+7 əjdaha
1. Rəngli filmləri yumaq texnikası.Tetenal markasının c41 kimyəviləriylə evdə film yuma şəklini bacardığım qədər sadə yazmağa çalışacam ki, bəlkə maraqlananlara kömək olar.
Bu markanın set şəklində aldığım kimyəvi dərmanları hərəsi 200ml lik olmaqla 6 dənə butulkada gəldi.
C41 texnikasıyla rəngli filmləri yumaq üçün qarışdırdıqdan sonra əldə edəcəyimiz dərmanların ideal istilik dərəcəsi 38 olmalıdır. 1 dərəcə aşağı yuxarı elə də önəmli deyil əslində, amma yenə də diqqətli olmaqda fayda var ki,sonra filmlərin boş çıxdığını görüb dilxorçuluq olmasın.
6 butulkadan ilk 3 dənəsi üstündə CD part 1,part 2,part 3 yazılı olanları (bunlaraColor Developer deyilir) 1 litrlik ayrı bir butulkaya boşaldıb, 400ml lik 38 dərəcədə olan suyumuzu əlavə eliyirik. Dəqiqlik, rahatlıq üçün üstündə ml,lt göstəricisi olan su qablarından istifadə eləmək yaxşı olar. 2 ci dərmanı hazırlayacağımız üçün 1 cinin soyuması da problem deyil,əlavə isti su olan bir qazanda hazır olan dərman butulkasını gözlətmək olar,amma mütləq dərəcə ölçən termometr də olmalıdır. 2 ci hazırlayacağımız kimyəvi dərmanlar (sabitləyici) bx part 1 və part 2 yazılı olanlarıdır. Bunları da ayrı 1 litrlik butulkaya boşaldıb üstünə eyni dərəcədə 600ml lik su əlavə eliyirik. Sonuncusu stab stabilizer (ləkə təmizləyici) olan dərmanı da 1 litrlik ayrı butulkaya boşaldıb üstünə su boşaldırıq dolana qədər.
Neçə film olmağından asılı olmayaraq Ümumilikdə 11-12 dəq çəkir yumaq. Bütün proses ərzində vaxt tutmaq vacibdir. Əvvəla evdə film yumaq tankının içinə qaranlıq bir otaqda ki,bu risklidir yaxşısı bu olar ki işıq keçirməyən, satılan özəl qara torban olsun bunun üçün, ya da bildiyin alternatif bir şəkildə filmi həmin bu tankın içində olan çarxa sarıyırıq qaranlıqda. Tankın ağzını bağlayandan sonra üstündə olan kiçik yerdən əvvəl 1 ci düzəltdiyimiz dərmanın hamısını boşaldırıq, təbii ki, dərəcəsi 38 olmalıdır. Ümumilikdə 3 dəqiqə 15 saniyə olmaqla,ilk 30 saniyə çalxalayırıq,sonra hər 30 saniyədən bir 5 saniyə çalxalayırıq. Sonra tankın içində olan istifadə etdiyimiz dərmanı 1litrlik öz butulkasına geri boşaldırıq ki, o biri dərmanları da eyni şəkildə saxlamaqla bir neçə dəfə istifadə edə bilək.
2 ci düzəltdiyimiz dərmanı (sabitləyici) yenə derecesini dəqiqləşdirib film olan tanka boşaldırıq. 4 dəqiqə olmaqla ilk dərmanda etdiyimiz qaydada çalxalayırıq. Vaxt tamam olandan sonra bunu da geri öz butulkasına boşaldıb təxminən 3 dəqiqə yuyuruq. Artıq tankın qapağını açmaq olar, sırada,hazırladığımız 3 cü dərmanla filmi durulamaq,daha sonra 5-6 saat qurumağını gözləmək lazımdır.
