+9 əjdaha
1. 18-ci əsrdən bəri ingilis xalq nağıllarında təsvir olunan bir cadugər və qarabasan olan black annis-in mənşəyinin Kelt mifologiyasına əsaslandığı onun haqqında olan şayiələrdən biridir. black Annis-in Leicestershire çölündə, yerli əhalinin "black annis köşkü" kimi tanıdığı Dane təpəsi adlı yerdəki qaranlıq bir mağarada yaşadığı deyilir. Bu mağaranın girişini işarələyən bir palıd ağacı vardır və black annis bunun arxasında gizlənərək, kimisə tutmaq üçün orada gözləyir. Şayiələrə görə, o, hündür boylu, mavi və çirkin dərisi olub, uzun, kəskin dişləri ilə dırnaqları vardır. Yeyəcəyi uşaqların dərisini çıxarmaq üçün bu dırnaqlardan istifadə edir. Uşaqlar yedikdən sonra soyub çıxardığı dəriləri qurutmaq üçün ağacın budaqlarına asıb, sonra isə bütövlükdə uşaq dərisindən olan ətəyinə tikər. O, mağarasını ancaq gecələr tərk edərdi ki, orada daha ləzzətli uşaqları tapmağı gözləsin, onun fikrincə ən ləzzətli uşaqlar ən dəcəl olanlar idi. həmçinin, black annis, qoyun və quzu kimi mal-qaranı da yeyirdi.18-ci əsrdə belə bir söz-söhbət yayılmışdı ki, black annis uzun, sümüklü qolları ilə uşaqları pəncərələrdən oğurlayırdı, çünki həmin ərazidəki evlərin pəncərələri şüşələnmirdi. Leicestershire evlərinin qəsdən kiçik pəncərələrlə tikildiyi də deyilirdi. Mənbələrdə black annis-in evlərə soxularaq uşaqları qaçırdığı da qeyd olunub. Cadugərin dəhşətli qışqırıqları kilometrlərlə uzaqdan eşidilirdi, bu da insanlara onun ziyarətinə hazırlaşmağa vaxt verirdi. Şayiələrə görə, diqqətlə qulaq assanız, hətta dişlərinin bir-birinə sürtmə səsini belə eşidə bilərsiniz.
