Sözaltı Sözlük - Azərbaycandilli Fikir Ensiklopediyası

+16 əjdaha

1. Az yaşlı uşaqlarla aram həmişə yaxşı olub. Bunun üçün xüsusi səy göstərməmisəm heç vaxt. Keçən gün birdən bunun fərqinə vardım ki,spontan şəkildə əmələ gəlir. Yaxın vaxtlara qədər, yerinə görə, daha mehriban, yumşaq davranırdım uşaqlara, düşünürdüm yəqin buna görədir məni sevməkləri mi, deyim , yoxsa mehriban şəkildə qarşılıq verməkləri mi. Amma elə deyil. Söhbət 10 yaşa qədər uşaqlardan gedir ki, məşq keçdiyim uşaqların sayını daha çox bu yaşlar təşkil edir. 15 Uşaq məşqə gələn varsa , bunların 9-11 nəfərini valideyn rolunda xanımların ( ana, bacı, xala və s.) Nəzarətində olur. idman kompleksinə yaxın ərazilərdən gəlsələr belə, 10 yaşında olan, bir neçə uşağın eyni məhləde qaldığı məlumdu, yəni biryerdə, özlərinin gəldiyini hələki görmədim, bu müddət ərzində. Yadımdadır ki,mən də bu yaşlarda gedirdim idmana,həyətin qapısından çıxan kimi məhlə uşaqlardan kimlər varsa hamı bir-birinin həvəsinə yığışıb şellənə şellənə, üstəlik qabağımıza bir kapron butulka çıxarsa, onu düz mərkəzi ordu idman klubunun (moik) giriş qapısına qədər, yolda gedə gedə futbol oynayıb aparırdıq. Məşqdən sonra bufetdən yemək yeyib, başqa idman növləri olan zallara girirdik, tanış olurduq ya da çıxıb gəzirdik, şuluqluq edirdik, evə heçkim qayıtmaq istəmirdi. indi məşqlərdə görürəm ki, uşaq bir balaca büdrüyür, valideyn stadionun kənarından girir qazona, ya ordan birşeyler soruşur ( nə oldu? Su verim? Gəl ketanı bağlayım, formanı sal içəri, mənə bax şəklini çəkim, saçını düzəlt, müəllimin yanında dur), dedim bilirsiz nə var? Çıxın çölə. Və xahiş edirəm bu qapının yanından qabağa keçməyin, üstəlik çağırıb məşqimizi də bölməyin, bura baxça deyil. Səs söhbətinə görə yeni ideya yaratdım zalda. Musiqi ilə futbol məşqi. Üstəlik kalonkaları da düz valideynlər oturan tərəfə qoydurdum, düzdür səsi az açırıq amma effekti çoxdur. Uşaqlar məni eşitsin bəs edər. Ağılları, istəkləri, diqqətləri stadionda olmalıdır, məşqdə. Uşaqlarla da məşq saatlarında biraz sərt davranmağa başladım,sərt deyəndə ki, mən heçnə etmirəm amma imkan yaradıram özləri bir birilərini əzsinlər. Ara-sıra reqbi tərzi oyun oynadiram, amma qaydalar, əldə topu gəzdirsən də pas ayaqla verilməlidir. Qırışırlar, görürəm özlərinə çox ləzzət eliyir. Əzirlər bir-birlərini topa görə. Aralarında bir neçəsi dəhşət özünə qapalı idi əvvəllər, hətta biri vardı ki, komanda şəkil çəkdirəndə bu gedib, lap kənarda durmuşdu, kadra belə düşmürdü. indi canavarlaşır. Olur ki, topla bir tapşırıq verirəm, uşaq təkrar eliyən vaxt, xəbəri olmadan özüm topla vururam onu ( ayağından) pozuram ritmini, deyirəm get, təkrar. Deməli hər məşqin sonunda 10 dəqiqə match oynadiram, qələbə qazanan komanda, qapının önündə yığılıb oturan, məğlub olmuş komandanın oyunçularını hərəsi bir dəfə topla vurur. Başqa, bunun kimi özləri üçün kiçik məğlubiyyət cəzası düşünüb tapmaqlarına imkan yaradıram. Misal havalar istiləşir, indidən butulkaya sular yığıb sulamaq istəyirlər bir-birlərini. Sözümün canı odur ki, oğlan uşaqlar, bu yaşlarda ana, dişi enerji nəzarətində az olmalıdır. Ən azından idman vəya başqa bənzəri məşğuliyyət saatlarında.

oğlan uşağı