Yorğunluq

Çox yorğunam açığı heç buna necə giriş edim deyə düşünməyə belə enerjim yetmir. Deməli sözlük, mən normalda insanlarla danışmağı, dostlarla gəzməyi sevən, heç nə etməsəm belə hüzur içində olmağı bacaran bir insanam. Fiziki cəhətdən yorulsam da ruhən nadir hallarda yoruluram.

Son zamanlarda (bir neçə ay olar) heç evdən çıxmaq istəmirəm. Ev qalsın bir qırağa heç yataqdan belə çıxmaq istəmirəm. Əslində normalda bu halımda belə narahatlıq hiss etmirəm amma iş orasındadır ki mən bunu öz istəyimdən yox, hədsiz yorğunluqdan eləyirəm. Əslində bütün bunların bir səbəbi var o da yaxın olduğumuz müddətdə bir tanışımın bütün neqativliyini, bədbinliyini üstümə tökməsi idi. Qız elə bil bütün həyat enerjimi sovurub məni söndürdü aq. Bütün problemlərinə çarə tapa-tapa gördüm uje özümdən əsər əlamət qalmayıb. Heç onun əlindən digər dostlarımla düz-əməlli görüşə bilmirdim. İndi o qızı rədd eləmişəm 1 aydı amma yenə də yorğunam aq. Yatmaq istəyəndə nə yata bilirəm, oyaq qalanda da sönüb-yanan lampa kimi qalıram. Çox yatanda da yorğunam, az yatanda da. Hətta yuxularımdan da yarım oyanıram və bəzən yenidən yatıram bəzən də elə oyandığım kimi dururam. Hər iki halda da yorğunam yenə də. Nə çölə çıxmağa nə də online'da kimləsə danışmağa həvəs var. Hətta aylarla danışmadığım insanlar belə var aq. Ünsiyyət kəsilməsin deyə özümü məcbur edib həftədə 1-2 dəfə yazıram bəzi dostlarıma (günə 1 nəfər sadəcə. Həftədə 2 nəfər max.) və ondan sonra yenə o 2 faizlik ünsiyyət batareyam qurtarır. Hətta bu məsləhəti güclə açıq saxladığım gözlərimlə yazıram amma yatmaq istəyəndə yata bilmirəm. Gün boyu enerjim olsun deyə yemək də yeyirəm düzənli. Meyvə-tərəvəz də yeyirəm bol-bol amma alınmır. Depressiyada da deyiləm ki deyim hı depressiyadandır. Əvvəllər depressiyada olduğum dönəmlər olub amma bu sadəcə hədsiz yorğunluqdur. Bir məsləhət verin çıxım bu vəziyyətdən