ismaililər — ən bəyənilən yazılar

+7 əjdaha

1. islamın ən qəribə məzhəblərindən biri. şiəliyin bir qoludur amma onlara görə imam sayı 12 deyil, say limiti yoxdur, imamlıq hələ də davam edir. hazırda imamları əhli-beyt soyundan gələn ağa xan (şah kərim əl-hüseyni) adlı birisidir. ağa xanın çoxlu xeyriyyəçilik işləri var, özü də açıq geyimli modellərlə gəzir, içki məclislərində olur və sair. ismailələrə görə imam şəriəti nəsx edə bilər (yəni fulan şey artıq fərz deyil deyə bilər, məsələn hicab) və ya dinə əlavə hökmlər artıra bilər. buna görə də hazırkı ismaililər namaz qılmır, hicab geyinmir, içki içirlər çünkü imam bunları nəsx edib, hazırda bunlar fərz deyil deyir.

ismaililər haqqında maraqlananlar, ingiliscə bilirsinizsə twitter və youtube-da "khalil andani" adlı bir ismaili təbliğçi var, onu izləməyinizi tövsiyə edirəm. çox da dərin savadlı birisi deyil amma günümüzdə ismailik haqda danışan üzdə olan ismaililərdən bir o var. fars və ərəb dillərində bəlkə daha yaxşıları var amma ingiliscə olan bir budur.

+10 əjdaha

2. 8ci əsrdə ərəb xilafətində sinfi ziddiyyətlərin kəskinləşməsi nəticəsində meydana gəlmiş şiə müsəlman təriqətidir.adı şiə imamı cəfərin oğlu ismayılın adından götürülmüşdür.dini-fəlsəfi təlimdir.ismailizm ortodoksal müsəlman dini-fəlsəfi təlimindən kəskin şəkildə fərqlənir.onlar belə güman edirlər ki allah insanlar üçün anlaşılmazdır,dərkedilməzdir.buna görə də dua ilə allaha deyil,allah tərəfindən yaradılmış dünya zəkasına müraciət etmək lazımdır.onlar ruhun bir bədəndən başqasına köçürülməsinə inanırlar.dünya ruhunun bir hissəsi olan insan ruhu ilahi həqiqəti qavramağa qadirdir lakin bu ruh əvvəlcə müxtəlif vaxtlarda yaşamış bir çox adamların bədənlərində növbə ilə olmalıdır.ilahi həqiqətə nail olan onun vasitəsiylə müdrikləşən ruh cənnətə düşür.ismaililərin təsəvvürlərinə görə məhəmmədin və onun sevimli kürəkəni əlinin ruhu imamlara köçürülür bu imamlar da onların yanına göndərilib ki onların mənəvi həyatına rəhbərlik etsinlər.imamlar və peyğəmbərlər haqqında ruhun təcəssümləşməsi haqqında təlimin bilavasitə vəzifəsi tüfeyli həyat keçirən təriqət rəhbərlərinin real dünyəvi nüfuzunu möhkəmlətmək sıravi dindarları isə tamamilə itaətkar vəziyyətə gətirmək vergi verməyə hədiyyə və nəzir gətirməyə məcbur etmək idi.bu təriqətin canlı allah kimi sitayiş etdikləri imam tərəfindən rəhbərlik edilən güclü şaxəli təşkilat yaratmışdılar.ismaililərin islamın yayıldığı ölkələrdə (xüsusən tacikistan,pamirdə)icmaları mövcuddur