1. emil quliyevin rejissorluğunu etdiyi, baş rollarını hikmət rəhimov və azər aydəmirin paylaşdığı, ceyhun hidayətlinin eyniadlı motivlərinə əsaslanaraq çəkilən, ölkədən çıxmış ən keyfiyyətli işlərdən biri. seriala baxandan sonra bilirsənki sən demə nə "ata ocağı" serialındakı nə də başqa yerli seriallarda çəkilən bəzi aktyorlar heç də istedadsız deyilmişlər, sadəcə düzgün ssenarinin, düzgün rejissor işinin, düzgün kinomatoqrafiyanın bir parçası ola bilməyiblər.
ikinci sezonun finalını hər nə qədərdə yola versələrdə, ilk sezon zirvədədir.
(baxma: obed eləmisiz? )
2. serialı təzəlikcə bitirdim və onu deyəbilərəm ki, həqiqətən azərbaycanda çəkilmiş dedektiv janrında ən möhtəşəm serialdır. ancaq möhtəşəm deməyimə baxmayın, mənfiləridə var. misal serial boyunca kənan orucovun prokurorluğa yenidən başlamasını kənanın həyat yoldaşı nuridə o qədər boşluqlara rəğmən heçnə anlamır. amk kənanın iş yoldaşı rəna qapıya qədər gəlir, hətta birdəfə kənan evə belində yara bərə içində gəlir, yaxşı heçnə anlamadı deyək o əlcək söhbətindədəmi bir şüphələnmədin? bəlkədə anlamışdı ya anlamamışdı bilmirəm ama yenədə bu xırda nüanslar xaricində əladı. qısaca izləyin.
3. azərbaycan televiziyasının son illərdə ən yaxşı işlərindən biri olan çoxseriyalı bədii film.teleserial detektiv ədəbiyyat yazarı olan ceyhun hidayətlinin “əqrəb” romanı motivləri əsasında çəkilmişdir.filmin bu qədər uğurlu olmasında emil quliyev - hikmət rəhimov - azər aydəmirov üçbucağının böyük rolu var.yeganə tənqid olunası tərəfi odur ki, baş prokurorluğun binasını görməkdən bezirsən.
4. onların true detectivei varsa, bizim də əqrəb mövsümümüz var!! elə təsəvvür edin ki, kənan = rust, rauf = martin. əslində görünüşləri də azdan-çoxdan oxşayır e. amma zarafatsız, true detective'i daha gec bitirmişdim. bizim serial isə nəyəsə baxmağa hövsələm olmayan vaxtda məni ekrana kilidlədi, səhər başlayıb bayaq bitirdim. film critic olmasam da, subyektiv fikirlərim belədir:
+ dialoqlar təbiidir, kitab dilində deyil,
+ rolların çoxu "cuk" oturub, aktyorluq əladır,
+ süjet dinamikdir və adamı içinə çəkir,
+ hikmət hacıyev.
keçək mənfilərə:
- süjetdəki qırılmalar. məsələn, kənanın oğlu ilə bağlı söhbətləri yola veriblər və on iki seriya boyunca hər yerə səpələdikləri mövzunu türk kişiyə beş-on manatlıq dublaj etdirərək bağlayıblar.
- kənanın yoldaşı. mən olsam, boşandığı üçün şükür edərdim, o nə rəftardır axı? yox e, motivlərini də tam anlamırıq ki, atası uşağı itirdiyi üçün daha depressivdir, nəinki anası. axırda bir dəfə göstərməlik pis olur, uşağın xəyalını görür filan. ümumiyyətlə, bu obraz çox antipatik idi.
- camaatın milçək kimi qırılması. məncə, ortada "serial killer" yoxdursa, başqa obrazların ölməyə başlaması diqqəti əsas cinayətdən yayındırır.
- şərhlər bölməsi. siz allah bunu bağlayın, göz zövqümüz pozulmasın. okay, əla serialdır, o biriləri keyfiyyətdə və ssenaridə geridə qoyur və s. qardaş, bunu birinci seriyada bir dəfə dedin, ikincidə dedin, başa düşdük, bildik day. niyə hər seriyanın altına mədhiyyələr düzürsən axı? seriya bitir, istəyirəm aşağıda insanların fikirlərini oxuyum, ancaq tərif oxuyuram.
düşünürəm ki, müsbətləri çox açmağa ehtiyac yoxdur, hər şey göz qabağındadır, lakin bir şeyi tənqid edirsənsə mütləq əsaslandırmalısan. türklərin "yapıcı tənqid" dedikləri şey də məhz budur.
5. hazırda 2ci sezonu yayımlanan serial. ilk sezonu qədər maraqlı olmasa da, Azərbaycan seriallarına nisbətən kifayət qədər keyfiyyətlidir. sözlükdə baxanlar varsa yazsın, müzakirə edək -*
)