+4 əjdaha
1. ikinci dünya müharibəsi dövründə çəkdiyi sənədli filmlərlə nüfuzunun piklərini yaşayan rejissor. buna qədər də uğurlu kommersiya filmləri var idi ancaq müharibə onu sənədli film sahəsində irəli çəkdi və fərqli şöhrət qazandırdı. təəssüf ki, bu şöhrət ona gələcək karyerasında kömək eləmədi. müharibə onu kommersiya sahəsindən uzaq saldı və nəticədə capranın filmləri müharibədən sonra zamanla ayaqlaşa bilmədi.41-ci ildə yaponların pearl harbora hücumundan sonra capra könüllü olaraq orduya yazılır. onu mayor rütbəsi ilə qəbul edib general marshallın (bax: marşal planı) yanına təyin edirlər. iş orasında idi ki, amerika höküməti müharibəyə qoşulmaq istəyirdi ancaq bunun niyəsini döyüşmək istəməyən əhaliyə başa salmaq çətin idi. heç kəs müharibə istəmir və müharibə amerikadan onsuz da çox uzaqda idi. onlara təhlükəsi yox idisə, niyə amerikalılar əllərinə silah alıb ölümə getməli idilər? bu suala pearl harbor hadisəsi qismən də olsa cavab verdi. amerika bundan sonra müharibəyə qoşuldu ancaq hələ də əhalini inandırmaq lazım idi. general george c. marshall capradan niyə bu müharibəyə qoşulmağın vacibliyi barədə sənədli filmlər toplusu çəkməyi istədi. capra bundan sonra why we fight sənədli filmlər toplusunu çəkdi. toplu 7 hissədən ibarət idi:
(baxma: prelude to war)
(baxma: the nazis strike)
(baxma: divide and conquer)
(baxma: the battle of britain)
(baxma: the battle of russia)
(baxma: the battle of china)
(baxma: war comes to america)
ardınca 45-ci ildə know your enemy: japan, here is germany, tunisian victory, two down and one to go sənədli filmlərini çəkdi. onun sənədli filmlərində əsasən hazır görüntülər və walt disney studiasının infoqrafikləri yer alırdı. yadımda qaldığı qədərilə, məsəlçün, john ford kimi gedib d-daydə alman atəşi altında normandiya sahillərində material çəkməyə çalışmayıb. ancaq onun sənədli filmləri müharibənin vacibliyini amerika xalqına çatdıra bilmişdi. filmlər churchillin istəyi ilə britaniyada da göstərildi.
müharibə bitdikdən sonra isə fimləri hollivudda özünə yer tapa bilmədi. kinoteatrlarda uğursuz olan it's a wonderful life filmi illər sonra hər christmas gecəsi televizorda göstərilməsinin hesabına klassikə çevrildi və laiq olduğu dəyəri tapdı. Capra 52-ci ildən sonra yalnız elmi sənədli filmlər çəkdi və hardasa 10 ildən sonra karyerasını bitirdi.
guillermo del toro capra haqqında five came back sənədli filmində heyranlıqla danışır. bu sənədli filmə baxın, çox qəşəngdir.
ayrı da ki, çox diqqətlə baxmasan charlie chaplinin yaşlı vaxtlarına oxşayır -*