əjdaha lazımdı
izlə
dostlar
mən
googlla
sözaltı günlük
-
sözaltı etiraf
-
sözaltı sözlük
-
öyrənildiyində təəccübləndirən məlumatlar
-
həyatın nə qədər cındır olduğunun anlaşıldığı anlar
-
yazarların hazırda düşündükləri
-
ataya demək istənilənlər
-
türklərin sevilməyən cəhətləri
-
düşün ki o bunu oxuyur
-
təkcə mənmi edirəm deyə düşünülən şeylər
başlıqdakı ən bəyənilən yazılar:
+10 əjdaha
1. hər gün şahidi olduğum hadisələrə görə bu qənaətə gəlimişəm.elə gün olmur ki ya özümüz davaya düşək ya da şahidi olmayaq.mən bu prosesi hər yerdə görürəm avtobusda,məktəbdə,evdə,dükanda hər yerdə.məs:hər gün avtobusda gördüyüm adamlar.bir oğlan həmişə üzündə qəzəb var yol ver oturum deyəndə də adama tərs-tərs baxır.
bizim sözlükdə də bütün yazarlar belə əsəbidi.biri bir səhv eliyəndə onu alçaldırıq təhqiramiz ifadə yazırıq sonra da cavab verib sözlüyü çata çeviririk.məs:mən bir səhv fikir ya da ifadə yazım onda zənci düşəcək ortaya ki bu gic götverəni hardan salısız sözlüyə deyəcək digər yazarlar da deyəcək ki bu kişinin oğlu niyə yazar olub nə bilim nə.yəni mədəni cavab vermiyəcəyik bir-birimizə.xahiş eliyirəm bütün yazarlardan gəlin bir-birimizin səhvlərini də mədəni şəkildə deyək.
bəlkə də insanların əsəbi olmasının səbəbi uğradıqları haqsızlıqlardı.cavan oğlan bəlkə də ona görə əsəbidi ki onnan qat-qat aşağı səviyyədə biri gedir miami-də kef eliyir amma özü 6 saatlıq toyda ofsiant işləyib hər it-qurddan söz yiyir.bəlkə də ona görə əsəbidi ki onun dırnağı belə olmayacaq biri 8 min euro-luq paltar geyinir özü isə 2 il əvvəl 5 manata aldığı paltarın içindədi hələ də.
gəlin hər birimiz əsəblərimizi qorumağa çalışaq yoxsa axırımız pis ola bilər.
+7 əjdaha
2. insanların çox vaxt yaşadıqları həyatdan məmnun olmaması,lap düzünü desək bədbəxt olması ilə əlaqədar vəziyyət,bir çoxunun özü də fərqindədir ki,əsəbiləşdikləri mövzu müzakirəyə belə dəyməyən lazımsız,xırda-xuruş şeylərdir,amma yox,qəzəblənməlidirlər-çünki qəzəbi sadəcə nifrət qusaraq tükədə bilirlər.açıq havada gəzim,özüm özümlə danışım,həll yolu axtarım,musiqi dinləyim-bunlar hamısı bacarmaq belə istəmədikləri məşğuliyyətlərdir.çox oxuyan,çox düşünən,ən əsası dərin düşünən insanlar ümumiyyətlə bu dünyəvi problemləri çox da ciddiyə almamağın məntiqini bilir,amma əsəbi insanlar yox. Hər nə qədər məsləhət versən belə,"yox ey"lə başlayan cümlələrin ardı-arası kəsilmir və özlərinin əsəbi olduğunu yox,onu əsəbiləşdirəcək amillərin çoxluğunu deyirlər,bir müddət sonra əsəbiləşməyi də sevməyə başlayırlar,mənfi enerjini çıxara bildikləri tək yol bu olduğuna görə.Bir də əsəbi insanların qurbanı olan məsum insanlar var,bir il bəsdir həmən adama dönüşmələri üçün,çalışın onlardan biri heç vaxt olmayın,əzabdır.
+5 əjdaha
3. insanların rahat yaşamaması daha doğrusu rahat yaşaya bilməməsindən irəli gələn haldır. Uzun və yorucu iş saatları, buna müqabil olaraq da əmək haqqının qat-qat aşağı olması, illərlə çalışıb onun bəhrəsini görməyin üçün 65 yaşına (pensiya yaşı) çatmağı gözləmək, hər hansı bir vəzifəyə gəlib çata bilmək üçün canını dişinə taxdıqdan, uşaqlıqdan etibarən çalışıb-vuruşduqdan sonra dılqırın birinin əlini belə oynatmadan atasının pulu hesabına həm universitet diplomunu, həm də gələcək vəzifəsini satın ala bilməsi, sənin layiq olduğun yerə savadsız, əlindən iş gəlməyən birinin gətirilməsi, təhsil sistemin bərbadlığı, həmən-həmən hər şeyin pula satılması (şərəf və ləyaqət kimi mənəvi keyfiyyətlər də buna daxil) və s, və s. Bir də buna psixoloji faktorları əlavə etməli olsaq əgər, iş yerində, ailədə, cəmiyyət içərisində mobbingə məruz qalmaq, azərbaycanda kişiyə və qadına yüklənən gərəksiz vəzifələr, gün boyu toxic insanlara məruz qalmaq insanın ömründən ömür aparır. Bu ölkədə əgər kasıb və ya orta təbəqəyə mənsubsansa sən doğulandan etibarən bir maratona girirsən və onu tamamlamaq üçün ya özünü rezvalamalısan, ya da bir qıraqda yıxılıb ölümü gözləməlisən.
Bir yerdən sonra insanları da qınaya bilmirəm, bir insan həm 12 saat işləyib həm də kitab oxumalıdır, musiqiyə qulaq asmalıdır, film izləməlidir, əyləncəyə vaxt ayıra bilməlidir, uşağını böyütməlidir, gündəlik problemlərini həll etməlidir. Bütün bunlardan sonra indi gəl əsəbi olma.
+2 əjdaha
4. Yoxsulluq, depressiya, ümidsizlik və insanların bir şey əldə edə bilməsi üçün bir başqasını əzəcək qədər rəqabətcil olmaları. Sonuncuya insanları sistem sövq edir. Nəticə etibarilə insanların əsəbləri oyaq olur. Belə bir şəraitdə əsəbləri qorumaq çox çətindir, özümü dəlilər arasındakı ağıllı hesab edirəm, demək olar ki, ətrafımdakı hər kəs əsəbidir.
hamısını göstər
