din

8. ölümdən sonra həyat yoxdur. qısa və konkret. əksini iddia edənlər özləri bilərlər. istəyən istədiyi şeyə inana bilər. beyin ölümü gerçəkləşəndən sonra səni sən edən heçnə qalmır və əmin ola bilərsən ki xarakterin, qabiliyyətlərin, yaddaşın yəni sən özün yox olursan. beynin bütün bu funksiyaları özündə cəmləşdirməsi çoxdandır bilinir. oxu: https://www.ncbi.nlm.nih.gov/pmc/articles/PMC3115284/

beynin frontal korteksində baş verən anormallıq obsessiv-kompulsiv pozuntuya səbəb olur. hansı ki özümü bilən gündən gecələr başımı divara vururam durmadan ağlıma gələn dəhşətli düşüncələr səbəbilə. bunları göndərən, mənə əzab verən allah/tanrı və s. deyil. öz beynim səbəb olur buna. mənbə: https://www.ncbi.nlm.nih.gov/pubmed/9579699


zaman-zaman həm atam həm də mən depressiyadan əziyyət çəkirik, atam paranoyakdı, tez-tez qeyri qanuni nəsə elədiyinə və izlənildiyinə inanır. ancaq şizofreniya və s. deyil. sadəcə paranoyalardan əziyyət çəkir. ən qəribəsi atamın anası (nənəm) eynən bizim kimi uzun illər həm kliniki depressiyadan həm epilepsiyadan həm də paranoyalardan (halusinasiya) əziyyət çəkib. yəni mənim psixiatrik rahatsızlığım hələ məndən iki nəsil əvvəl artıq olacağı bəlli bir şey imiş. çünki bipolyar pozğunluq genetikdir və genlərlə rus ruleti oynayırsan; ki nəticə olaraq rulet mənim başımda partlayıb. mənbə: https://www.ncbi.nlm.nih.gov/pmc/articles/PMC3966627/ -

özümdən kənara çıxım. asperger sindromlu (autistik spektrumda yer alır) qardaş/bacılarda tədqiqat aparılır və eyni genin (nlgn4) mutasiyası təsbit edilir,, vəya rett sindromu mecp2 geninin mutasiyası səbəbilə yaranır. nəticəsi isə bu olur: https://i.ytimg.com/vi/YMW75un3gJg/maxresdefault.jpg

~ dindarlar bu gendə baş verən mutasiya və şəkildəki uşağın hansı səbəblə bu vəziyyətə düşdüyünü necə açıqlayacaq? imtahan? gülməlidir. tay-sachs sindromunu eşitmisən? hexa genindəki mutasiya səbəbilə yaranır və uşağı hələ kiçik yaşlarından iflic edir, görmə qabiliyyətini itirdir və 13-14 yaşlarına çatanda uşaq ölür. bu xəstəlik ən təhlükəli genetik xəstəlik hesab olunur və dindarlar çıxıb deyir ki, uşaqların bu xəstəliyi sadəcə imtahandır. wtf? halbuki elm, təkamül bəsit bir şəkildə bu mutasiyaları, nəticələrini açıqlayır. görürük ki, uşaqlar, acı, ağrılar və s. təkamülün sikində deyil. mənbə: https://www.omim.org/entry/300497 vs https://en.wikipedia.org/wiki/Tay%E2%80%93Sachs_disease

frontal lobu zədələsən məsələn? nə olacaq? cavabını bilirik. şəxs aqressiv hərəkətlər göstərəcək. beyninin səthi elektrik ilə stimulasiya edilən epilepsiya xəstələrinin keçmişdən müxtəlif hadisələri xatırlamağa başladıqlarını (əvvəl xatırlamadıqları hadisələr) göstərir; bax: penfield təcrübəsi. şəkil: http://slideplayer.com/slide/5292569/17/images/28/Wilder+Penfield+1940%E2%80%99s+Canadian+brain+surgeon.jpg

ganglion kompleksin elektrik ilə stimulasiya edilməsinin nəticəsi olaraq pasiyentlərin müxtəlif keçmiş hadisələr haqqında fikirlərinin, hisslərinin dəyişdiyi, artırılıb, azala bildiyini göstərilir. yəni bir adamın keçmişdəki hadisələr haqqında psixoloji vəziyyəti bax bu təcrübə sayəsində fizioloji olaraq öyrənilir; yaddaşımız, duyğularımız hamsı birbaşa beyinlə əlaqəlidir.

limbik sistemin zədələnməsi birdəfəlik yaddaş itkisinə səbəb olur, pasiyentlər heçnəyi xatırlamır (baxma: the limbic lobe in man - scoville) o qədər çox araşdırma aparılıb ki hamsını yazmaq üçün durmadan bir on il yazmaq lazımdır : )

mənbə: https://www.ncbi.nlm.nih.gov/pmc/articles/PMC2888849/#R44

qısa olaraq bütün duyğularımız, xatirələrimiz, inanclarımız hamsı beyinlə əlaqəlidir və ruh ilə əlaqələndirilən hər şeyin fizoloji əsasları var. beyin ölümü baş verdiyi anda üstdəkilərdən heç biri qalmayacaq : )

temporal lob epilepsiyası səni hiperdindar edə bilər, mələklərlə danışdığını, peyğəmbər olduğunu iddia edə bilərsən. elə bilərlər bunu məhəmmədə görə yazmışam) elə deyil. məsələn: 40 yaşında temporal lob epilepsiyası olan biri ailəsi tərəfindən xəstəxanaya gətirilir və şəxs tanrı ilə danışdığını, islamın haqq dini olduğunu deyir, durmadan dualar oxuyur və həkimləri islama dəvət edir. bax: epileptik psixoz. bu və başqa xəstələrdə hansılar ki hiperdindarlıq göstərirlər, görüntü və səs halusinasiyaları var, tanrılarla, mələklərlə danışdığını iddia edirlər; simptomlarının qaynağı beynin temporal lob hissəsidir. mənbə: https://www.hindawi.com/journals/crinm/2015/235856/


bunları iki səbəblə yazdım; 1: ölümdən sonrakı həyat üçün inanılan ruhun gərəksiz olması (ruhla əlaqələndirilən əslində isə bizi biz edən hər şeyin beyin qaynaqlı olması) və 2: bununla yanaşı bir çox şeyin deterministik olması vəya bunlara dindarların imtahan izahından çox milyard illik təkamülün səbəb olması.


qaldı digər məsələyə: yəni ölümdən sonra əbədi yanacağım ilə bağlı. və verdiyin sual: ya cənnət, cəhənnəm varsa? ya islam haqlıdırsa?

ancaq eyni sualı yüzlərlə din, inanc üçün vermək olar. üstəlik bu inancların əksəri bir birinə qarşıdır və əslində hamsının iddiaları elə eyni gücdədir. yəni islamı hinduizmdən qabağa çıxaran, islam təməlli düşünməyinə səbəb olan şey nədir? bəs ya hinduizm haqlıdırsa? onda nə olacaq? axı bu dinlərin heç biri real bir şey ortaya qoymur və necə deyərlər hamsı saxta möcüzələrlə, uydurma iddialarla, olmayacaq vədlərlə gəlib bura çıxıblar? təbii bir müsəlman quranı nümunə göstərəcək. deyəcək ki, quran möcüzələrlə doludur. əgər möcüzə dedikləri şey mətinləri manipulyasiya edib ordan mənalar çıxarmaqdırsa deməli müsəlmanların xəbəri yoxdur ki, eyni manipulyasiyanı hindular, xristianlar və s. də edir. ki bunu etmək çətin belə deyil. )

dinlər elmin irəliləyiş formasından mahircə istifadə edir; demək istədiyim elm yavaş irəliləyir çünki nəticələri tapmaq, yoxlamaq, yayımlamaq və bunların üzərində təzə fikirləri formalaşdırmaq asan deyil, uzun prosesdir. yəni elm bugün bəlkədə bəzi şeyləri açıqlaya bilmir ancaq o demək deyil ki dini açıqlamalar doğrudur. dindarlar isə bu boşluqlardan istifadə edib deyirlər ki, "siz hələ bizə kainatın necə yarandığını izah edin?" ))) əvvəllərdə (təqribən darvinin vaxtında) eyni üsulla deyirdilər ki, "siz hələ açıqlayın görək bu qədər növ necə var, necə yaranıb? əlbəttə ki tanrı yaradıb! "

din tarix boyu fırıldaqçı möcüzələrdən başqa nə əldə tutulacaq bir arqument göstərə bilib? qan ağlayan məryəm heykəllərini göstərib insanları xristianlığa çağırırdılar illər əvvəl. sonra məlum oldu ki qan dedikləri qırmızı boyadır )) vəya olduğunu iddia etdikləri hansı keçmiş möcüzələrin sübutu var?

məsələn, bugün ən bilinən bir şey odur ki (görürəm çoxu bilmir) tövratdakı misirdən çıxış söhbəti təmamilə mifdir; yaxın şərq yəhudilərinin misirdən çıxışı ilə bağlı tarixi heç bir fakt yoxdur; bugün psevdo arxeoloqlar millətdən pul yığıb siklərinə sarıyırlar və vəd edirlər ki gedib misirdən çıxış ilə bağlı sübutlar tapacaqlar. həmişə ya uğursuz olublar ya da saxta şeylər ortaya atıblar ki bunlarda dərhal çürüdülüb elm tərəfindən. bircə belə fakt? yoxdur. sadəcə fiction. bir yəhudi vaxtilə huffington postda bu haqda yazmışdı: http://www.huffingtonpost.com/staks-rosch/the-biblical-exodus-story-is-fiction_b_1408123.html sonradan dindarlar söhbəti fırlatdılar ki, bu real olmuş bir şey deyil və sadəcə simvolik olaraq yazılıb. yəni elm yekun fakt qoyana qədər öz bildiklərini müdafiə edirlər. gördülər ki artıq qaçış mümkün deyil; tez deyirlər ki, yox bu sadəcə simvolik hadisədir, real deyil və bu tanrının kitabını inkar etmir. məşhur nuhlarının tufanı ilə bağlı sübutları? sıfır. nuh tufanı kimi saçmalıq bir hadisənin olması haqqında tarixi isbatı keçdim heç dini mətinlərdə bu haqda yazılanlar məntiqə sığmır. bu hekayənin o qədər problemi var ki (bugün heç cürə ağıllı başlı izah oluna bilməyəcək) dindarlar tufanın sadəcə simvolik olduğunu iddia etməyə başlayıb) və yenə fırıldaq və arxeoloq təhsili zad olmayan moşenniklər xristianlardan pul toplayıb hər il ələk vələk edirlər yaxın şərqi) bir şey çıxmır.

demək istədiyim nədir yəni dinlər haqqında bu qədər düşünməyə vadar edən? rasional insan necə bunlara ən azından sorğu sualsız inanar bilmirəm. ancaq onu bilirəm ki mən həyatımı nə olduğu bəlli olmayan tarixi uydurmalar üzərində, onsuz elmlə açıqlanan ancaq dinin araya ruhları, allahı filan feşməkanı soxduğu düşüncə forması üzərində, fırıldaqlıqlar, kimlərinsə istismarı, siyasi maraqları üçün istifadə olunan nağıllar üstündə qura bilmərəm. kim qurursa sadəcə hörmət edirəm.

bu arada ölməkdən qorxmuram) yox olmaq mənə qorxuducu gəlmir. əksinə dediyim kimi genetik səbəblərlə yaranan problemlər yaşamağımı ağırlaşdırır və durmadan fikirləşirəm ki ayblə illərlə bu ağrıya, bu dilxorçuluğa necə dözəcəm. təbii ki tibb bunun üçün də yollar tapıb) müalicə alıb sağalmaq olar amma hələlik dözürəm. və belə fikirləşirəm ki onsuz filan il sonra öləcəm və qoy mənə nə zövq verirsə, maraqlıdırsa onu edim. heç vaxt düşünməmişəm cəhənnəmdə yanacağımı =d


uzun oldu bağışla day =d

graviton @53669