Son yazılanlar
Hazırki streak: 0 gün ardıcıl post yazılıb.
Rekord: 6 gün ən uzun ardıcıllıq.
Streak hər gün ən azı 1 post yazanda artır. Bir gün boş keçsə sıfırlanır. Streak uzun olduqca od böyüyür!
Tip: gecə quşu
Pik saat: 00:00
Saat diaqramı yazarın gün ərzində nə vaxt aktiv olduğunu göstərir. Qırmızı = ən çox post yazılan saatlar. Yaşıl = orta aktivlik.
Səviyyə 1: Yeni
XP: 3 (karma əsasında)
Növbəti səviyyəyə: 97 XP qalıb
Səviyyə karma əsasında hesablanır. Karma = reytinq + entry sayı + wiki töhfələri. Hər səviyyə üçün daha çox XP lazımdır. 25 səviyyə var: Yeni-dən Tanrı-ya qədər.
Təxmini söz sayı: 19,946
Toplam simvol: 119,674
Orta entry uzunluğu: 479 simvol
Kitab ekvivalenti: ~0.3 kitab (70K söz/kitab)
Söz sayı entry-lərdəki simvollardan təxmin olunur (orta 6 simvol/söz). Kitab ekvivalenti standart roman uzunluğuna (70,000 söz) əsaslanır.
sözaltı art
whatsappdan gələn son mesaj
bir dəfəyə 1500ml-dən çox hava alıb ağciyərlərimizi partlatmağımıza maneə olan refleksdir. belə ki, tənəffüs aktı zamanı ağciyərlərin gərilməsi bronx və bronxiolların divarında (daha dəqiqi, saya əzələsində) olan stretch (gərilmə) reseptorlarını stimulyasiya edir və vagus siniri (azan sinir, 10cu sinir) vasitəsilə kardiyopulmonar mərkəzə siqnal ötürülür. nəticədə inspirasiya (nəfəsalma) aktı dayandırılır
kişi cinsiyyət orqanından fərqli olaraq steril olmayan nahiyə. öz mikroflorası var. təbii doğuşla dünyaya gələn körpənin mikroblarla ilk təması ananın vaginasından keçdiyi zaman olur. kesr kəsiyi əməliyyatının mənfilərindən biri kimi qiymətləndirilən bu hadisə (kesrdə uşaq birbaşa xaricə mühitə çıxarıldığı üçün) sonralar uşağın immuniteti, autoimmun xəstəliklərə və infeksiyalara yoluxma meyilliliyi kimi bir neçə situasiyaya yön verir.
öz mikroflorası olması səbəbindən vaginanı sabunla yuyaraq sterilləşdirməyə çalışmaq ümumən düzgün deyil, disbakterioz yaratma ehtimalı yüksəkdi. vulvanı yuyarkən də irritasiya yarada biləcək vasitələrdən uzaq durmaqda fayda var, istifadə edəcəyiniz vasitəni seçərkən diqqətli olun. normalda işlətdiyiniz hər hansı bir sabunla yumaq xoş olmayan nəticələrə gətirib çıxara bilər
həmçinin eyni mühiti paylaşan, yaxın olan qadınların menstrual tsiklini də sinxronlaşdıran bir maddədir. bacımla həmişə eyni vaxtda menstruasiya olmağımıza çox əsəb olurdum, evdə nə ped tapılırdı nə ağrıkəsici. yaxın podruqalarımla da eyni vaxta düşməyini qəribsəsəm də təsadüfdü deyib keçirdim. bu məlumatı öyrənəndən əməlli aydınlanma yaşamışam -* bir dəfə bir rəfiqəmlə eyni otaqda qalıb hətta otaq xarici də demək olar səhərdən axşama bir yerdə vaxt keçirdiyimiz bir period olmuşdu. ilk həftədəcə ikimizin də tsiklində pozulma oldu, dengem şaşmışdı necə deyərlər -*
ankaradan da zəhləm gedir, boş keçən günlərdən də, təsadüfən eşitdiyim mariah careynin my all mahnısında səni xatırlamaqdan da. çox gülməli. məncə beynim sadəcə boşluqları doldurmaq üçün səndən istifadə edir, çünki i wouldn't give my all for your love. son vaxtlar dadandığım blonde latteni bugün yenə americanoyla əvəzlədim, nə deyirsən, səncə də nələrinsə qayıdışına işarə olar bu? çox da vacibiydi elə. nəsə çox atarlı olmuşam son vaxtlar, deyirəm bu türklərdən keçdi mənə. hər şeydə bir söz atmaq, triplənmək. bir fincan almaq istədim hamısının üstündə dəxlisiz sözlər yazılıb. sənə danışardım hamısını, əsəbimi pozan hər şeyi elə günündəcə yazardım sənə. bilirsən necə darıxıram, bütün doğma hesab elədiklərimlə əlaqəni saxlamağa çalışırdım. sən istisna. arada yadıma düşürdün, ama keçirdi. sonra yenə düşdün, bugün, ama keçənə oxşamır bu dəfə. çox da fərqi yoxdu, onsuz mənə elə gəlir çox yox 1il sonra bu yazdığıma gülməyim gələcək. açığı elə indi də gəlir. sadəcə ehtiyacım var kimisə düşünməyə, nəsə hiss etməyə. bugün səni düşünürəm, oxumazsan, xəbərin olmaz yəqin, elə olmasa daha yaxşıdı -*
bayaq oxuduğum bir entrydə yazar angelina jolienin adını qısa olaraq a.coli yazıb, e.coli oxudum birinci -* sonra da angelinayla e.coli bənzərliyinə güldüm öz-özümə -*
dünən düşünürdüm ki, payız havasını necə sevirəm, bu yayı birtəhər ötüşdürsəydim yağış səsinin fonunda kitab oxumaq zövqünə qovuşardım. bugün o istidə yağış çiləməyə başlayanda ciddiyə almadım ki birazdan kəsər. xülasə, hazırda toto cutugno, charles dickens və j.d. salingerlə xoş bir axşam yaşıyıram -*
şimdi ölmek istemem,
bir kalbi sarmadan
aşkı tatmadan daha, onla sarhoş olmadan
hiç sevişmeden daha
o gün bir replika gördüm, onda anladım mənə o vaxt dediyin cümlənin o replikaya aid olmağını. həmin vaxt ağlıma gəlməmişdi, indi dediyivin məğzini anlayanda lap darıxdım söhbətimiz üçün. bayaq kontaktda adıva baxıb yazmağa bəhanə axtarırdım. ama üzüm gəlmədi. özüm ignore eləmişdim durduq yerə, indi hansı üzlə yazım? hərhalda bəhanələrim də, ümidlərim də saat irəlilədikcə azaldı. sən yaz. yəqin ki yenə də dəxlisiz bir səbəb gətirib uzaqlaşacam, ama sən yenə də yaz, bəlkə bu dəfə bacardım
keçən cümə günü eyni vaxtda həm ağlayıb həm gülməkdən, ikisini eyni anda ürəkdən təcrübə eləməkdən söz düşdü, podruqama "bunu yaşamaq istəyərəm, maraqlı olar" dedim. üstündən 2 gün keçdi bağcılarda 1saat yarım heç tanımadığım adamları gözləyəndə başladım ağlamağa, həm də vəziyyətimin absurdluğuna gülməyim gəldi. hərhalda bu yaşıma qədər ilk "eyni anda həm gülüb həm ağlamaq" təcrübəm deyildi, amma yenə də maraqlı təsadüf idi, nə dilədiyimizə diqqət eləməliyik -*
Visseral plevrada zədə nəticəsində havanın plevra boşluğuna dolmasıdır. pnevmo-hava, toraks isə döş qəfəsi deməkdir. əksər hallarda toraksın qapalı travmalarında rast gəlinir, az hallarda açıq travmalarında da görülə bilir. dypnea, hipoksiya, taxikardiya kimi əlamətlərlə özünü büruzə verir. həmçinin rentgenoqrammda da aydın şəkildə görünən divararalığının patoloji prosesin əksinə yerdəyişməsi müşahidə olunur. açıq, qapalı və klapanlı (ing: tension pneumothorax) olur. ən ağırı və cərrahi əməliyyata göstəriş hesab ediləni klapanlıdı. çünki bu zaman yumşaq toxumadan əmələ gəlmiş klapan nəfəsalma aktı zamanı açılır və hava plevra boşluğuna dolur, ancaq davamında bağlandığı üçün hava burdan xaric ola bilmir. beləliklə getdikcə havanın həcmi artır, kollaps, kəskin tənəffüs çatışmazlığı hətta asfiksiyaya qədər gətirib çıxara bilir.
partition mahnısı və klipiylə mənə görə cinsəlliyi vulqarlaşdırmadan musiqidə istifadə etməyin ən gözəl nümunəsini yaradıb. cem yılmaz bir showunda deyirdi, "beldən aşağı" ifadəsi əksərən cəmiyyətdə mənfi fikirlər doğurur, halbuki həmişə belə olmalı deyil. məsələn cardi b-nin bir çox klipi məndə ikrah doğurur, qadın bədəni və insan münasibətlərini o qədər pis təqdim edir ki. ama beyonce başda partition olmaqla bir çox klipində cazibədarlığın pik nöqtəsini göstərir. soyunur da, erotikanı çağırışdıran rəqslər də edir, amma hər şeyi o qədər dozunda alındırır ki heyran olmaya bilmirəm.
səhərki uçuşum səfeh bir səbəbdən alınmadı, səhərdən elə tutulmuşam indi-indi üzüntünü hiss eliyirəm. nə qədər plan qurub həvəslə bugünü gözlüyürdüm, maddi ziyanım da bir tərəfdən. tək dərdim bu olsun, ama hər şey çox trajikomik oldu. çox əsəbiləşə də bilmirəm, hər şey o qədər tərs getdi ki "belə olmalıymış" düşüncəsindəyəm, yenə də hazırda evdə olmağım faktının hər fərqinə varanda qəribə oluram -*
güclü opioid mü reseptor agonistlərinin prototipi. doz aşımında əsas ölüm səbəbi tənəffüs aktı depresyonu törətməsidir. klinik əsas simptomlardan biri kimi miyozis (pupillanın daralması) əsas diqqət çəkən məqamlardandır, çünki tənəffüs aktının depressiyası və koma yaradan digər səbəblərin əksəriyyətində əksinə midriaz (pupillanın genəlməsi) müşahidə olunur. Tənəffüsə depressiv təsir göstərib beyin damarlarının dilatasiyasına səbəb olduğundan və beyin onurğa beyni mayesinin təzyiqini artırdığından kəllə-beyin travması keçirmiş şəxslərə kontrendikedir. bronxospazm törətdiyi üçün astmalı şəxslərdə də istifadəsində ehtiyatlı olmaq lazımdır. Doz aşımından yaranan komalarda opioid antagonisti olan nalokson intravenoz istifadə olunur və 1-2 dəqiqə içində xəstə vəziyyətdən çıxarıla bilir
uzun müddət idi ki, sosyal şəbəkələri istifadə etmirdim, cəmiyyətimizin düşüncə tərzi, dünyagörüşü haqda məlumatım öz yaxın çevrəm və sözlükdən ibarət idi. bu günlərdə instagram yüklədim, fake profil açıb ümumi gündəmi, şərhlərdə insanların müxtəlif hadisə və fikirlərə yanaşmasını gördüm və şokdayam. çox pis oldum həqiqətən, ölkənin bu səviyyədə olduğunu bilmirdim. marsda yaşamıram, təbii ki bayağılığın yayıldığından xəbərdar idim ama elə bilirdim məhdud səviyyədədir, elə zənn edirdim ki inkişaf daha çoxdu. indi bu faktı qəbul eləməkdə çətinlik çəkirəm, instagramı yenə sildim, sözlük yenə yeganə platformuma çevrildi -*
yığıncıqlara 150 nəfərdən artıq adamın qadağan edilməsiylə indilərdə evlənməyi ideal hala gətirən rejim -* bu rejim bitmədən evlənmək lazımdı, yoxsa tanınadığın adamların onları çağırmadığıva görə inciyəcəyi toylara qalacıyıq -*
hərdən beynimdə elə qorxulu ehtimalları detallarıyla təsəvvür eliyib onlara görə narahat oluram ki, real olmadığını özümə sübut eləmək üçün bunu ətrafımdakılara zarafat qarışıq danışıram. onlar da zarafata qoşulub "aa dəlisən?!" tərzi reaksiyalar verir çox vaxt, beləliklə özlüyümdə böyütdüyümə nisbətən inanıram, yenə də şübhələr heç vaxt itmir və məni içdən içə yeyib bitirir. dəqiqləşdirməyəysə cəsarətim qəti yoxdu, üzləşmək istəmirəm. monoloqlarım adətən "elədisə elədi, sonra?" cümləsiylə, vecimə almamağa qərar verməklə bitir. ama bu vecsizlik növbəti şübhə səbəbi özünü göstərənə qədər davam edir, sonra yenə obsessivlik. özümü qınamıram, heç nədən deyil belə qurmalarım, insanın başına bir dəfə pis hadisə gələndə daha pisinin gəlməsi ehtimalının qorxusunu da özüylə gətirir. olmaz dediyin şey bir dəfə olanda indiyə qədər dediyin bütün olmazlar sarsılır, niyə də olmasın? sualı ən dəhşətli versiyaların da reallığını üzüvə çırpır.
"köhnə kinolar ən yaxşısıdı" klişesi olsa da həqiqətən o vibe çox ayrıdı, bu kino yeni il ərəfəsi baxa biləcəyiviz ən əla kinolardandı. əksəriyyəti yumoş, minnoş, ailə mühitində olan milad temalı filmlər (onları da sevirəm, o ayrı) arasında aksiyonuyla seçilən, ama eyni zamanda milad ab havası olduğu üçün 31 dekabra 1 həftə qalmış baxmağın tam yerinə düşəcəyi bir filmdi
həyatımda çox ayrı yerin var, belə baxanda ayda bir dəfə gördüyüm dırnaq ustamsan, amma illərlə bu bir dəfələr yığılıb nə qədər xatirə toplana bilər? səni çox isdiyirəm, həmişə kefimi yüksəldirsən, həmişə qəşəng mahnılar tapıram sayəndə, şən və vecsiz olmağı öyrənirəm səndən -* 2-3 saatlıq prosedur terapiya kimi gəlir, elə bil hansısa rəfiqəmlə kafedə oturmuşuq söhbətləşirik -* ola bilsin yaxın aylarda ustamı dəyişməli oldum, belə olsa çox heyifsilənərəm, yenə də həmişə sən yadıma düşəndə üzümdə içdən bir təbəssüm yaranacaq, bil -*
mensturasiyada məcburi nəsə eləməkdən acığım gəlir. nolardı ki hər ayın 3-4 günü sərbəst olardım, yorğanın altına girib qaynar çay içməklə yola verərdim ağrıları? yaxşı, qeyri-realdı. bir də açığı fərqinə vardım ki, hər nə qədər ağrılı keçirdiyim üçün dayanmadan şikəyətlənsəm də, əksini istəməzdim. bədənim hələ də doğmadığım üçün mənə işgəncə versə də, bu toksik münasibətimizi rəngləndirməyi öyrənmişəm -*
bu gün astrologiyaya marağı olan bir dostumla söhbətləşəndə bürcümün şir olduğunu deyib ama bu mövzuda məlumatım olmadığını bildirdim. o da şirin əsas xüsusiyyətlərini saymağa başladı: özgüvənli, kompliment eşitməyi həddən artıq sevən.. ilkiylə razılaşdım ama 2ciyə gülməyim gəldi, çünki əksinə komplimentləri ,əsasən də son zamanlar, vecsiz qarşılıyırdım. ardınca dedi ki, şirlərin nəsə xüsusi aurası olur, ətrafdakılar da bunun mənə aid olması barədə həmfikir oldu. üzümdə özümdən asılı olmadan heyrət qarışıq məmnunluq yarandı, biraz əvvəlki fikrimi təkzib edərcəsinə -* əslindəysə kompliment deyiləndə "nə qəşəng görünürsən, nə gözəlsən" tip sıradan cümlələri düşünmüşdüm, xüsusi, özəl olduğuna inandırılmaqsa çox insanın ehtiyac duyduğu şeydir. odur ki, kiməsə kompliment etmək istəyənlərə tövsiyəm, 10 sözüvüzdən 9u "gözəl" olanda o sözün bir mənası qalmır, qarşınızdakına özəl olduğunu hiss etdirin, onda xüsusi nəsə fərqlilik olduğunu düşündürün, bu halda komplimentiviz məqsədə çatmış olar -*
Son bəyənilənlər
