darıxmaq

1. Hər bir təbii ehtiyacı necə ödəyiriksə, o cür etmək lazım olduğunu düşünürəm. Acanda yemək yeyirik, üşüyəndə qalın geyinirik, sevinəndə gülürük, üzüləndə ağlayırıq. Darıxmaqda da məsələ eynidir. Darıxmağın 40 cür forması var, baxır hansını nəzərdə tutursan.

Əgər Darıxdığın şəxsdirsə, görüşüb söhbət elə. Kiminçünsə Darıxmağın ona dəyər verdiyinin göstəricidir, bunu bildir, göstər. Əgər hansısa yerçün darıxırsansa, vaxt edib yenidən get. Təbii ki, bunları obsessiv olaraq etməmək şərtilə. Kiminçünsə, nə üçünsə darıxmaq çox normaldır, insanlıq halıdır, qəbullanmaq lazımdır. Yəni loru dildə desək, "qurdunu öldür", bəsdi. Zibilini çıxartmaq lazım deyil ki, dəyəri ölməsin.

Əgər "darıxmaq" deyərkən can sıxıntısını nəzərdə tutursansa, təcili surətdə məşğuliyyət tapmalısan. Bunu da 2 yerə ayırıram mən:
1) əgər günlük etməli olduğun şeyləri edirsənsə, yəni məktəbli/tələbəsənsə, dərsini oxuyur və ya hansısa sahədə işləyən birisənsə, işini düzgün şəkildə yerinə yetirirsənsə, əyləncə, maraq məqsədli bir şey tap. Nə tapacağın spesifikdir deyə artıq sənə qalıb nə edəcəyin. Kino izlə, kompüterdə, telefonda oyun oyna, kitab oxu, dost-tanışla çıx gəz, lap elə tax qulaqlığı tək gəz. Sənə uyöun məkanlara gedib özünə uyğun adamlar tap. Bacarığın və ya həvəsin varsa, rəsm çək, çıx küçədə gördüyün şeylərin fotosunu çək, bunların texnikalarını öyrən. Ağlına gələn hər şey barədə araşdırma etmək də əladı, şəxsən mənim boş vaxtımda foto çəkməkdən daha çox ləzzət aldığım şey varsa, o da araşdırma eləmək, məlumat toplamaqdı. Ağlına gələn hər şey barədə internetdə tonlarla məlumat var, sadəcə bir neçə sözü Google-a yazmaq kifayətdi.
2) ilk variantdakı şərtləri yerinə yetirmirsənsə, onları etməyə başla. Dərs oxumaq gərəksiz və sıxıcı şey kimi gələ bilər, amma gələcəyini şəkilləndirir, istədiyin ixtisas, gələcək peşən, daha yaxşı yerlərdə təhsil və s. Qəbul etsən də, etməsən də bundan asılıdır. İnsan elə varlıqdır ki, gərək hər gün 1 damla belə olsun əvvəlki günkü özünün üstünə nəsə qoysun. Özünə yatırım elə, dil və ya ixtisasına uyğun kurslara getmək ən ideal variantdı. Əks halda bezgin, sıxılmış hiss eləmək qaçınılmazdır. Ki, bu da beyninin səni hərəkətə keçirmək üçün verdiyi reaksiyadır.

Hə, bir də daha dərin və anlamağı çətin olan məsələlər var. Darıxmağının, sıxıntının altında yatan səbəblər ilk başda görə bilmədiyin şeylər də ola bilər. Toksik şərait bunların ən başında gələn şeydir. İstər ailədə, istər romantik/dostluq münasibətlərində, istər işdə, istər auditoriyada - hər yerdə olur. Bu barədə çox danışacaq qədər məlumat sahibi deyiləm. Nəyin necə baş verdiyini arıtq özün araşdırmalısan, sənin həyatını səndən yaxşı kimsə bilə bilməz.
Uğurlar.