyğu və düşüncələri sahmanlamağı asanlaşdırmaq üçün sakit və dinc bir yerdə olduğunuzu xəyal edə bilərsiniz.
5)Toxunma zamanı nəfəs məşqlərindən də yararlana bilərsiniz: Yavaşca burnunuzdan nəfəs alın və yavaş-yavaş nəfəsinizi ağzınızdan verin.