atanın facebook açması

axşam tvdə xəbərlərin anonsunu görən kimi mən bunların hamısını feyzbukda oxumuşam deməsi. ata mənim üçün problem deyil, onsuz da blokdadı və ağlına da gəlmir desin ki mənə dostluq yollayın. problem bizdə anadadır ki, * əlim qurusun özüm açmışam onun üçün fb harda rəxitə oxşadığım şəklim varsa paylaşır. bu azmış kimi evimizə gələn bütün rəfiqələri üçün mənə facebook açdırır * shit

ölmədən edilməli olan şeylər

özüm üçün sıraladıqlarımı paylaşmaq istəyərdim.

- fərqli-fərqli şəhərlərdə bir aylıq işlərdə işləyib yeni insanlar tanımaq. sonra onların həyatından ilhamlanıb roman yazmaq.
- içkinin dibini görüb pis səsimlə küçədə qışqıra-qışqıra mahnı oxumaq.
- kiprə gedib anidən eks sevdiyimin qabağına çıxmaq və ona ürəyimdən keçən hər şeyi demək.
- kubada puro çəkmək.
- dilənçilik eləmək, küçədə itlərlə yatmaq.
- avtobusla yol gedərkən yolun yarısında düşüb piyada geri qayıtmaq.
- atanın maşınını oğurlayıb maşın yarışına qatılmaq.
- küçədə birinin ağız-burnunu dağıtmaq, xəstəxanalıq eləmək. * ən çox istədiyimdi
- gecənin bir yarısı ağ paltar geyinib yolun ortasında ruh kimi saatlarla durmaq. ya da kiminsə pəncərəsinin qabağında durub pəncərəsinə baxmaq.
- axşam vaxtı qız satıcısı olan bir mağazaya girib cibindən bıçaq çıxartmaq (eləmişəm, ancaq təsadüfən olub, pulu çıxartmaq istəyirdim, bıçaq çıxdı. qız ürkdü təbii ki)

ağlıma gələn, edə biləcəklərim hələlik bunlardı.

atalar sözləri

çoxunda incə bir mizah və doğruluq payı olan şifahi xalq ədəbiyyatı nümunələri.
(baxma: yalançının evi yandı, heç kim ona inanmadı)
(baxma: nə tökərsən aşına, o da çıxar qaşığına)
(baxma: özgəsinə quyu qazan özü düşər)
(bax: ağıl yaşda deyil başdadır)

universitetə qəbul olanlara məsləhətlər

heç də seriallardakı kimi bir tələbəlik həyatı gözləmir sizi. əvvəlcə bunu bilin. həyatınızın ən gözəl dövrünü yaşayırsınız, bu illərdə edə biləcəyiniz bir çox şeyi sonradan edə bilməmə ehtimalınız var. ona görə də hər anınızı dəyərləndirin. illər sonra dönüb tələbəlik illərinizə baxdığınız zaman boş yaşadığınıza heyfslənmək istəmirsinizsə, anınızın dəyərini bilərək yaşayın. dil öyrənin, nəzərə alsaq ki, hələ 17-18 yaşınız var, dil öyrənmək üçün gecikməmisiniz. inanın, 20 yaşından sonra hər şey çətinləşir, qavrama problemləri başlayır. beyninizi işlədin, sevdiyiniz ixtisası seçmisinizsə, sadəcə universitetdə keçdiyiniz dərslərlə özünüzə sərhəd qoymayın. kitabxanalara gedin, araşdırın, sənətinizlə əlaqəli kitablar oxuyun. həmişə bir pillə qabaqda olmağa çalışın. dil kursuna gedin, sertifikat kurslarına gedin, sadəcə diplomla yetinməyin. qaldı ki, universitetdəki əlaqələrə, istər-istəməz bir çevrəniz olacaq və çalışın ki, yaxşı ilə pisi ayıra biləsiniz.

tattoo etdirəcək adama məsləhətlər

döymə etdirəcəyiniz yeri əvvəlcədən araşdırın. ustanın təzə iynə açıb-açmadığına diqqət edin. mütləq öz gözünüzün qabağında təzə iynə açdırın. işlənmiş iynədən mikrob qapa bilərsiniz. döymə etdirərkən yüz ölçüb bir biçin, ideologiya ilə bağlı nəsə etdirməyin. həddindən böyük etdirməyin, iyrənc görsənir. ustanın sizə qulluq üçün yazdığı krem-mazı alın, ərinmədən hər gün üstünə sürtün. artıq dərisi qopmalıdır, döymə əsas halını almalıdır. mən eləmədim tənbəllikdən, qalın qaldı pis görsənir. mən etdim, siz etməyin. -* bu qədər.