Vacib məsləhət

Gənclər, salam. Ümidvaram yaxşısınız. Sona qədər oxuyub fikir bildirsəniz şad olaram. Loser kimi görünməyi sevmədiyim üçün real həyatda birilərinə danışa bilmirəm. İnsanlara görə toz-pembe həyatım var (soruşsanız elə deyərlər). Təbii ki, hər birimiz müəyyən çətinliklər yaşayırıq. Məqsədim dərdlərimi digərləri ilə qarşılaşdırmaq deyil. Amma həmyaşıdlarımdan hazırda düşünün 5-10 addım geridəyəm. Məni dəstəkləyən ailəyə, hər hansı maddi, mənəvi yardıma sahib deyiləm (əvvəl də çox dəstək yox idi, amma müəyyən qədər var idi). Düşünün yediyiniz loxmalar, ən cüzi xərciniz belə evdə sayılır. Hətta sizə evimi tərk edin deyilir. Bunları problem etmirəm, problem etdiyim, qorxduğum şey psixologiyamın gəldiyi vəziyyətdir. Uşaqlıqdan məndən hər şeyin ən yaxşısı istənildiyi üçün uğursuzluq qorxum var olub hər zaman. Son zamanlarda bu qarşısı alınmaz həddə çatıb. Davamlı düşünürəm, ya özüm üçün bir şeylər edə bilməzsəm, ya uğursuz olarsam. Bu qədər şeyə tək başına necə sahib olacam. Ən bəsitindən özümə ehiyac olan bir şeyləri, paltar olsun, hətta bəzən yemək belə almağa əlim gəlmir. Davamlı qənaət etmək, yığmaq istəyirəm. Bu dəqiqə üzərimdə milyonlarım belə olsa xərcləyə bilməyəcək psixologiyadayam, çünki düşünərəm ya onu da itirərəmsə. Qısacası, dalğalı dənizin ortasında tək qalmış kimi hiss edirəm. Ətraf təsirlər az deyilmiş kimi, olduğum psixi vəziyyət məni bitirir. Mümkünsə sıfırdan özünə həyat quranların təcrübələrini bölüşmələrini istərdim