heç vaxt evlənməyəcəyini deyən insan

insanın yalnızlıq tələbatı deyilən bir şey var. Hansı ki Evli olanların heç bir vaxt ödəyə bilməyəcəkləri tələbat. Evli olmaq nə deməkdir? Xx və xy xromosomlu iki canlının bir evdə yaşaması, hətta eyni yataqda yatması, heç bir şəkildə bir-birini görməmə şanslarının olmaması. Çox qorxunc bir şey deyil mi? Heç yalnız qalmamaq, birinin səndən daim bir şey gözləməsi, sənin məsuliyyətinin artması. Bir də bu məhkumluğu zurna nağara ilə qeyd edirlər. Hələ bir səhv edib uşaq düzəltdinsə nanəni yedin. Həyatını onlara qurban verməlisən. Bu sənin istəyin deyil artıq borcun olur. Yük, yük üstünə yük. Məncə insan istədiyi vaxt yalnız qala bilməlidir. Evlilik deyilən şey isə bu sərhədləri dağıdır. Xx və xy xromosomlu birinə bağlı qalaraq illərini fədakarlıqlarla, ailədəki vəzifəni yerinə yetirməklə keçirirsən. Birdən ayıldın ki "Ay Allah bu nə pox idi mən yedim?" nə edəcəksən? Məhkəmələrdə sürünmək, ortalıqda qalmış vik vik eliyən primat balaları, aliment və s. Kimə lazımdı evlilik? Sadəcə "camaat" deyilən bir sürünün gözləntisi uğruna edilən bir şey. Lazımsız, mənasız. Məncə heç kəsin həyatında bir gün "dur vızqırd" deyərək həyatından qova bilməyəcəyi bir insan olmamalıdır.

sözlük yazarlarının qorxuları

intihara tu kaka deyirik amma intihar etmək istəyərkən ölməyib şikəst qalmaq intihardan daha qorxuncdur. Bilək kəsəcəksən? Kəsdin, ölmədin əllərini bir də əvvəlki kimi istifadə edə bilməmə riskin var. Hündür yerdən tullandın, ölmədin, onurğa beynini zədələdin kötük kimi bir ömür yorğan-döşəyə düşmək riski var. Özünü asmaq istədin, biri xilas etmək istədi amma asanda boynun qırıldı, yenə şikəst qaldın. Dərmanları lüppüldətdin, ölmədin, orqanlarından biri sıradan çıxdısa nanəni yedin. Bir ehtimal silah tapdın, eşşək cənnətini boylamaq ümidiylə atəş açdın. Əlin titrədi, istədiyin kimi dağıda bilmədin beynini (ibrahim tatlıses başından vuruldu ölmədi məsələn). Qaldın yarım yamalaq.
(baxma: bu ne biçim senaryo aq)

rainbow

"Gates of babylon" mahnısını kəşf etməyimlə əvvəllər sevdiyim bir mahnını gözümdən salmağı bir olmuş qrup. Mahnı 1978 çıxışlı imiş.

(youtube: )

(youtube: )

bövlər

Azərbaycanın muğan, naxçıvan, abşeron yarımadası və talış dağları başda olmaq böyük bir qismində yayılmış yırtıcı buğumayaqlı. ilk baxışda hörümçəyə bənzəsə də bövlər hörümçək deyil (hörümçəklər 8, bövlər 10 ayaqlıdır). Lakin hörümçəklər, əqrəblər və gənələrlə birlikdə hörümçəkkimilər sinfinə daxildir.
Azərbaycanda ən çox 7 sm-ə qədər böyüyən bövlər gecə yırtıcılarıdır. Kiçik gəmiricilərlə, böcəklərlə, hörümçəklərlə, hətta əqrəblərlə qidalanırlar. Bövlər insanların yaşadığı yerlərə adətən yaxın olmağı sevməzlər. Amma özlərini təhlükədə hiss etdikdə insana hücum edə bilirlər. Bu zaman ön ayaqlarını yuxarı qaldırır və xeliserlərini göstərirlər. Çox cəlddirlər və boylarına nəzərən çox hündürə sıçraya bilirlər. Bövlərin "dişləri" (elmi adıyla xeliserləri) iridir və dişləmələri çox ağrılı olur. yayğın bir mifin əksinə bövlər zəhərli deyil. Tarantullara azca bənzəsə də onlar kimi zəhər vəzləri yoxdur. Sadəcə yaraya infeksiya keçirə bilirlər deyə bövün dişlədiyi yer yaxşı dezinfeksiya edilməlidir.

sırrı süreyya önder

Siyasətə girmiş hər kəs kimi mübahisəli kimliyi olan adam. Ölümü sonrası pkk lideri abdullah öcalandan başsağlığı mesajı gecikməmişdir (bu dılğırın terror qruplaşmasının lideri olduğunu bir də yazım). Önder apoya yaxınlığı ilə də tanınırdı. Hətta apoya "sen benim babamsın" dediyi, cavabında aponun da "sen bir yetimsin" dediyi iddia olunmuşdu. Nə qədər doğrudur bilinməz. Amma iki xalq arasında sülh istəyən biri olaraq neytral mövqedən uzaq olduğunu anlamaq çox da çətin deyil. Bu şəxsin anadolu türkməni olduğunu deyərək özünü kürdlərdən daha çox kürdlüyə vurması da ayrı bir ironiyadır. Anadolu türkmənlərinin kürdlər tərəfindən assimilyasiya olunması və iki etnik qrupun qanlı-bıçaqlı olması nəzərə alındıqda ortada qaranlıq qalan çox məqam var.

dialektlərdə az bilinən sözlər

qovzamaq. "Yuxarı qaldırmaq" deməkdir. Bəzi dialektlərdə hələ də qorunub. Həmçinin qazax (kozğa) və tatar (kuzqa) dillərində ümumişlək sözdür.
çibin. "Milçək", bəzən də "arı". Mişer tatarcasında "çebin", qazaxcada "şıbın" şəklində işlənir.
yengi. "Yeni" bəzən də "gələcək" mənasında işlənir. "Yeni" sözünün arxaik formasıdır. Özbəkcədə və uyğurcada "yangi" şəklində işlənir.
ircəşmək. "Sataşmaq" deməkdir naxçıvan dialektlərində işlənir.
qayım/qəyim. "Möhkəm, bərk".
ləs. "Zəif/yumşaq".
yaba. Kənd təsərrüfatında istifadə olunan "yaba" ümumişləkdir. Amma "təhlükəli" mənasında dialekt kimi işlənir. Məsələn, ərdəbil dialektində.

gecə terroru

Yuxu pozuntularının xüsusi bir qrupu olan parasomnialara daxil olan yuxu pozuntusu. Uşaqlarda daha yayğındır. Daha çox 3-7 yaş arası uşaqlarda, bəzən 10 yaş və daha böyük uşaqlarda rast gəlinə bilir. Yetkinlik dövründə rast gəlinməsi isə çox nadirdir. indi isə gələk bu pozuntunun əlamətlərinə. 6-7 yaşlarımda bu problemi mən də yaşadığım üçün həm mütəxəssis gözü ilə həm də "zərərçəkmiş" olaraq açıqlamağa çalışım.
Yuxunun ləng və tez olmaqla iki fazası var və yatdığımız müddətdə bu fazalar bir-birini izləyir. Yuxunun böyük hissəsini ləng yuxu fazası təşkil edir. Şüur qapanır, fizioloji prosseslərin hamısı ləngiyir. Gecə terroru da məhz bu fazada baş verir. Şəxs yuxunun ən dərin fazasında olarkən anidən gözlər açılır, oturur, nizamsız hərəkətlər edir, sanki əti kəsilirmişcəsinə qışqırır, tərləyir, ürək döyüntüləri kəskin artır. Bütün bunların baş verməsi şəxsin oyanması demək deyil, o hələ də yuxudadır. Şüur tam qapalı olduğu üçün gecə törətdiyi terroru səhər qətiyyən xatırlamır. Ətrafdakı insanların müdaxilələri də qavranılmadığı üçün təsir etmir. Gecə terroru adətən təqribən gecənin eyni saatında baş verir. Uşaqlarda yuxuya getdikdən 90 dəqiqə sonra daha çox görülür. Bir neçə dəqiqə, çox nadir hallarda yarım saata qədər davam edə bilir. 6-7 yaşlarımdakı "acı" təcrübəmdən yadımda qalan yatmazdan əvvəl əşyaların anidən böyüyüb-kiçilməsi (bu arada gördüyüm bu psevdohallüsinasiyanın gecə terroru ilə bağlantısını hələ də aydınlaşdıra bilmirəm) və ailəmin səhər qorxmuş baxışları oldu. Bir neçə dəfə qollarımı çarpayının kənarlarına vurduğum üçün səhər bəzi nahiyyələrdə ağrılar ilə oyanırdım. Ləng yuxu fazasında yuxugörmə baş vermədiyi üçün gecə terroru qarabasma və kabusdan çox fərqlidir. Gecə terroru digər ikisindən fərqli olaraq heç xatırlanmır.
Gecə terrorunun tam olaraq səbəbi bilinməsə də digər yuxu pozuntuları ilə birlikdə görülməsi (xüsusilə yuxu apnesi), depressiya, təşviş, gün ərzində stresli olmaq, yatılan yerin fərqli olması, "narahat ayaqlar" sindromu kimi səbəblərlə əlaqəli ola biləcəyi düşünülür. Pozuntunun varlığı şəxsin tibbi və ya psixoloji sağlamlığının təhlükədə olduğunu göstərməz. Gecə terroru anidən ortaya çıxdığı kimi anidən də yox olub gedir. Çox nadir hallarda yeniyetməlikdə davam etdiyi görülür. Amma o qədər uzunmüddətli olmağı çox aşağı ehtimaldır. Pozuntunun xüsusi müalicəsi yoxdur. Əgər şəxsin özünə zərər verə biləcəyindən qorxulursa yatdığı mühitdə buna şərait yaradan əşyaları aradan götürmək lazımdır. Onsuz da şüursuz prosses olduğu üçün mürəkkəb davranışlarla özünə/başqasına zərər verməsi baş verməz. Əgər gecə terroru başlayıbsa şəxsi oyandırmağa çalışmaq, əllərini, ayaqlarını tutmaq, üzünə su çiləmək olmaz. Sadəcə gecə terrorunun bitməsini gözləmək lazımdır. Əlavə olaraq şəxsi gecə terroru baş verməzdən 10-15 dəqiqə öncə oyatmaq faydalı ola bilər.

baxılası türk serialları

(bax: şahsiyet)

(youtube: )

(youtube: )

(youtube: )

(youtube: )

(youtube: )

illər sonra tanrının haqsız şeytanın haqlı olduğunu anlamaq

Əgər söhbət səmavi dinlərdəki tanrı və şeytandan gedirsə bu ikili arasında o qədər də fərq yoxdur. Hətta şeytan daha haqlıdır. Tanrı insanlıq üzərində bir qorxu imperiyası qurur. Məsələn, quranı oxuduqda bu kitabın hədə-qorxu və qadağalardan ibarət olduğunu görmək heç də çətin deyil. Düşün ki, yaratmısan, hər zərrəsindən sənin xəbərin var. Gedəcəyi yolu sən cızmısan. Keçmişini, indisini, gələcəyini sən bilirsən. Şüur və nəfs vermisən deyə qısa ömrü boyu bu aciz varlığın üstünə "günah" deyə bir yük mindirmisən. Bu varlıqları cəhənnəmə doğru çəksin deyə oddan şeytanı yaratmısan. Şeytanla insanı bir-birinə qırdırmaq üçün onlar arasında ayrıseçkiliyi də salan sənsən. Oddan yaranan bir varlıq niyə torpaqdan yaranmış bir şeyə səcdə etsin ki?

azercell

Haqqında niyə hələ də entry yazılmayıb bilmirəm amma bu diləncell hər ay minimum 2 manat balansdan silir. Bir neçə axmaq tarifi var və bunlardan hər hansı birini seçmək məcburidir. Əgər balansa pul yükləməsəniz nömrəniz 90 gün sonra tamamilə ləğv olunur. 2 manatdan az yükləsəniz belə hissə-hissə balansınızdan 2 manat (minimum) silinir. 2 manat qarşılığında isə vur tut 25 dəqiqə danışıq və 250 mb internet verir. Məlum məsələdir ki göyə də çıxsanız bunlar 1 ay üçün kifayət etməyəcək.
(baxma: cındırsən tarifi)

ajda pekkan

Əsl yaşı 84 olan türkiyəli superstar. Camaat deyir ki bu qadın 79 yaşındadır amma mən əmin idim ki 80 yaşı çoxdan ötüb keçib. Sübut: 2010-cu illərdəki xəbərləri araşdırdım (bekaram). Xəbərlərdən biri 2013-cü ildə ajda pekkanın 72 yaşına girdiyini deyir:


Amma yenə də bir şey dəyişmir. Ajda pekkan yaşayan əfsanədir. Kaş ki estetikləri və yaşı qədər sənəti haqqında danışılsa dedim və mən də yaşını araşdırdım.