+8 əjdaha
1. ikinci dünya müharibəsi dövründə dünyadakı 2 qadın kapitandan biri olan azərbaycanlı xanım.Şövkən xanım 25 dekabr 1920-ci ildə doğulub. 10 uşaqlı dənizçi ailəsinin ən böyük uşağı olub. uşaq yaşlarından uçuş aparatları ilə maraqlanır, hətta 11 yaşında qatıldığı yarışda düzəltdiyi maket birincilik qazanır. lakin jurnallardan birində sovet qadın kapitanı *Anna Shchetinina*nın şəkilini gördükdən sonra dənizçi olmağa qərar verir. ailəsinin və ətrafdakıların etirazına baxmayaraq *bakı ali dənizçilik məktəbi*nə daxil olub 20 yaşında buradan məzun olur.
məzun olduqdan sonra *qaradəniz nəqliyyat şirkəti*nin *sergo* tankerində 3-cü dərəcəli köməkçi kimi işə götürülür. qadın olduğu üçün ilk başlarda kapitanlıq vermək istəməsələr də, sonunda arzusuna nail olur. əvvəlcə kapitan köməkçisi, daha sonra kapitan vəzifəsinə yüksəlir.
ikinci dünya müharibəsi başladıqda *dnepr* paraxodu ilə döyüşlərə qatılır. kapitanı olduğu gəmi ilə Stalinqrada hərbi texnika, yanacaq, sursat daşıyıb. həmçinin yaralıların Bakıya və Krasnovodskaya aparılmasına xidmət edib. bir dəfə dənizdə olarkən gəmisi alman təyyərələrinin hucumuna məruz qalır. Şövkət xanım təyyərələrə qarşı atəş açmaq əmrini verir və beləcə hücum dəf olunur. bu qəhrəmanlığı üçün ona *qırmızı ulduz ordeni* verilib. bundan başqa daha bir neçə orden və tərtif medalları almışdır.
kapitanlığı buraxdıqdan sonra tezisini müdafiə edib iqtisad elmləri namizədi, dosent, respublikanın əməkdar iqtisadçısı adını qazandı. həmçinin Azərbaycan Respublikası Elmlər Akademiyasının müxbir üzvü olub, ictimai işlərdə fəal iştirak edirdi.
Şövkət xanım 1999-cu ildə vəfat etdi.