evrim ağacı

bir dini inanclı olaraq bəzi videolarını maraqla dinlədiyim, amma propoqandasının da fərqində olduğum bir kanaldı. hər şeyi deyir, deyir, amma son olaraq, bu qədər xaosa təkan verən, big bag-ləri hərəkətə gətirən hansı fövqəl bəşər qüvvə idi onu açıqlaya bilmir, ya da istəmir bilərəkdən. və çox vaxt nəzəri fəlsəfi fikirləri, hansılar ki, praktikada hələ öz təsdiqini tapmayıb birbaşa soxub gedire fakt kimi.
və bir də: sırf elmi tərəfini danışmalı olsaq, ateistlər niyə elə fikirləşir ki, dindarlar elmlə məşğul olmur? n üstü n qədər dindar alim var dünyada, fərq eləmir, xristian, yəhudi, müsəlman, qısası inanclı. indi bunların reklamı getmir deyə, o demək deyil ki, din elmi inkar edir, ya dindarlar dəqiq elmlərdən xəbərsizdi. çox absurd bir yanaşmadır. (bax:ilk gələn ayə "oxu!" ilə başlayır )ağac bar verəndə başını aşağı salar, amma bunlar ortalıq boşdu deyə fürsətdən istifadə edib, millətə dəxlisiz yerə öz düşüncələrini yeridirlər. qəbul edərsiz, ya etməzsiniz, öz işinizdi. dində məcburiyyət olmadığı kimi (baxma: la ikraha fiddin), elmi ateizmdə də olmasın (baxma: sovetlərdəmi yaşayırıq, amk? ) həm sən, allahı inkar etsən, nə dəyişəcək? (baxma: dovşan dağa küsdü yenə )

dədə qorqud

gecənin bir aləmi susamışdım, durdum su içməyə, mətbəxə keçəndə yadıma düşdü ki, susluğu ən yaxşı yatızdıran ayrandı. yoqurt ( qatıq), su və duz. bu qədər sadə. bol köpüklü olmasını istəyirsinizsə, yoqurtun yaglısından, bir də əl mikserindən və ya süd köpükləndiridən istifa edin. sonda da quru nanə.
bütün bunları hazirlayarkən, bir daha yadıma dədə qorqudun sözləri düşdü:
ayrana doyran demədim, mən dədə Qorqud.
iynəyə tikən demədim, mən dədə Qorqud. iynə ilə nələrisə tikirik. bu, bəlli.
tikənə sökən demədim, mən dədə Qorqud. tikənlə də nələrisə sökürük, bədənimizə girən qırıntını, ona ilişən paltar parçasını və s.
gəlinə ayıran demədim, mən dədə Qorqud.
gəlin həqiqətən də ayırır. təzə yaranan və kövrək ailələrdə gəlinlə (qayın)-ana arasında söz-söhbət olur. yola getmirlər. elə ki, biri ərlə tək qaldı başlayır, onu doldurmağa, digərini də pisləməyə. ana deyir, "haqqımı halal eləmir, sən mənim oğlum deyilsən. nə görmüsən, o qəhbədə, bilsəydim ilan çıxacaq, vaxtında sənə filankəsi alardım" (baxma: dözülməyən mətbəx söhbətləri )arvad da gecə yatağa girən kimi başlayır. və müraciət forması " a kişi, mən sənə demədim axı.." köhnə nəsillər buna "gecə yazan" deyirdilər. çünki bütün günü susan, altdan alan qadın axşam ərinə boşalır. (baxma: başqa cür boşala bilsə, rahatlayacaq əslində ) səhər də yazıq ər durur gedir, anasının üstünə ki " bəs, ay mamaaa, filankəs düz deyir dəəə..." məqsədim burda qadın düşmənliyi yaratmaq deyil, əsla. heç bir ana müqəddəs deyil, həyat yoldaşı da ideal. kişilərin ən böyük səhvi doğru arbitrajlıq ( hakimlik) eləyə bilməməlidir. iki tərəfdən birinə haqsız yerə yıxılırlar. sonu da həmişə hüsranla bitir. h/xüsran isə ərəb sözüdür, zərər, ziyan deməkdir. ziyanda qazancdan itirirsən, hüsranda isə mayanı da. bizim dildə desək, it də getdi, ip də. ona görə əsr surəsində quranda allah əsrə and içəndə hüsran sözünü işlədir (baxma: and olsun əsrə! insan ziyan içindədir ) (baxma: vəl əsr! innəl insanı ləfi xüsr! )
ona görə, ailə münasibətlərində çalışın hər iki tərəfin qəlbini alın. həyat yoldaşından ana rolunu gözləməyin, o sizə analıq etməyəcək. o sizin həyat yoldaşınızdı, həm intim olduğunuz birindən ana şəfqəti də gözləmək absurd bir şeydi. əlbəttə, o, gözəl ana ol bilər, amma sizə yox, sizin övladınıza, özü də birgə, ögey də yox. ananızın qədrini və yerini bilin, əgər ona layiqdirsə. və çalışın eyni evdə qalmayın, onda daha hörmətli olursunuz.

ayrana doyran demədim, mən dədə Qorqud.
dədəm, sən deməsən də mən doydum, çox sağ ol. indi rahat yata bilərəm

neymar

Muəllimlərin sevimli cümləsi olan " başı var, amma oxumur"un futbol versiyası. bu qədər istedad, bu qədər bacarıq, puç oldu getdi. Braziliya ekolundan hələ indiyə qədər disiplinli birinin çıxdığını görməmişəm. Deyəsən, Braziliyanın havasındandır hamısının bir yerləri oynayır, dinc dayana bilmirlər. (baxma: sambo rəqsinin bilinməyən səbəbləri)
Baxmayaraq ki, neymar statistik olaraq bütün göstəricilərinə görə, demək olar ki Ronaldinyo-dan üstündür ( dünya kuboku və ballon d'or xaric) və millidə də pis oynamır, amma de gəl ki, daha yaxşılarına layiq idi... Heyf, sadəce heyf.

çaya ən yaxşı uyğun gələn yemək

Dünyanın ən dadlı qəlyanaltısı çay yağ ağ pendir isti təndir çörəyi. Doy, əgər doya bilirsənsə. mümkün deyil, o qədər dadlıdır. Əsgərlikdə 82 kiloya qədər kökəlməyimə səbəb olan yemək idi. Çörək bişirən idim bir müddət. Bəəh, isti çörək çıxan kimi, yağ götürüb cəkirdim çörəyin üstünə, yerindəcə şirin çay, pendir də orda. yeki yeyəsən. Yeganə əsgər idim ki, qışda xəstələnmirdim. amma belə günlük həyatda berqamot ətirli çayı qara tünd şokoladla içməyiniz məsləhətdi (baxma: burada azərçayın reklamı ola bilərdi) və çalışın keyfiyyətlisini alın: 70-85 faiz olanını və baxın şəkəri az olsun. ağ şokolad almayın, nə qədər dadlı və gözəl görünsədə, bildiyiniz südə şəkəri qatırlar, vəsəllam.
Amma belə çayın əsl dadını almaq istəyirsinizsə, boş için, heçnəsiz. suyu da filterdən keçirin. çay olaraq early grey. Mən, mesmer-dən içirəm. Atma yox, bir başa ot. super tamı var. Bir zamanlar ahmad tea filan moda idi, amma onun zamanla zayı çıxdı

çay vs qəhvə

hər ikisini sevən kimi deyə bilərəm ki, çay sizə enerji verir, yorğunluğunuzu alır, qəhvə isə oyadır. hələ də yorğunsuz fiziksəl olaraq, amma beyin oyanıb, göz bəbəkləri böyüyüb, mental olaraq işləyə bilərsiz. ona görə, fiziki işdə çay için, ofis işi üçün isə qəhvə məsləhətlidi. (baxma: trust me, bro )
bəzən olur ki, ikisini eyni vaxtda hazırlayıb içirəm, hər ikisi dadlıdır ona görə, qərar verə bilmirəm (baxma: ikizler bürcü bi kere de şaşırt be).

bu arada Adhd/s olan adamlarda çox vaxt qəhvə tərs reaksiya verir. çox olub, içib yatdığım.

saudi pro league

yaxın gələcəkdə çempionlar liqası üzərinə ultimate bir liga çıxsa, təəccüblənmərəm, dünya çempionatı kimi, amma 4 ildən bir yox, 2 il ya da 3. amerika, səudi, avropa, asia klubları kimi. yəni əslində bunlar ayrı ayrılıqda sözsüz ki var, hələ super kubok deyilən bir şey də var, səhv eləmirəmsə. çempionlar liqasının qalibi ilə avro liqanın qalibi oynayır, udan klub daha sonra asiya çempionu ilə oynayır. amma burda unudulan klublar var, latın amerikası filan. bəlkə də hamısını təşkil edən bir şey var, amma, çempionlar liqası məhduddu, sadəcə avropa klublarını əhatə edir və hər il aşağı yuxarı eyni klublar, eyni sifətlər görürük. underdog klublar çox nadirən nəsə edə bilir.
futbol onsuz da pul deməkdi. arxa planda dönən saysız-hesabsız pullar, vergi yayınmaları, adicə oyundan öncəki stadionun qabağındakı kukruzu demirəm, bilet aysberqin görünən tərəfidi, qara bazar tam başqa bir aləm, başqa bir macəra(baxma: abi bi paralar dönüyor orda, akıllara ziyan ) ona görə qoca tör-töküntü oyunçuların ora yığılması normaldı. əvvəl-əvvəl özləri, sonra başqaları gələcək. həm onlara da rahatdı da məşqlər də elə də yük düşmür.

ikinci qarabağ müharibəsi

Bu gecə, daha doğrusu amerika vaxtı ilə axşam tərəfi bmt təhlükəsizlik şurasında qarabağ məsələsi müzakirə olunacaq. Çıxan bir nəticə olmayacaq, daha doğrusu olacağe belə də məsləhət xarakterli, çünki daydaylarımız orda, ingiltərə, biraz da Rusiya. ingiltərə məlum, indiki sistemin böyüyüdür. Niyə rusiyaya biraz yazdım? Çünki, son zamanlar açıq aşkar tərsinə hərəkət edirik, onların istəmədikləri yöndə: ukraniyaya tam dəstək, Qarabağ məsələsini Brüsseldə həll eləmək, Türkiyəyə bu qədər yaxınlıq. Cavabı gözləyirik bmt-dən. Normal bir bizə dəstək verən, yaşıl işıq gələn kimi, Qarabağdakı son anti-terror əməliyyatları da olacaq. periodik olaraq o videolar boş -boşuna verilmir efirə. Laçın yolunu açmaq demirlər? açılacaq sadəcə son ümid kimi Qarabağ erməniləri üçün, qaçış, ya da bizimlə barışmaq kimi bir seçim. Problem bundandır ki, Qarabağ erməniləri ilə yerevan erməniləri yola getmir, bəyənmirlər bir birilərini. Mən hər ikisi ilə də söhbətdə olmuşam. Yerevanli erməni qız heç Qarabağlını dindirmirdi, tam əksinə gəlib mənimlə danışırdı elə, özü də səmimi. biz ermənistan erməniləri ilə axır -əvvəl barışacagiq, özü də sevə-sevə, başqa variantı onsuz da edəcəklər, əgər birini "ss" işləməsə. Sistem görsə ki, yaşaması üçün barışmaq ona sərf edir, gecə ilə düşünmeden yeni bir narrativ atar ortaya, şəhidlər filan hamısı yaddan çıxar, necə ki çıxıb/r. Həm, rasional düşünəndə də, hara firlatsaq hər iki tərəf ortaq bir məxrəc tapmalıdır, barış mütləqdir, almaniya belə barışdı yəhudilərlə, biz mi barışmayacagiq? Sadəce yeri gələndə kin, nifrət yerini " Azərbaycan -hayestan", " xalqlar dostluğu" " mən fəxr edirəm ki, şamuyanla eyni ananın döşündən süd əmmişəm" deyimlərini təkrar edəcəyik (baxma: rəhmətlik elə fəxr etmə işinə baxırdı).

Hava da elə " qisas" havasıdı... çox çəkməz bu dəfə, əgər nəsə olsa, bütün yüksəkliklər bizdədi, 4 dənə rayon tipli qəsəbə kimi bir şey.. hər yerdən də mühasirə olunublar.. maksimum 1 həftə.
Bu nəyə lazımdı? 1) rus qoşunları ölkədən çıxmalıdır 2025-ə kimi. Hakimiyyət tələsir, söhbəti bağlayıb, xalqdan yenidən xal toplamaq istəyir. Bununla da hər şey "əbədi, dönməz və irəli" olacaq.
2) referendum üçün ərazi bütövlüyü qismən də olsa şərtdir, çünki (geridə könüllü qalan) Qarabağ ermənilərinin də taleyi həll olunacaq, "seçki" ilə onlara da yerli idarəetmədə "nəsə" veriləcək..

...Sadəcə səsli düşündüm

səsli gecə düşüncələri və ya edit 2:
mediaya rusiya ilə Azərbaycan arasında ermənilərin azərbaycana (re) inteqrasiyayı planı sızdırılıb. ilk nəzərə çarpan şey " dağlıq Qarabağ avtonom Azərbaycan respublikası" sözüdür. Eynilə keçən əsrin sovet yanaşması. eyni söhbət hətta, yanılmıramsa, elə cümhuriyyət dönəmində də var idi. Digər maraqlı nüans isə 3-cü və 4-cü maddələrdir. Ora kimi formal hüquqi yanaşma var, amma sırf bu maddələr yerli idarəetmə orqanlarında, eləcə də polisdə təmsil olunmağa imkan verir. Eynilə bundan əvvəlki qeyd elədiyim məsələ, dövlət yuxarıdan inteqrasiyaya maraqlıdır (top-down). Səbəbi sadədir. 1) heç vaxt istəməz ki, ipi əlindən buraxsın, hər şey nəzarət altında olmalıdır, totalitar ruhlu avtoritar sistemin təbiəti budur. digər tərəfdən zamanında xalqlar diplomatiyası üzərindən nələrəsə cəhd edildi, amma uğursuz oldu, bizdən yazıçılar filan getdi o tərəfə, ordan kimlərsə gəldi, amma olmadı. ans-dəki erməniyə şillə vuran adam Hər iki xalqda səbəbli və ya səbəbsiz yerə bir-birinə qarşı nifrət var. Hətta, bir ara " şərab kralı" kimi tanınan köhnə təsərrüfat naziri yerevana öz dədə-baba yurduna getdi, ermənicə danışdı, alınmadı bir yeraz daha qara zurnanın səsi yerevandan yenə gəldi
Maddə 6. Dağlıq Qarabağda yerli idarəetmədə, yollarda, günlük həyatda erməni dili ikinci ana dili kimi istifadə olunacaq. Bu bir növ kanadanın Quebec əyalətini xatırladır, düzdü fransız dili kanadada ikinci rəsmi dildi, amma Quebec-də entik azlıq ( yəni çoxluq du əslində) olaraq fransız dilindən istifadə olunur. Bizdə də aşağı yuxarı elə nəzərdə tutulub. Daha sonra ermənistan və Azərbaycan arasında əlaqələrin bərpası mədəni, idman və s.
12 və 13-cü maddələrdə köhnə ssr adı keçir hər iki ölkə üçün. Maddə 14 isə ümumi hüquqi bazadır.
Belə. rusiya, bu regionu əsla əlindən vermək istəməz, verməz demirəm, çünki taleyin oyununu bilmək olmaz. Amma, görünən hal odur ki, bu məsələ də belə həll olundu, köhnə çar və ona tabe olan cənubi qafqazın yüksək çinli rus dilli elitası. Xalqlar isə... Bir-birinin ağzından bir tikə əppək qapmaqda, boş vaxtlarını meyxana məclislərində keçirməkdə və dünyaya nəinki regionun, dünyanın ən qədim xalqlarından biri olduğunu sübut etmək üçün dəridən-qabıqdan çıxırlar.
və poposunu salfetka ilə silən qərbli isə ara-sıra bunlara grant ayırır ki, tamaşa davam eləsin

edit1: cəmisi bir ay keçdi bu entry-nin üstündən... Azərbaycanda olub bitənləri anlamaq üçün, ələxsus da siyasi sferada dəhşətli dərəcədə nələrisə bilməyə ehtiyac yoxdu, sadəcə bir şey bilmək yetər: " sən olsan, ilk ağla gələn neyi edərsən həyatda qalmaq üçün?" sualına cavabın nədisə, sistem də eynilə onu edir, amma biraz sənədli-sünədli.

nikosayağı

Qəza videosuna baxdım, çox sürətli sürür, aeroport yolu bildiyim qədəri ilə 120-lik yoldu maksimum, bu 120 ilə gəlmir, hiss olunur. Porsche kimi keramik əyləcləri olan bir avtomobil o məsafədə yerə mıxlanmayıbsa, deməli sürət yüksək olub. Həm maşını sağa çəkməsəydi, qabaqdakına girsəydi, heçnə olan deyildi. Yəni olacaqdı nəsə, qəza filan və ya qabaqdakı maşın qarşı yola çıxma ehtimalı da ola bilərdi, ya da 30-40 metrə qabağa tullanardı. Maşının tormuzlanma yolu, normalda taxonun yarsı olur, yəni 180-la gedirsənsə, 90 metr sonra duracaq maşın. Bir də reaksiya yolu, anı var.reaksiyan nə qədər gecikirsə, o qədər də gec maşın dayanacaq. Ona görə, qəza anında rulu sağa sola burmayın!! Düz tormozu basın və gözləyin. Çünki siz nə hərəkət etsəz, eyni istiqamətə qarşı tərəf də hərəkət edə bilər. Qoy qaçsın, qaçmasa belə, qarşı qarşı və ya arxadan harasa girsəniz, həyatda qalmaq şansınız var. Söhbət iki avtomobildən gedir, divara girməkdən, tırın arxasına və qabaqdan altına yox.

Tır şoferi də günahkardı, orta səki ilə gedir, tam sağda getməli idi. Nicat (aka niko) indi bir müddət hadisənin şokunu yaşayacaq zad, sonra instada olayı tam anlatma, malalama dönəmi, paraleldə də, 100k ölü üçün, 100k da ümumi məhkəmə zad söhbətləri, məsələ bağlansın deyə.rüşvət? Əsla!!! Yoxdu bizdə belə söhbət. Bizim məhkəmələrimizin şəffalığına şübhəmiz yoxdu. Sadəcə, məsələyə daha obyektiv yanaşılsın deyə bunlar lazımdı. Maşını sürən kim çıxsa yaxşıdı? Yanında ölən adam. Guya nicat ona deyəndə artıq gec idi, maşını sağa çəkdi, rulu əlindən alıb, amma çatdıra bilmədi, tormuza basmağa. Yoxsa, hamı alman keyfiyyətinə bələddir, porsche saxlayardı. 100k ölüyə ona görə deyirəm, 50k elə o vaxtı əsgərlik yoldaşım adam vurub öldürəndə vermişdi. Günahkar da piyada yolunu keçən nənə oldu, yazıq.
Sonra nolacaq? Heçnə, insta, tiktok nico short-ları, "allah, märdi mäzärin efin yixsin! Näzär var, brat! Özünden mugayat ol!" Arxa fonda, reski dəyişən türeski "soxucu" mahnilar, before after effektler filan. Ölən də unudulacaq (baxma: 21-ci yüzyılda ölünün yası en fazla 40 gün, aslanım) azərbaycan xalqının düşüncə tərzi çox bəsitdir: külək hayana əsdi, oyana hərəkət edir

bmw

Bir bmw xəstəsi olaraq deyirəm ki, dəhşət overrated və overpriced bir markadır. Əvvəla başlayaq interyerindən. Çox marka seriyalarını 5 ildən bir yeniləyir, eləcə də bmw. Ən premium interyer yuxarı seqmentdə olur. Bmw-də bu hardasa 5 və ya daha yuxarı seriyaya uyğun gəlir. Amma dəhşətül-vəhşət deyiləcək dərəcədə də innovativ bir şey yoxdu. 2005, 2010, 2015, hətta 2020 buraxılışı bmw 1 seriyalarına, hatchback-lara baxırsan, dəyişən sadəcə klimanın üstündəki 7-8 inçlik monitor. Onu da allah vurub, manuel düymə ilə edirsən keçidləri. Sükan demək olar ki, eyni. M versiyalarını demirəm. Çünki onlar paket olaraq fərqliliklər var. Bmw alırsansa, m seriyasından başqası yalandı. Geriyə qalır. Hansı m? M3 almaq istəyən o qiymətə, full paketdən gedir söhbət 100 min filan edir, ya alfa romeo gulio quattro alar, ya da porsche. Porsche-yə hələ gəlmirəm. ilk öncə alfa romeo. 2012 buraxılışı olsa da, 2023 facelift ilə faraları dəyişdi. Alifinistalar düşünmədən gulio deyəcəklər. Gələk mənim də dəlisi olduğum bmw m4-ə. M3-ün 2 qapılısı. (daha doğrusu 3 qaplısı, baqaj da qapı sayılır) nə qədər, sportiv, aqqressiv, sərt görsənsə də, bir porsche deyil (baxma: bazıları sert sever ) sürət baxımından yox, harizma anlamında. Onsuz da bmw də alınacaq seriya m-dir. Fərq eləmir, hatchback, sedan, m4 (coupe), x.
Son zamanlarda şirkət dizayn anlamında başın itirib, konkret çin avtomobillərinə oxşayan maşınlar buraxır. Başa düşüləndi, çin bazarı filan, amma day bu qədər də yox da. Loqonu yığışdır, elə bil kiayaya minirsən. (baxma: bmw 2 series )
Bir də azərbaycanlıların bitməyən m5 f10, m3 e38,39,40 kasa fetişi var. Gecə gündüz dəxlisiz yerə tərifləyirlər. Bmw heç bu qədər tərifləmir bunları. Səbəbi sadədir, azərbaycan bazarı və azərbaycanlıların çoxsu kasıbdı deyə m5 f10 bizə əjdaha bir şey kimi gəlir. Halbuki ondan sonra çıxan f90, hətta 2024-də çıxacaq yeni 5 seriyası daha güclüdür. Bir sözlə, bmw= apple, baha və təqdim elədiyi şey az.

Daimi tənhalıq hissinin heç vaxt tam olaraq keçməməsi

bir yerdən sonra oyrəşirsən. son 4 ili demək olar ki, yapa yalnız yaşayıram. qapımı 3-4 dəfə yaxın adamlar açıb ya yox, yaşadığım şəhərdə heç kimi tanımıram, bütün günüm kitab, günlük problemlər ( bitmir ki bitmir), sosial qayğılarla keçir. həyatda elə də super-muper bir gözləntilərim yoxdu. ay, kimsə mənə zəng eləsin filan, girim sosial şəbəkələrdə kiminsə həyatına burnumu soxum, qəti. mənlik deyil. oyrəşirsən tənhalığa bir yerdən sonra. heç kimlə danışmaya-danışmaya artıq kommunikasiya problemlərin əmələ gəlir, sözləri, cümlələri tam qura bilmirsən. fikirlərini tam çatdıra bilmirsən bəzən. sonra tərs döngü yaranır, sən özünü ifadə edə bilmirsən, qarşı tərəf səni anlamır və çıxılmaz bir daimi tənhalıq səni salamlayır. düşünürsən ki, ən bombası budur: introvert həyat, sözlük və öz özünə monoloqlar. içindəki səs ən yaxın dostun olur, oturub onunla danışırsan, məsləhətləşirsən, deyirsən, gülürsən, hərdən güzgüyə baxanda da deyir ki: " yetim, özündən muğayat ol, heç kimin yoxdu onsuz da bu həyatda"
hə, həyat demişkən. məhşur klon serialında baş rol olan lukasın əkiz qardaşı helikopter qəzasında ölür. ailəvi dostu olan alim lukasin belindən donor alir və onu birəbir klonlayır. düz 20 il sonra cavan olan leo (klon) lukasın qarşısına keçir, amma heçnə olmur. bir insan keçmişi ilə qarşılaşır, o həyata yenidən qayıtmaq, o [klon]
olmaq istəyir, amma mümkün deyil. klon da onun indiki halını [ yaşlı] qəbul etmir. beləliklə sonda alim və klon səhraya üz tuturlar. və sonda alim bir cümlə deyir: " mən ona [ klona] yeni həyat verdim, amma taleh yaza bilmədim"
daimi tənhalıq və qürbətdə yaşam da eynilə belədir. yeni həyatın, çevrən, imkanların olur, amma taleh? bax, budur əsas məsələ. Bütün yaşanılanlar, yaşadıqların sənin taleyindirmi?

azərbaycan himni

milli dövlət atributları arasında bie himn, bir də gerb çox dəxlisizdir. himn yatızdırır, gerb də dəxlisiz mənalara yozulan simvolik bir şeydi.
himni konkrer dəyişmək lazımdı. vermək olar məsələn milli orduya hərb marşı kimi. yerinə isə daha modern, anlaşılan sözlərlə qısa max 3 və ya 4 bəndlik bir himn yazmaq olar. hələ də pis bəstəkarlarımız yoxdu.
gerbə gəldik də isə. alov sözü allah sözünün dəyişdirilmiş formasıdır. səkkizguşəli ulduz guya cənnətin 8 qapısına işarədir. yəni bütün bunların sekulyar cəmiyyətlə nə əlaqəsi də, ala? okey, dindar kəsim var, amma dindar ideologiya tərəfindən idarə olunmuruq axı. sonra nəbilim pambıq, buğda söhbətləri yenə dəxlisizdir. bolluq bərəkətlilik. məzələnirsən? nə bollu bərəkət? camaatın vəziyyəti ortada. ən yaxşısı gerbi qartal eləsinlər, həm ölkənin milli simvoluna yaraşar, eynən xəritəmiz kimi və amerikan və bir çox qərbi Avropa ölkələrindəki gerb kimi dəhşətli görsənər, ya zümrüd quşu kimi (bax: phoenix)