+9 əjdaha
1. Futbol termininde meydançanı boyuna göre 3 hissəyə böləndə cinahlar (sağ,sol) ve mərkəz olaraq ələ alarıq ancaq hər cinahdan bir də boyuna əlavə xəyali xətt çəkməklə halfspace adlanan bölgəni yaratmış oluruq. Yəni sağ və sol bölgəni 2 yə bölməklə.
Bunun nə kimi bir önəmi var? Müasir futbol əslində bu zonaların istifadəsilə klassik 10 nömrə oyunçularının yoxa çıxmasına təkan verdi. Bu başqa mövzudur. Özüm əslən sol ayaq istifadə etdiyimə görə cinahlarda oynamaq ( hücuma meyilli yarım müdafiə) rahat idi. U16 Azərbaycan yığmasında ilk dəfə bir oyunda halfspace zonada oynamaq tapşırıldı mənə. Hücuma daha da yaxın və sərbəst. istədiyim də bu idi. Sözsüz ki, o yaşlarda bunu çox da anlamırdım amma bir şeylərin tərs getdiyini özüm və məşqçilər də görürdü. Başa sala bilmirdim heçkimi. Kamplarda, çox dəfə əlimdə olmayan səbəblərdən, problemlər, xoşagəlməz hallar yaşatdığım üçün yenə də şıltaqlıq, ərköyünlük etdiyimi düşünüb cəzalarla ələ alınırdım, taki Andorra kampında olan hadisələrə qədər.
Keçən gün 9-10 yaşlı uşaq komandamın da dözülməz ısrarları ilə tətildən öncə bir oyun, yarış istəklərini qəbul eledim. Mənim və uşaqlarım üçün də ilk peşəkar yoldaşlıq oyunu oldu bu. Onlardan çox həyəcanlı idim. Min bir əziyyətlə axır ki, baş tutdu oyun. Mövzu bu deyildi. Bu yaşında uşaqlar meydançada stabil bir zonada oynamırlar, məşqlərdə öz yerlərini bilmələri üçün tapşırıqlar verirəm ancaq zamanla mövqelərini deyişe bilə və ya fiziki, bacarıq durumlarına görə öz seçimləri olmayan bir yerdə də istifadə edilə bilərlər. Ancaq çox da şahmat üslubuyla keyflərinə soğan doğramamaq üçün sərbəstlik yaratdım onlara , əlimdən gəldiyi qədər. Favori uşağlarımdan biri var, komanda da standart 7 nömrə. Həmyaşıdlarına görə daha yaxşı pasları, topla rəftarı, meydançanı görməsiylə seçilir. Bunu oyunun 1ci hissəsinin sonlarına doğru sağ cinahdan halfspace zonaya çəkdim ( çünkü komanda yoldaşları bunun pasıyla qol vurduğu üçün özü də qol vurmağa can atırdı getdikcə, anlayıram) uşaq hər topu demək olar ki, itirir, əslində özünü də itrib, nə edəcəyini bilməməyə başladı və qeyri-ixtiyarı yenə də sağ cinah aut xəttinə yaxın oynamağa başladı. Səbəbini tutdum əlbəttə. Hissə arasında da danışdım onunla. Öz başıma gələnləri xatırladım ancaq mən dərdimi başa sala biləcək birini tapa bilməmişdim o, yaşlarda. Cinahda oynayan biri, topla irəlilədikdə rəqibin müdaxiləsindən sonra çox vaxt top ən pis halda auta çıxır və bu cinahda oynayan oyunçuya güvən ( komfort zona) yaradır meydançada. Əslində mən məşqlərdə həmin halfspace zona görə bu uşağa heç bir halda tapşırıq filan verməmişdim, (hələki vacib də deyil ) .heç ağlıma gəlməmişdi, sadəcə oyun anında düşünüb həyata keçirtdim ki,qola biraz da yaxın olsun. Maraqlıdır ki, özüm üçün də müəmma qalan bir məsələ bununla çözüldü və nə edəcəyimi bilirəm. Oyunu isə 6-2 qələbəylə başa vurduq.