+10 əjdaha
1. 2003-cü ildə çəkilmiş yarım saatlıq qısa çex filmi. bizim dildə desək "körpü".--spoiler--
film bir-birindən başqa kimsəsi olmayan ata ilə oğulun hekayəsini təsvir edir. daha doğrusu onların hekayəsi üzərində bütün həyatı sorğuladır. ata körpüdə işləyir, gəmi gələndə körpünü qaldırır, qatar gəldikdə isə endirir. bir gün işə gedərkən oğlu ladanı da yanında aparır. həmin gün həyatının ən ağır seçimi qarşısında qalır.
--spoiler--
film çarəsizliyin, acının, biz dərdlərimizlə boğuşarkən həyatın necə axdığının toplamıdır. filmin əvvəlində atayla oğul dəmiryolunda qatarın yola düşməsinə baxırlar. kimisi arzularına doğru gedir deyə sevinir, kimisi sevdiyindən ayrılır deyə ağlayır, kimisi də nə olar olar düşüncəsiylə yola çıxır. müxtəlif duyğular, müxtəlif yaşamlar eyni qatarda, eyni yerə gedir.
filmdə soyuq rənglər və musiqilər öz yerindədir. izləmək zövq verir. hələ *la vie en rose* səslənən səhnələr dəhşət idi.
bir də belə gözəl dialoq keçir:
-ata, nəsə olub?
-yox, heç nə.
-bəs niyə hüzünlüsən?
-bilmirəm. deyəsən səbəbsiz hüzünlüyəm.
-axı sadəcə hüzünlü ola bilməzsən. gərək bir səbəbi olsun.
mütləq izləyin, izlətdirin!
(bax: tramvay dilemması)