3 dəqiqə qanunu

Günlük həyatımızda yaxınlarımızla görüşmək çox da böyük əhəmiyyət kəsb etmir, əgər hər gün görürüksə. Uşaqlar üçün fərqlidi. Məktəbdən gələndə ya da valideyn işdən gələndə ilk görüş dəqiqələri onlar üçün çox vacibdi. çünki uşaqlar gün ərzində olan hadisələri/təcrübələri ilk dəqiqələr yadlarında saxlayır.(hamısını danışmaq yəni). Buna görə də onunla daha da yaxın olmaq üçün ilk 3 dəqiqə ərzində günün necə keçdiyini soruşmaq, illərdi görüşməmiş kimi qucaqlamaq lazımdı.
Bu davranış sayəsində irəlidə də nəsə olanda uşaq valideynə çəkinmədən, ünsiyyət problemi olmadan hər şeyi deyir.

qurban psixologiyası

Qurban psixologiyasındakı insanlar;
-özünü çarəsiz və gücsüz hissedir
Hadisələr qarşısında idarəetmənin heç bir halda özlərində olduğunu düşünnürlər. Nəticəni dəyişə bilərlər bəlkə də, amma bu mövzuda heç nə etmirlər ‘etsəmdə olmur, olmayacaq’ cümləsini işlədirlər.
-ən mənfi düşüncələr
Həmişə hər şeyin ən pisini, mənfisini düşünürlər. Həyatlarını bu hisslərlə yaşayırlar.
-özünü aşağı çəkmə
Özlərinə ən ağır sözləri, cümlələri deyirlər. Məsələn, şanssız, bəxtsiz, dəyərsiz..
-keçmişdə yaşamaq
Zehin həmişə keçmişdə olan hadisələrə yönəlir. Həyatın sadəcə keçmiş yaşantılardan ibarət olduğunu düşünürlər.
-dünyanı günahlandırmaq
Başlarına nə gəlsə ətrafı, həyatı pisləyərlər. Bütün uğursuqluqları, travmaları əlaqələndirər və bir ‘qurban’ ortaya çıxararlar.
-həyatı problemlərindən ibarət olduğunu düşünərlər
Aldadılmaq, sevilməyə layiq olmadığını hissetmək, əsəb ən dərin duyğularıdır.
-dünyanın ədalətli olmadığına inanarlar
Burda mənim demək istədiyim hamı bərabərdi, haqq-ədalət həmişə var deyil. Xoşbəxtliyi axtarmamaq, dərin dəyərsizlik hissi, ümidsizlik. Bu onları həmişə geri çəkir.

Ümumi olaraq toparlasaq, nə oldusa oldu, bununla yaşamaq lazım deyil. Həyat davam edir və sənin düzəlmıyini gözləməyəcək. Valideynlərinin yaşayışını davam da etdirməməlisən.
Mükəmməllik yoxdu, qüsurlar, səhvlər mütləq olacaq. Başqalarını məmnun etmək adına özümüzü unuduruq bəzən və həyatımıza sahib çıxa bilmirik.
Həmişə sevinc hissi də olmayacaq, uğur da. Əsas məsələ hadisələrə olan reaksiyamızdır.
P.S. Ümid edirəm bunları yazıb özümün dərin okeanda boğulmağıma şahidlik etmərəm. -*

qəbul imtahanı verəcəklərə məsləhətlər

Buraxılış imtahanı
-imtahana vaxtından azı 30 dəqiqə tez gəlin. Son anda, qaça-qaça gələnlərdən olmayın. Tez gələndə o mühitə uyğunlaşmaq üçün biraz vaxtınız olur.
-Kitabça verilən kimi listening suallarına baxın. Nəzarətçi yox, dinləmədən sonra kitabça açılmalıdır desə haqqınızı tələb edin(tanışımın başına gəlib). Ordakı nəzarətçilər çoxda bişey bilmir yəni.
-ilk dinləmədə çalışın ümumi məğzi tutun. Sualları məntiqlə də yazmaq olur onda.
-dinləmə bitdi, sizə ən asan gələn fənnin ən asan suallarından başlayın. Sonra keçin çətin ya da əmin olmadığınız suallara.
-imtahanda bal hesablamayın qətiyyən, həm həyəcanlanırsan həm fikrin dağılır həm də hesabladığın bal çıxmayacaq onsuz.
-imtahan qabağı başqa imtahan verənlərlə danışmayın, nə qədər yaxın olsalar belə. indi durub burda təsir potensialı fln danışmayacam. 'Az yazacam, verə bilməyəcəm imtahanı' deyib sizi ruhdan salacaqlar.
-kodlaşdırmağa 30-40 dəq ayrılsın. Kodlaşdıra bilmədinsə kitabçadakı əməklər boşa gedir.
Və sən olaraq, ölüm-qalım məsələsi deyil bu.

bitki çayları

Qrip olanda bəzi bitki çayları verirdi anam. Vəə qərara gəldim ki bu haqda biraz araşdırmalıyam.
•ada çayı
Stressə, boğaz ağrısına kömək edir. Həmçinin bədəni toksinlərdən təmizləyir. Qaraciyər və sidik kisəsinə xeyir verir.
•çobanyastığı çayı
Stresə, əsəbə, narahatçılığa yaxşı gəlir. Həmçinin yuxu problemlərinə də yardımcı olur. Dəri problemləri, bağırsaq problemlərinə( dəri və bağırsaq əlaqəlidi ) də kömək edir.
•zəncəfil çayı
Soyuqdəyməyə, mədə və bağırsaq problemlərinə qarşı istifadə edilir. Həmçinin hamilə qadınlarda(1 qramdan çox olmamaq şərti ilə) ürəkbulanmanın qarşısını alır.
•itburnu çayı
immunitet yaratmaq üçün istifadə edilir. Qrip və soyuqdəymədə həmçinin. Çox istifadə etdikdə allergiya, qaşıntı və s. Yarada bilər.
•nanə çayı
Ürəkbulanmaya, mədə yanmasına, mədə turşumasına qarşı istifadə edilir.
•melisa çayı
Sakitləşdirici kimi istifadə olunur. Həmçinin həzm problemlərinə də yardımcı olur. Tərkibində olan asitin sayəsində beynin işini gücləndirir.

Qeyd: bu çayların istifadəsi bəzən əks-təsir də verir. Xüsusilə hamilələrdə və epilepsiya xəstələrində.

qış depressiyası

Payızın sonlarında başlayan və qış aylarında daha da artan bu depressiyanın xüsusiyyətləri;
-istəksizlik, ümidsizlik
-yorğunluq, halsızlıq
-özünəinamın azalması
-yuxu rejiminin pozulması
-‘həyat boşdu’ hissi
Ortaya çıxma səbəbləri müxtəlif ola bilər. Bunlardan bəziləri:
*genetik faktorlar
*gün işığına az məruz qalmaq
*şəxsin qış aylarında yaratdığı real olmayan düşüncələr(yeni ildən gözləntilər)

Bununla necə başa çıxmaq olar?
•gün işığı almaq
•yuxu rejiminə riayət etmək
•sosial çevrə ilə ünsiyyətdə olmaq
•idman, hərəkət
•kiçik hədəflər
•günlük alışqanlıqları pozmaq və yeniliklər

məhvolmanın yolları

1. Asılılıqlar
Asılılığı fərqli misallarla, fərqli yollarla izah etmək olar əslində. Amma bütün asılılıqların ortaq cəhəti biopsixososyal fenomen olmasıdır. Asılılıq bir növ beyin xəstəliyidir və günümüzün ən böyük problemıəri siyahısında yer alır.
2. Tənbəllik
Tənbəllik sadəcə hərəkətsizlik deyil, hər hansı bir işə qarşı motivasiya azlığı da buna nümunədi. Bəzi araşdırmalara görə, təmbəllik beyin hüceyrələrinin yaşlanmasına gətirib çıxarır.
3. həmişə özünü tərifləmək
Hər cümləsinə ‘mən’ ilə başlayıb ‘mən’ ilə bitirən insanlar ilə eyni sinifə aid olanlardı. Özünə qarşı dürüst olmadıqca yüksəliş yerinə çöküşə məruz qalacaqdır.
4. lazımsız insan əlaqələri
Əgər bir insan sənə özünü pis hiss elətdirirsə onunla niyə davam edirsən? Həyatından çıxarmalı olduğun insanlarla davam etmə.
5. hədəf və azruların olmaması
Nəyisə qazanmaq üçün qarşısına məqsəd qoymalıdır insan. Hədəf olan yerdə məsuliyyət də olur. Məsuliyyət olan yerdə özünəhörmət olur. Sabaha oyanmaq üçün səbəb olmalıdır.
6. kitab oxumamaq
7. olmayan pulu xərcləmək

xərçəng sindromu

Digər adı ilə crab mentality, xərçənglərin vedrəyə qoyulduqdan sonrakı davranış modellərindən ilhamlanaraq yaranmışdır. Deməli vedrəyə yerləşdirilən xərçənglərdən biri qurtulmağa çalışanda, digər xərçənglər onu aşağı çəkir. Başqa cür desək, xərçənglər toplu ölümü dəstəkləyir.
Əslində xərçənglər bunu bilərək etmir(yaşadıqları mühitdə öyrənilən bir davranış deyərdim mən buna).
Bu metafor cəmiyyətdəki bəzi zehniyyətləri təmsil edir əslində. Məsələn, hər hansı bir fərd uğur əldə etsə digər insanlar onu aşağı çəkməyə çalışar dəstək vermək yerinə.(pişiyin əli ətə çatmayanda deyir ki iylənir məsəli)
Bu psixologiyada olan insanlar əmək vermədən, işləmədən, əziyyət çəkmədən ‘zirvəyə’ çatmaq istəyərlər və bunun ən asan yolu olaraq da zirvədəki insanları aşağı çəkərlər. Bu tip insanlar olduqları yerdən məmnun deyillər amma istədikləri yer üçün də çalışmaq istəmirlər. Və nəticə etibari ilə kimlırinsə cəsarətini qırmaq və ya kimlərisə özündən alçaq görmək kimi davranışlara əl atarlar.

sifarişi verən: Pedaqoq