1. red dead redemption 2 personajlarından biri.
https://i.imgur.com/vWOu0k8.png

Uşaqlıqdan bəri həyatı təbiət qoynunda keçmiş sadie, at sürməyi, ovçuluğu və təbiətdə sağ qalmaq üçün lazım olan bir çox şeyi yaxşı bacarır. 1896-cı ildə jake adler ilə evlənir. Ancaq cütlüyün xoşbəxt həyatı çox çəkmir. 1899-cu ildə, soyuq bir qış gecəsi o’driscoll boys dəstəsinin üzvləri cütlüyün evinə hücum edərək, jake-i öldürür və evi talamağa başlayırlar. O əsnada əraziyə gəlmiş van der linde dəstəsi sadie-ni tapır və xilas edir. dutch van der linde, sadie-ni təmizlik və yemək işlərinə kömək etməsi üçün dəstəyə daxil edir. Ancaq sadie, vaxt keçdikcə cəsur bir gunslinger-ə çevrilir və əfsanələşir. itirdiyi yoldaşına sadiq olan sadie, ondan sonra heç kimə yaxınlaşmır və oyun boyu arthur morgan ilə də arasında hər hansı bir sevgi münasibəti yaranmır.
Arthur öldükdən bir neçə il sonra, van der linde dəstəsindən geriyə qalanlar onun qisasını almaq üçün bir araya gəlir. Atışmada sadie yaralanır və john marston tək başına irəliləyir. Sonda dutch və satqın micah bell ilə qarşılaşır. Ancaq dutch gözlənilməz şəkildə micah-ı vurur və heç nə demədən oradan uzaqlaşır. Bu hadisədən sonra dəstə üzvlərindən charles, sakit bir həyat sürmək üçün kanadaya köçür. Sadie də ölkəni tərk edir və latın amerikaya getdiyi ehtimal olunur. After credits-dən sonrakı səhnədə pinkerton agentləri micah-ın cəsədini tapırlar və van der linde dəstəsindən geriyə qalanlardan şübhələnirlər. Charles və sadie çoxdan xaricə getdiyi üçün onların izinə düşə bilmirlər. Geriyə sadəcə john marston qalır və onu izləməyə başlayırlar. Bu da bizi ilk oyuna aparır.