bugün məsləhət təsadüfi
sözaltı sözlük
postlar Yoxlama mesaj

...

sözaltı günlük

| sözaltı
1,994,151 | 1523 | 7452

əjdahalar  googlla
Aşmış kamazın şoferi -

Aşmış kamazın şoferi

sözaltı sözlük - keçən ayın ən bəyənilənləri - dünənin ən bəyənilənləri - sözaltı etiraf - ekşi sözlük - sözaltı sözlük üçün tövsiyələr - keçən ilin ən bəyənilən entryləri - sözaltı respublikası - sözlükdəki türkiyəli yazarlar
« / 93 »


    💛

    Yalnız deyilsən!

    Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.

    Sözlük yazarları olaraq səni hər zaman dinləyə bilərik.

    Əgər yalnız hiss edirsənsə, qaynar xəttə zəng et:

    ☎ 860
    871. 1 həftədi dərsə getməkdən başqa özümə bir xeyrim yoxdur. yatıb durub seriallarıma baxır günü bitirirəm. nə burda sözünü etdiyim imtahana hazırlaşıram nə inkişaf etdirici nəsə edirəm. ya çox yuxulu oluram, ya da çox sakit və əringəc oluram. heç kim mənə iş tapşırmasın, dəyməsin, öz başımla let go edib bir az hərlənirəm. martın axrına yaxın çox hərəkətli günlər keçirəcəm deyə fikirləşirəm beyin fikirləşməkdən bədənimin basaratımın bağlayıb. ( bu arada bu ifadə bizlərdə belə gedir ki, yəni əlin qolun bağlanır, əlini bir işə ata bilmirsən elə bil səni itən lazımdı zad. baxıram bayaq aran bölgəsində bir də ağdamlılar işlədirmiş idk, bəzi yerlərdə isə basarat yox bəsirətdir dedilər anlamadım bilən olsa, aydınladar plz) hə, onu deyirdim bəlkə də öz beynimdə yaratdığım pressurelerdi. sonra da bir az da gözüm açılır ki, bəs belə olmağım da ara bir normaldı. nəhəyatində mən də insanam. internetdə gördüyüm 2-3% faiz həyatlarını keyfiyyətli göstərir deyə mən də qaçmamalıyam. nədə olsa, eyni yolu ölçmürəm kimləsə. yol mənimkidir arada sadəcə yavaşlamaqda olar. bəlkə bu proses bir az daha diqqətlə baxmaq üçündür bu günə kimi elədiklərimə. qısaca edəcəklərimizə fokuslanmaq özünü o işə hipnoz etmək deyil özünü tam olaraq orda tapmaqdan ibarətdi. hələ ki bu yerdəyəm))
    background melody:
    (youtube: )

    1 əjdaha!

    13.03.2026 02:04, Mary999
    872. Əziz günlük, həyatımda ən ümüdsüz və üzücü günləri yaşayıram. Ümüdsüzlüyüm həyata bağlılığım olmamasından, bədbinliyimsə tutunmaq istəmədiyim dünyada başqaları kimi olmaq cəhdlərimin uğursuzluğundan qaynaqlanır bəlkə. Başqalarına bunu anlatmaq çox ağır və çətindi, kiməsə anlata bilmədiyim bir problemlə vuruşuram son 5-6 ili. Əslində bu problem yaşamağıma mane olur, heçnəyi axıra qədər edə bilmirəm, ən kiçik şeylər məni özümdən çıxarır, heçnəyə ümid bağlaya bilmirəm və s. Növbəti ad günümə qədər sağ qalmaq ümidi ilə...

    0 əjdaha!

    13.03.2026 05:23, hattori
    873. bir podruqam var idi, fal, astrologiya bu mövzulara çox marağı var idi və həqiqətən baxa bildiyini iddia edirdi. biz təzə tanış olanda mən belə şeylərə çox inanmadığımı demişdim, o da sübut etmək üçün xəritəmə baxdı. bəzi spesifik şeylər dedi, hansı ki ancaq ən yaxınlarımla danışdığım mövzular idi. belə bir cümlə də dedi "özüvü heç yerə aid hiss etmirsən, çox suallar və şübhələrin var amma hamısı tanış olacağın bir nəfərlə son tapacaq. ondan sonra hər şey yoluna düşəcək". bu cümləyə üzümü turşutdum, o da "hə özüvü tapmağıvın kimləsə əlaqəli olmasını istəmirsən? başa düşürəm, ama burda gördüyüm budu". mən uşaqlıqda belə ağ atlı prins arzusu olan biri olmamışam. heç vaxt xilas edilmək fantaziyam olmayıb, anam belə yetişdirib. həmişə özümdən olub bütün gözləntilərim. son aylar isə, o qızın dediklərindən sonra "görəsən" deyirəm, görəsən doğurdan da bu mümkündü? görəsən kimsə əlimdən tutub illərdir çıxa bilmədiyim boşluqdan məni həmişəlik çıxara bilər?

    4 əjdaha!

    16.03.2026 23:31, daayrı
    874. yenə gözləmək dərdi. Aylar illər gözləməklə keçir, həyat gözləməklə keçir. Bəlkə artıq heç nə gözləməməyin vaxtı gəlib çatıb? amma bunu öyrənməliyəm, hələ ki bacarmıram çünki ömrüm gözləməklə keçib, keçir.

    17 əjdaha!

    24.03.2026 10:10, change the world
    875. Ərafdayıq. Qaçış yoxdu, deyəsən artıq alışmışam.

    0 əjdaha!

    24.03.2026 23:32, Macar bəyi
    876. Əziz gündəlik, son günlər skandinaviya depressiyasının ilkin (bəlkə də son) əlamətlərini görürəm - yaşayarkən nifrət bəslədiyim şəhər, işim və insanlarla bağlı şirin xatirələri yada salıb nostalji hisslər keçirirəm. Əslində Bakı heç də pis şəhər deyilmiş, bunu cansıxıcı skandinaviyanın timsalında daha yaxşı anladım, oradakı ən böyük problem cəmiyyətin səndən gözləntiləri və əməl etmədiyin halda cəmiyyətdən kənarlaşdırılmağındır. Əslində gözləntilər istənilən cəmiyyətdə var, amma və lakin absurdluq səviyyəsinə görə fərqlənir. Ümumiyyətlə 23 yaşımdan sonra həyata bivec yanaşıram, ətraf baş verən heç nə məni sevindirmir, ağrıdır ki sevindirmir. Geridə qalan ağrılı, acılı, sevincli və kədərli, amma emosiyalarla dolu gənclik olur. Son günlər fikirlərimdə yad etdiklərimdən biri də ilk sevdiyim qızdır. ilk günlər həyatına mənsiz davam etməsi eqoma toxunsa da, hazırda ailə həyatında yalnız uğurlar arzu edə bilərəm. Dediyim kimi, geridə qalan gənclik xatieələri olur. Ümumiyyətlə bunu niyə yazdığımı anlamıram, çünki hazırda sabah üçün işə yemək bişirməli idim. Prokrastinasiya səviyyəm yüksəldikcə yüksəlir. Mətbəxi yandırmamaq ümidilə

    1 əjdaha!

    25.03.2026 00:16, sözbaz kərtənkələ
    877. Sərhədi çəkənlər var.
    Addım atmağa belə qorxarkən,
    insan öz addımları ilə vaxtın gedişini
    öz xeyrinə çevirir.
    Qopan tufanlara rəğmən,
    ipin ucunu tutaraq ümidlərlə yola çıxır.
    Düşüncələr sadəcə kifayət deyil,
    onları etmək də lazımdır.

    Əsas məsələ budur: etmək.

    Bir qopuş olmalıdır.
    Vaxtın azlığı var,
    ömrün qısalığı.

    Gediləcək yerlər var,
    gücümüz çatdıqca gediləcək.

    Dayan.
    Bax.
    Diqqətlə bax.
    Düşün.
    Daha yaxşı.
    Daha dərindən.
    Sus.
    Arada dinlə.

    Amma qopma həyatdan.
    Hər kəs öz qabığına çəkilərkən,
    sən də o qabığına çəkil
    və yaşa.

    1 əjdaha!

    26.03.2026 01:51, Macar bəyi
    878. Həyətdəki бомж -a yemək yığıram, anam elə bilir evdən qaçıram

    1 əjdaha!

    26.03.2026 11:21, Aşmış kamazın şoferi
    879. bir nəfərin xətrinə çox pis dəymişəm. ümid edirəm barışar. zəhləsi gedir məndən. nifrət də edir.

    0 əjdaha!

    31.03.2026 00:56, iwk
    880. Əziz günlük. sənə yazmaq istədim. oturmuşam freiburg şəhərində bir mc donalds'da. 1,5 saat sonra avtobus gələcək və məni növbəti dayanacağıma aparacaq. Sevdiyim bu şəhərə bir neçə günlük səyahətin məni fikirlərimdən bir qədər də olsa ayıracağına inanıram. hava buz kimidir... təkbaşına olmaq bir az məni narahat edir, amma alışdığım bir şeydir, nə etmək olar. Sabah səhərə kimi dözməliyəm. Yuxum gəlir, sonuncu dəfə avtobusla belə uzun bir yolçuluq edəndə 10 il əvvəl idi. bədənim xeyli zəifləyib o zamana görə. ümid edirəm sabah səhər yorğunluqdan birtəhər olmaram.

    0 əjdaha!

    01.04.2026 23:22, change the world
« / 93 »



üzv ol
Modalı bağla





xəbər lentindən bütün xəbərlər →
azerbaijan Türkiyənin nəqliyyat sektoru 2025-ci ildə ixrac payının 36.4%-ni qeydə alıb science Yoldaşlararası cinsi təcavüz erkən ortaya çıxır və 4-cü sinifdən əvvəl qarşısının alınması ehtiyacını vurğulayır tech Texnologiyalar İndi world Google bildirir ki, Gemini AI modeli üç başqa şirkəti hack edib

...