+21 əjdaha
1. Buna cavab yazacaq ən ideal insan olacağımı təsəvvür etməzdim amma həyat...il 2013. Universitetə hazırlaşıram. Ad günümdə yığılan pullarla ovuc içinə sığan android Galaxy Star telefonu almışdım. O ərəfələr Etibar ilə tanış oldum. Çox savadlı, pozitiv bir insan idi. Çoxu onu Bambuk səhifəsini admini kimi tanıyırdı. Etibar anidən intihar etdi. Heç birimiz bunu gözləmirdik. O günlərdə bir dost qazandım. Çoxunun indi CBC sportdan tanıdığı Mustafa Kamal. O Eti ilə məndən daha yaxın dost idi. Ona dəstək olmağa çalışırdım zamanında.
Üzərindən illər keçdi. Rəşad adlı dostum özünü qatarın altına atdı. Ondan bir neçə ay il sonra isa. Bir səhər facebookda gəzəndə, bir nəfərin isanı tag edib bir xəbər paylaşdığını gördüm. Tələbəlik illərimin ən gözəl xatirələrinə sahib insanı, gözlərimizin önündə, heç gözləmədiyimiz halda köçdü bu dünyadan. Ən son isə keçən il 26 Dekabr. Uşaqlığımı bərabər keçirdiyim, Elvin. Bütün yay tətillərim, ilk dəcəlliklərim hamısı onunla bərabər idi. Bir gecə evimdə oturanda Şəkidən bir başqa dostumuz zəng etdi: -Elvindən xəbərin var? + Nə olub ki? - Evdə özünü asıb, əmigil tapıblar.
Bu dialoqu heç unuda bilmirəm. O an bu son 1 ildə yaşadığım bu qədər ağır hadisələri incələdim öz beynimdə. Dostunu itirmək, bütün xatirələrini onunla birlikdə bastırmaqdı. Göz yaşını heç kimin başa düşməməsidir.
* Axı bizim dost itirən yaşımız deyildi...
sifarişi verən: nuwanda