+37 əjdaha
1. (baxma: the tragedy of good luck)(baxma: the blessing of bad luck)
Deməli, Bir gün Eric adlı biri iti novanı da götürüb gəzməyə çıxır. Gəzdikləri yerdə otluqdan bir dovşan tullanır onlar tərəfə və nova bu dovşanı görüb erici buraxıb dovşanın arxasınca qaçır. Eric də novanın arxasınca qaçır, yetişə bilmir, bu hayda da dovşan özünə təzə kol tapıb o kolluqda gizlənir, beləcə nə nova dovşanı tapa bilir, nə də eric novanı. Bu və bundan sonrakı bir çox günləri də eric novanı axtararaq keçirir, ailəsinə-qonşularına xəbər edir, elanlar asdırır. 1 həftə keçir, nova tapılmır ki, tapılmır.
Eric belə vaxtda nə qədər şanssız olduğunu, dovşanın bərbad bir zamanlamada qarşılarına çıxdığını, dovşan o an orada olmasaydı indi novayla bərabər olacağını düşünür.
Təxminən 1 həftə də keçir. Ericin qapısı döyülür, qapını açıb qarşısında xoş bir qadın, qadının əlində novanı görür. Novayla març-murçdan sonra eric qadına təşəkkür edir, qadın da özünü təqdim edib; adının vanessa olduğunu, ericlə eyni yaşlarda olduğunu deyir. Onlar qapıüstü bir az da danışırlar, qaynaşırlar və sonrakı günlərdə görüşməyə başlayırlar. yaxşı anlaşır, daha sonra sevgili olurlar. Vanessa eric üçün "ideal sevgili" qavramının birəbir qarşılığı olur: gözəl, təbii, əyləncəli, zəkalı və sairə. Eric vanessa haqqında düşünərkən Vanessanın doğru yerdə, novanı tapan doğru insan olduğu üçün özünü şanslı hiss etməyə başlayır
Aylar keçir. Ericlə Vanessanın həyatında hər şey axarında olur. Bir gün eric Vanessayla görüşmək üçün maşınına minib yola düşür. Dördyoldan keçəndə booooom.. bir maşın qırmızı işıqda keçib dəyir ericin maşınına. Eric huşunu itirir. Bir neçə saatdan sonra gözlərini xəstəxanada açır və başının üstündə bir həkim görür. Həkim ericin başına gələnləri danışır, sonra da beynində qalıcı xəsarət alıb-almadığını müəyyənləşdirmək üçün bir neçə test etməli olduqlarını deyir. Bu xəbərdən sonra məyus olan eric o gün vanessayla görüşməyə getməsəydi bütün bunların yaşanmayacağını, şanssızlığının da bu qədərimi deyə düşünür
Eric gecə xəstəxanada qalır, səhər həkim onun yanına gəlib tomoqrafiya nəticələrini açıqlayanda: "bir yaxşı xəbərim, bir pis xəbərim var" deyir. Eric "dafuq, what's going on" mooduna girib, axır bir təhər birinci pis xəbəri eşitmək istədiyini deyir. Həkim də deyir ki, texniki olaraq pis xəbər də, yaxşı xəbər də eyni şeydir: pis xəbər beynində bir şişin aşkar olunması, yaxşı xəbər də bu şişin indj aşkar olunması. Sonra həkim əlavə edir ki, bu şişin keçirdiyin qəza ilə heç bir əlaqəsi yoxdur və çox güman ki, əgər sən bu qəzanı keçirib tomoqrafiya çəkdirməsəydin, bu şişin varlığından da xəbərsiz olacaqdın, Normalda bu tip şişləri xəstədə şiddətli ağrılar özünü göstərəndən sonra aşkara çıxarırıq, bu da əksər hallarda xəstənin sağalması üçün çox gec olur, sənin beynindəki şişi isə beyninin digər qisimlərinə yayılmadan, zərərsiz şəkildə kəsəcəyik. Sonda həkim "Eşitməsi nə qədər qəribə səslənsə də, keçirdiyin qəza həyatını qurtarıb" deyib, ericin yanından ayrılır.
Eric key kimi ətrafa baxmağa, düşünməyə başlayır; O gün vanessanın yanına getməsəydi qəza keçirməyəcəkdi, qəza keçirməsəydi beynindəki şişi öyrənə bilməyəcəkdi.
indi də eric necə şanslı olduğunu, yaxşı ki bütün bunların baş verdiyi qənaətinə gəlir.
Xülasə, eric əməliyyat olur, əməliyyat yaxşı keçir, vanessayla eric əvvəlki həyatlarına geri dönürlər. eric bir gün yenidən novanı da götürüb gəzməyə çıxır..
Beləcə, nova effekti bəzən yaşanan pis hadisələrin yaxşı nəticələr gətirəcəyini və ya yaşanan yaxşı hadisələrin nəticədə pis şeylər gətirəcəyini izah edən fenomendir.
Hər şeyin başlanğıcı ericin iti nova olduğu üçün də effektə novanın adı verilir.
Buna oxşarfason atalar sözümüz də var:
(baxma: hər şərdə bir xeyir var)
Kiçik bir nümunə olaraq, Karantində sıxılıb-boğulanda* xüsusilə mart-aprel aylarında bütün gün vaxtınızı keçirdiyiniz platformalarda tanış olunan əjdaha insanları göstərə bilərik və ya bu il karantin olduğu üçün dördüncü kursların dövlət imtahanından azad olmasını blah blah blah
mənbə
